Sam 103:1 - Nobonob Baibel

¹ Da Yawe onig humakkul. Ao, da ool unuqag, meul oh ele, da amuppa Yawe onig oppiaawak ele humakkul.

Sam 103:1 Referans Kwoze

Jon 4:24

Kayak Nug am Ouɗi amunu, danab ag Nug noobppa dup nona binag elele mekkulagnu amu, ag Kayak Ouɗi ehanittakppa, amu doyak diig genabib eleppa Nug noobppa dup nona binag mekkulagoitte,” awa aum.

1 Korint 14:15

Amunu da attem hekkul? Da unuqidkkul amu da ouɗil, dahil dabmak ele ohppa unuqidkkul. Da ahi edakkul amu da ouɗil, dabmak ele ohppa ahi edakkul.

Sam 111:1

Ag Yawe binag meig! Da meul ohppa genab tutukku hak danab ah, am Jakop buɗub ag Kayak dim lamidtteb ele, da ag ele qagmeta, Yawe amegppa, “Ena hen mekkame,” akkul.

Sam 103:22

Keeke oh Nug ag hattom ele, ag Yawe binag meig! Ag aben ohppa anam heig! Dahilnu amu, da ele Yawe binag humakkul.

Sam 99:3

Yawe Nug onig okkainab ele; danab ah ag nuhignu ebehilag oh bodoetta le mekkunu daatte. Anam amunu, ag Nug onig humeg! Nug oppiaawak daatte.

Kolosi 3:16

Kristusnu nai enanag meu ele ag oolagppa daakkuoitte! Ag akka akka doyak dabmak ena eleppa nug ippunidnana, nug ehanittak ele heig! Ag oolagppa Kayak amegppa, “Ena hen mekkame” anana, ag sam, mettidnu ahi, amu Kayak binag maknu ahi ele etteg!

Sam 63:5

Danab nug ee ena lanana, oo dittie enanag dootte, amubia da ⌊na lautppa na guguitten dayeye,⌋ da elelenab dookkul. Da ahi oo gamag ahak, na binan maknu ele ettaladkkul.

Sam 47:7

Kayak Nug wan atu ohnu king daatte. Nug am wan atu ohnu king amunu, ag ahi laa Nug humittaknab nuhignu etteg!

Pilipai 1:9

Amu da ahilag oo mauhak kobol am okkai meebeb, amu ahilag doyak, ahilag diignu doyak tutukku ele aa ele okkai mepeɗ daaglagnu Kayak unuqidttem.

Sam 138:1

O Yawe, da nahipnu meul ohppa, “Ena heme,” awe akkul. Da hambuppuak kayak laa oh noolagppa da na binan mak ahi edakkul.

Aisaia 6:3

Amu engel-serep amu ag oh anen anen, ag laa anen anen ag agakka nug amegppa ag inam aon enana daappig. “Yawe Nukka Ɠagattag Oh Ele, Nug oppiaawak, Nug oppiaawak, Nug oppiaawak. Yawe Nukka Ɠagattag Oh Ele, Nug oppiaawak ele. Nuhig binag amahlak oppiaawak ele am wan oh elele mettom daatte,” aon enan daappig.

Revelesen 4:8

Hab daup waɗele Kayaknu bauklel aotteb ele, ag oh haulkad eblaih laippu ele, ag haulag qaɗeppa, waappa ele amelkad doɗo kuɗum ele. Ag tuqan amun ele Naɗi binag menana, inam atteb. “Naɗi Kayak Nukka Ɠagattag Oh Ele, Nug oppiaawak, Nug oppiaawak, Nug oppiaawak. Nug gemu daatte, anukka dayom, dimppa uɗikkunu ele daatte.” Amun, tuqan ele ag anam anana daatteb.

Sam 104:1

Da Yawe onig humakkul. O Yawe, dahil Kayak, na onin ɠagattag ele am okkainab. Na dagom onin ɠagattag okkai naɗi ele daattem.

Sam 145:1

O Yawe, na am dahil Kayak, na king. Da geha na binan okkai, attannab humakkul. Yo, da geha hanhan na onin attan humakkul.