Sam 102:15 - Nobonob Baibel

¹⁵ Danab ah wanppan wan anen anen ohppanu amu, ag Yawenu ebehilag oh bodoetta le mekku. Ao, wanppan king oh ag binag amahlak oppiaawak ele nuhig anidna, ag ebehilag oh bodoetta le mekku.

Sam 102:15 Referans Kwoze

1 King 8:43

amu Yawe, geha wan laihnu danab ah ag ig nahipad danab ah Israel, ig na dooittutut, amu ig nahipnu ebehinig oh bodoetta le mette, amubia ag na dooidkkulagnu, ag nahipnu ebehilag oh bodoetta le mekkunu, geha wan laihnu danab ag lag imu, da hemi amu, lag amuam na laut, na onin aguppa daatte ele dooglagnu, na dayak aben nahip, amuam hab aab, na appa daanna, na wan laihnu danabnu unuqittak doon, nug na aɗi hekkutnu oɗ medatte amu, na amu hekkutnu oɗ medattem.

Sam 138:4

O Yawe, wanppan king oh ag nahip nai dooglag amunu, ag na binan mekkulag.

Sam 86:9

Naɗi, na danab ah wan ohppan hattame, ag uɗin, na noomppa dup nona binan mekkulag. Ao, ag na onin am binag amahlak oppiaawak ele mettaglag.

Revelesen 11:15

Aria, engel ebqak 7 nug trampet nuhig iwale amu hab aab appa da laa baalag okkaippa inam aeg doomi. “Wan ohppan gumak uɗat aakku eɗua, ihinig Naɗi, amu laa Nug danab ah dilag Padal ii maknu ehanittak daakkunu tituanom, am Kristus, Nug ele eppelahppa daatte. Naɗi Nug hanhan uɗat amu hekku,” aon appig.

Sam 72:11

King oh ag nug noobppa dup nokkulag. Ao, danab ah wan ohppanu ag nug waappa daan Nug oɗe dim lamidkkulag.

Revelesen 21:24

Wanppan wan ohppan danab ah ag aab okkai amunu amahlakppa oiglag; amu wanppanu king ag ahilag binag amahalak oppiaawak ele aon nuhigppa uɗiglag.

Aisaia 55:5

⌊O dahilad danab ah,⌋ da Yawe, da am ag Israel, ahilag Kayak; ge, da am ag Israel, ahilag Kayak Oppiaawak Ele. Amu diig amunu amu, ag geha danab ah huu ag ii doyadtteb ele onilagppa eppeg, ag gumadna uɗiglag. Ao, ag huu amu ii doyadtteb, huu amu ele ag ii doyadtteb, amge ag ag onilagppa eppeg, ag qaiqaɗ ahilagppa uɗiglag. Aɗinu? Da ag, dahilad danab ah, da ag ɠagattag onig okkai ele mattami.” Yawe Nug anam atte.

Nehemaia 1:4

Ag anam aeg, haen da amu doyen amu, da uug okkai doyeye, da heɗep nein dayeye, da gaami. Da amu hein, deɗ gane da mahiak heinne, da ee ohnu kud mein dayeye, da Kayak hab attannu unuqidmi.

Nehemaia 2:3

Da baɗami, amge da king amegppa ami. “O king, na hanhan bau daakkutnu ool daatte. Amge da alai aɗi dakkeɗalag, da mamelad aɗi ag aguppa daan oin mauheg boumadppig amu, kekeɗ ag aab okkai amu heeg nauhe, ag aab amu aɗnu od ele aab aɗuppa manatteg eoppig. Ag anam heppig, amu da oolppa uug okkai doottem,” awe ami.

Nehemaia 2:17

Da anam dabmak awen, oiye aɗ italmi dimppa amu, da ag amelagppa ami. “Ag uug ig tonikkom daatte anidtteb. Kekeɗ ag heeg, Jerusalem nauhakib daatte; aɗnu od ele manaeg eoppig. Anam daatte, amge ahappeg, ig Jerusalemnu aɗ bappaidta, ig uɗa nak nau guittak ele baula ii doomta,” awe ami.