Sam 102:21 - Nobonob Baibel

²¹ Yawe Nug anam hekku amunu, Sion appa danab ah ag Nug onig mehuqkkulag. Ao, Jerusalem appa ag Nug binag mekkulag.

Sam 102:21 Referans Kwoze

Sam 22:22

Na anam heppe amu, da geha da lailad amelagppa nahipnu madikkul. Yo, nahipad danab ah noolagppa, da na binan humakkul.

1 Pita 2:9

Amge ag Kristen danab ah amu, ag gatatuppa daaegeg, Kayak Nug diia amahlak enappa maattom, ag Nug ahilagppa ena heum, ag amu miag atiglagnu Nug ag tituanatte daanna, ag am mana mettak danab, king ele daatteb, ag am danab ah Kayaknu ɗo maɗoɗppa daatteb, ag danab ah nuhikkudnab ele daatteb.

Epesus 3:21

Ge, ig Kristen tamaniakppa daat, Kristus Jesusnu daattem amu, amuppa binag amahlak oppiaawak ele Kayak, nuhigppa hanhan alet ele dayaɗ! Genab.

Aisaia 51:11

Anam amu, danab ah Yawe Nug ehanatte, ag qagaiettakppa ii daatteb ele, ag eɗun uɗiglag. Ag eɗun uɗin, gamag ahak, amu maɗoɗppan gamag ahak ele Sion tena, hanhan oo gamag ahak amu doon daaglag. Oo gamag ahak amu ahilagppa ambak dayebeb, uugnu oo doyak, oo uug mettak ele amu, ahilagppa nakok laa iinab daama.

Sam 79:13

Ig nahipad danab ah ig am sipsip nahip dadppa gikkiɗah latteb bia daattem amu, na anam heppe, ig na amenppa, “Ena hen mekkame,” hanhan akkunig. Ao, menuattak huu laippu bia anen anen ag na aɗi heme doona, ag na binan mekkulag.

Eksodas 3:16

Kayak Nug anam awowa, Nug nai tuɗitta aum. “Amu na gona, Israel dilag ikki danab qagmaadna, na dahilnu ag amelagppa inam appe doyeg! ‘Yawe, Nug ag mamelkad aɗi dilag Kayak, Nug Abrahamnu, Aisaknu, amu Jakop elenu Kayak amu, Nug da gumiɗa na, Nug ahilagnu inam aum. “Da ag anattette, da kobol nau oh Isip ag ahilagppa hetteb amu da amu ele anidmi.

Eksodas 3:17

Da kobol nau ag ahilagppa hetteb amu, da amu anidttem amunu, da imu genab hekkulnu nai ain qagattem. Da geha ag Israel, da ag Isip eppelagppanu diiatten, da ag omaladppi, ag gona, Kanan wan aon, ag appa daaglag. Gemu amu danab laala, ag am Kanan, Hit, Amo, Peres, Hiwi, amu Jebus danab ele amu, ag wan amuppa daatteb. Wan amuam enanag, wan ittag ele, amuppa ee meu huana otte,” ’ ” awa aum.

Sam 79:11

Na danab ah ag maniguittakppa daan, ag aeqagatteb amu, na amu dookkutnu oɗ medattem. Ao, na nahip ɠagattagppa laa ag mauhkkulagnu anak waappa daatteb amu, na ag uhuqadppe, ag ena daaglagnu unuqidttem.