Sam 102:28 - Nobonob Baibel

²⁸ Nahipad maɗi nid bekkalkad aɗelkad ele ag geha na noomppa ɠagattag daaglag. Ao, ag buɗulkad amu, ag geha na noomppa hanhan daaglag,” awe ami.

Sam 102:28 Referans Kwoze

Aisaia 66:22

Yawe Nug ele atte. “Amu hab bau, wan bau da hekkul ele amu, keeke aɗit amu hanhan da noolppa daaglah, amubia amu, ag Israel ag onilag am hanhan dayebeb, ag buɗulkad ele am iitta ii memana.

Aisaia 65:22

⌊Gemu haen kuɗum kekeɗ ag uɗin, ahilag keeke aotteb, amge⌋ haen amuppa da heppi, ag laulkad buuppeg, laa ag uɗin amuppa ii daamna. Da heppi, ag keeke ebappeg, laa ag uɗin ii lamana. Aɗinu? ⌊Da ag ehanadkkul.⌋ Amu dahilad danab ah ag ad haen elab daatteb bia daaglag. Ao, danab ah da ag tituanadmi amu, ag aɗi keeke ag eppelagppa hetteb ele amu, ag uɗat amunu meunu haen elabnab oolag gamag ahakku.

Aisaia 53:10

⌊Ag Yawenu maɗi nidnu anam ii helob⌋, amge ⌊ihinig hipunin uhuqkkunu ib laa iitta amunu,⌋ Yawe Nug nuhig maɗi nid nug amu maokkunu aum. Yo, ⌊ihinig hipunin uhuqkkunu ib laa iitta amunu,⌋ Yawe Nug ag nuhig maɗi nid guittak anam mettaglagnu ib babaittom. Yawe Nug he, nuhig maɗi nid nug eheɗ haknu ofa dayom amunu, Yawe Nug heeb, nuhig maɗi nid nug buɗub ele dayaya, buɗub anadkku. Nug dayaya heeb, Yawenu dabmak am ena ma, okkai mekku.

Sam 89:4

Da nai inam ɠagattag qetten ami. ‘Da geha heppi, na buɗunad oolagppanu laala ag ahilag haen anen anenppa, ag Israel dilag king hanhan bena daaglag. Yo, da Israel danab ah dilag gumak uɗat na, amu na buɗunad ele, da ag eppelagppa hanhan daakkunu ɠagattag qedakkul.’ ” Sila.

Duteronomi 32:39

Antteg! Da dakka, da Kayak laippu daattem; kayak laa ⌊ag ehanadkkunu⌋ da heqolppa ii daatte. Da dakka Kayak daattem. Da danab bau dayak madattem, amu da bau dayak amu eɗue aɗattem. Da danab eheɗ hedattem, amu da danab ehanatti, ena daatteb. Auntai laa, dahil hak nuhigppa hekkulnu hettem, nug amu qe-eɗitta, oola gokkunu elelete? Iitta!

Job 10:5

Ig danab oh wanppa daat mauhttem ele amu, ig haen elab ii daattem, amu na ele anam paha mauhttemte? Ao, ig danab ah, ihinig bau dayak am tutuib, amu nahip ele anamte?

Aisaia 41:4

Aun nug digmak haenppanu uɗie, gemu ele danab ah aun aɗi laa ag dokkulagnu, ag aɗi hekkulagnu ib ag madatte bia, nug okkai imu nug doa, uɗat amu oh hekkunu he hette? Aun nug amu oh gumaama daatte? Am da, Yawe. Da digmak haenppa daami. Da haen gog tekku ele, da amuppa daakkul,” awa aum.

Aisaia 43:13

Ge, keeke laa oh ii dayom haenppa, da Kayak daami. Aɗi da eppelppa daatte amu, aun laa nug amu aɗila aokkute? Da aɗi keeke hettem ele amu, aun laa nug heeb, keeke da hemi ele am eɗua, tatam dayom bia daakkute?” Yawe Nug anam atte.

Malakai 3:6

Yawe atte. “Da am Yawe, da baoliak ii hettem, diig amunu Jakop buɗub, ag nauhna, iittanab ii meppig.