Sam 102:19 - Nobonob Baibel

^19-20 Aɗinu? Yawe Nug danab ah ag maniguittakppa daan aeqagatteb, Nug amu dilag aeqakkak dookkunu, Nug laa ag mauhkkulagnu daatteb uhuqadkkunu, Nug hab attan daatte abenppa dayaya, neekkeb nekku. Yo, Nug hab attan dayaya, wan anidkku. ⌊Nug amu ha, Nug ehanadkku.⌋

Sam 102:19 Referans Kwoze

Duteronomi 26:15

O Yawe, na hab aabppanu, amuam nahip dayak aben, oppiaawak ele, na appanu neegppe neeb, na danab ah nahipad Israel, na ig itigna, wan na mekkame ele itidkkutnu oɗ medattem. Na ig mamenkad aɗi dilagppa madakkutnu anana, nahip nai ɠagattag qettan ame, na aakku amubianab hena, ig mekkame. Wan imuam wan enanag, wan ittag ele, imuppa ee meu huana otte.” Na anam akkut.

Sam 14:2

Yawe Nug hab attan dayaya, danab ah oh neekkadtte. Ao, Nug neekkattatta, laippu laa nug diignu doyak tutukku elete, o iittate anidkkunu neegtte. Ge, Nug laippu laa nug Kayak antta dim lamidkkunu madittatta anidkkunu neegtte.

Job 22:12

Amu Kayak Nug hab attan iite daatte? Ao, Nug hoɗoppai attannab, aben amu eɗittak, attannab daatte ⌊amunu Nug keeke oh wanppa bette anidtte⌋.

2 Stori 16:9

Aɗinu? Yawe Nug aun nug Nugib dim lamidkkunu meu ohppa dabmette ele antta, nug ɠagattag medakkunu hanhan danab wanppa oitteb ele neekkadtte. Nug na ele kekeɗ eɗadkkutnu ɠagattag mettalo. Na heme am, na dabmak tutukku iittappa heme amunu, na hanhan ban anidnan daakkut,” awa aum.

1 King 8:43

amu Yawe, geha wan laihnu danab ah ag ig nahipad danab ah Israel, ig na dooittutut, amu ig nahipnu ebehinig oh bodoetta le mette, amubia ag na dooidkkulagnu, ag nahipnu ebehilag oh bodoetta le mekkunu, geha wan laihnu danab ag lag imu, da hemi amu, lag amuam na laut, na onin aguppa daatte ele dooglagnu, na dayak aben nahip, amuam hab aab, na appa daanna, na wan laihnu danabnu unuqittak doon, nug na aɗi hekkutnu oɗ medatte amu, na amu hekkutnu oɗ medattem.

1 King 8:39

amu Yawe na, na dayak aben nahip, amuam hab aab, na appa daanna, unuqittak amu dookkutnu ool daatte. Doon, hipunin attem daatte amu, na uhuqna mekkan, am ehanittak elele ele hekkutnu ool daatte. Na anam henana amu, na nakkaib danab ah oh dilag dabmak doottem amunu, na dabmak amu anidnana, na ag anen anen kobol heppig ele, na amuppa na ag melemel elele mattan, na ag kobol heppignu nob elele madakkutnu oɗ medattem.

Aisaia 43:21

Da Israel danab ah ag dahil hak ena anidna, ag amunu danab ah laa amelagppa akkulagnu da hei, ag huu laa aakku daan, dahiladnab daatteb.