Sam 102:26 - Nobonob Baibel

²⁶ Na hatame, amge aa iitta mekkulah. Ao, aa am iitta mekkulah, amge na amu hanhan daakkutib. Ge, aa geha lamen alag mette bia, alag meya, iitta mekkulah. Na geha danab nug lamen baolitte, amubia na hab wan ele baoliatppe, laa daaglah. Gemu daattep amu, aa iitta mekkulah.

Sam 102:26 Referans Kwoze

Aisaia 51:6

Ag danab ah ag amelag human, hab anidna, ag honap wan ele antteg! Aɗinu? Qinob dimppa hab nug aab kah iitta mette bia iitta mekku. Ao, wan ele am alag ma, iitta mekku. Ge, danab ah wanppa daatteb amu, ag qabuttid mauhtteb bia mauhkkulag. Keeke oh anam iitta mekku, amge dahil danab ehanatte, padal ii metteb kobol amu, kobol amuam hanhan daakku. Ao, genab tutukku hak kobol dahil am iitta ii mema.

Matyu 24:35

Hab wan ele am iitta mekkulah, amge nai dahil am iitta iinab mema.

Aisaia 34:4

⌊Haen amuppa⌋ Yawe Nug heeb, habnu keeke, amuam aam kalam hoɗoppai keeke, keeke amu oh iitta mekkulag. Ao, Nug hab itoɗieb, qak daakku. Hoɗopai oh ag muɗi grep uɗulkad qaɗaiettan, nena qetteb bia nena qekkulag. Ao, ag ad fig uɗulkad qaɗaiettan, nena qetteb bia nena qekkulag.

Revelesen 20:11

Da amu anttena amu, da imu ele anidmi. Da sia king okkainab, hakkab ele, amuppa Kayak Nug heɗep na dayeye anidmi. Wan imu, hab ele nug noobppanu ooleh, aben laa aa daaglahnu ii dayom.

Luk 21:33

Hab wan ele am iitta mekkulah, amge nai dahil am iitta iinab mema,” awa aum.

Revelesen 21:1

Aria, amu dimppa da aakku hab bau wan bau ele anatmi. Hab tatamnu wan tatamnu ele aa iitta mepiɗ, amu yu nug ele iitta meum.

Rom 8:20

Gemu keeke oh eheɗ daanna nauhtteb. Keeke amu ag akka ahilag dabmak dim lamidna anam ii daatteb. Iitta. Kayak Nug nukka nuhig dabmaknab awak dim lamitta, hippalattom daatteb. Amge ag gog taknu keeke ena, Kayak madakkunu aum amu, ag amu aoglagnu dabmak aɗan daatteb.

Aisaia 66:22

Yawe Nug ele atte. “Amu hab bau, wan bau da hekkul ele amu, keeke aɗit amu hanhan da noolppa daaglah, amubia amu, ag Israel ag onilag am hanhan dayebeb, ag buɗulkad ele am iitta ii memana.

Sam 102:12

Amge na, O Yawe, na hanhan king daattem. Na binan, onin ele hanhan daakkuib.

Aisaia 65:17

Yawe Nug atte. “Aɗinu ⌊am anam bekku⌋? Antteg! Da heppi, hab bau, wan bau ele daaglah. Tumainu keeke am laanu dabmakppa ii daama, laa nug amu dab iinab mema.

Eksodas 3:14

Moses nug anam a amu, Kayak Nug oɗeppa awa aum. “Laa hanhan daatte, am daib. Da anam daattem amunu, na Israel danab ah amelagppa, ‘Laa Nug, “Da Daattem,” atte amu, Nug da meiɗe, ag gumatte uɗimi.’ Na anam aon a!” awa aum.

2 King 19:15

Hesekaia nug kola me dayeye, nug Yawe inam unuqittom. “O Yawe, na Israel dilag Kayak, na Tituanak Nainu Kunupnu engel okkai-kerubim aɗit dottolah gamalahppa sia king nahip-ppa daattem. Na hab, wan ele hatame. Na aakkuib am wan ohppan Kayak daattem.

Job 38:4

Da wan daakkunu ukku bappaidmi amu, na haen amuppa adeppa daame? Na da amu attem attem hei beum doottem dayeb amu, na appe dookkul.