Sam 102:13 - Nobonob Baibel

¹³ Na geha ahan, Sion danab ah dilagnu oot bodoetta le meeb ehanadkkut. Na amu hekkutnu diig am, gemu aakku na haen amu mena bappaidme daatte. Ao, na ehanadkkutnu gemu aakku anam hekkutnu nai ana tituanme.

Sam 102:13 Referans Kwoze

Galesia 4:4

Am anam daye ukkom, amge haen Kayak aum amu elele mette, Kayak Nug Bekka me ne, ah nug menue, Nug ɗo waappa ba dayom.

Aisaia 60:1

Jerusalem danab ah, Juda danab ah ele, ahilag amahlak uɗiom. Ao, Yawenu binag amahlak oppiaawak ele amu, amuam ahilagppa beum daatte. Anam amunu, ag ahan, aam danab ah amahlak madatte bia, ag danab ah laa oh Yawenu amahlak matteg!

Aisaia 40:2

Ag baalag bodoettakppa ɠagattag mattanna, dahilad danab ah ag uugppa aakku elele daaeg uɗiom anana, ag Kayak Nug hipunin ahilag uhuqa mattom, ag hipunin heppig, amunu nob amu, Yawe Nug nob amu elelenab aakku ag mattom, ag amu ele appeg doyeg!” awa atte.

Sam 44:26

Na ahan dona ig ehanigkkutnu oɗ medattem! Ao, na nahip oo mauhaknab kobol dabmena, na ig qagaiettakppanu eɗua uhuqak dayaknu hekkutnu unuqidttem.

2 Pita 3:8

Amge keeke laippu imu amu, ag aib daulag atiom. O lailad, Naɗinu neekkakppa amu deɗ laippu amu maɗ 1,000 ele otiak laala ii daatte. Iitta. Nuhig neekkakppa Nug haen aɗit amu laippuib bia dootte. Maɗ 1,000 amu deɗ laippu bia daatte, amu deɗ laippu amu maɗ 1,000 bia daatte.

Aposel 1:7

Aeg amu, Nug ag amelagppa aum. “Amu ahilagte keeke amunu, ag da Mamel Nug haen deɗ ele aum amu ag dooglag? Iitta. Nug nukka keeke amu gumatte.

2 Pita 3:12

Ag anam daanna, ag Kayaknu deɗ, deɗ amuppa hab, amu nuhig keeke oh ele aabnu gakkaɗakppa eon iitta mekkulag amu, ag deɗ amu tappaɗidnana oiyeg!

Sam 7:6

O Yawe, ⌊da anam ii hemi amunu,⌋ na kekeɗ dilagnu oo nauhak doon, ahan ehaniɗkkutnu oɗ medattem! Ao, dahil kekeɗ ag dahilnu oppoɗilag be amelag kokoɗ ebatte ele amu, na eɗadkkutnu unuqidttem! Ge, O Kayak dahil, na nai doya mala hettoɗia epeɗia elele mettak kobol dim lamidna, ehaniɗkkutnu oɗ medattem!

Daniel 12:9

Da anam oɗ mettai, nug da amelppa aum. “Daniel, na maɗoɗ ele daye! Aɗinu? Nai imu qettoɗmanu babaittak aakku daatte. Am anam dayebeb ukkeb, gog tak haenppa nai imuam daakku.

Jeremaia 31:23

Yawe Nukka Ɠagattag Oh Ele, Israel dilag Kayak, Nug inam atte. “Da heppi, Juda danab ah ag eɗun, ahilag wanppa uɗiona, ag Juda wanppa, aab laala eleppa daanna, ag Yawenu mettid lag Jerusalem ooppa qaukoppa daattenu amu, ag inam akkulag. ‘Yawe Nug qauko nuhignu tituanak daatte, Nug laug genab tutukku hak kobol inak ele qauko amuppa daatte, Nug qauko, lag amu ele itatteb, anam dayeɗ!’ aon akkulag.

Aisaia 14:32

Amu haen Pilistia dilag nai awa ukkak danab ag uɗin, amunu ig oɗ megappeg, ig aɗi amelagppa akkunig? Ig geha ahilag oɗmak inam nob mekkunig, “Yawe Nug he, Sion nug eɗua ɠagattag daatte amunu, danab o ah nuhig aun nug uug maokku, nug ukka, Sion ta, nug padal mak eɗitteb ena dayaknu aben amuppa ena daakku.” Ig anam akkunig.

Sam 75:2

Amu Kayak atte. “Daib da hettoɗiak ganeb haknu attem; daib da nai doya mala hettoɗia epeɗia elele mettak tutukku hettem.

Sam 51:18

Na enanag, elele doon, danab ah Sion daatteb amu ehanadkkutnu oɗ medattem. Yo, na Jerusalem danab ah ehanadppe, ɠagattag daaglagnu unuqidttem.

Eksodas 3:15

Kayak Nug anam anana amu, Nug nai tuɗitta, Moses amegppa nai imu ele aum. “Na nai amu ag amelagppa awona, na Israel danab ah amelagppa inam ele appe doyeg! ‘Yawe, Nug ag mamelkad aɗi dilag Kayak, amuam Nug Abrahamnu Kayak, Nug Aisaknu Kayak, amu Nug Jakopnu Kayak ele amu, Nug he, da ag gumatte uɗimi.’ Da onil am anam aakku, amu da onil amuam hanhan anamib daakku. Amu Israel danab ag gemu daatteb, ag buɗulkad, alalkad aɗi, dimppa ag bekkulag ele amu, ag oh am da onil am anam ag dabmakppa aɗaglagoitte,” awa aum.

Sam 90:2

Na qauko ii hattame haenppa, ao, na wan, amu keeke oh amuppa daatteb ele ii hattame haenppa, na, O Kayak, na daame. Na am Kayak. Na hanhan anam daame, hanhan ele anam daakkut.

Sam 92:9

O Yawe, nahip kekeɗ, ao nahip kekeɗ ag wana, padal mena oiglag amunu, danab ah oh ag nau hak kobol qetteb ele, ag tamtam gona, ɠagattag ii daamna.

Sam 135:13

O Yawe, danab ah wanppa daatteb, ag na onin hanhan dooglag; ii qettoɗma. Yo, na binan okkai ele amu wanppan danab ah ag hanhan doon, daulag ii atima.