Sam 102:12 - Nobonob Baibel

¹² Amge na, O Yawe, na hanhan king daattem. Na binan, onin ele hanhan daakkuib.

Sam 102:12 Referans Kwoze

Sam 135:13

O Yawe, danab ah wanppa daatteb, ag na onin hanhan dooglag; ii qettoɗma. Yo, na binan okkai ele amu wanppan danab ah ag hanhan doon, daulag ii atima.

Gayak Nai 5:19

O Yawe, na hanhan king daattem; nahip gumak am iitta ii mema, hanhan, buɗub buɗub doobob daakku.

Eksodas 3:15

Kayak Nug anam anana amu, Nug nai tuɗitta, Moses amegppa nai imu ele aum. “Na nai amu ag amelagppa awona, na Israel danab ah amelagppa inam ele appe doyeg! ‘Yawe, Nug ag mamelkad aɗi dilag Kayak, amuam Nug Abrahamnu Kayak, Nug Aisaknu Kayak, amu Nug Jakopnu Kayak ele amu, Nug he, da ag gumatte uɗimi.’ Da onil am anam aakku, amu da onil amuam hanhan anamib daakku. Amu Israel danab ag gemu daatteb, ag buɗulkad, alalkad aɗi, dimppa ag bekkulag ele amu, ag oh am da onil am anam ag dabmakppa aɗaglagoitte,” awa aum.

Hibru 13:8

Amu Jesus Kristus Nug attem daatte amu, Nug tumai, gemu, hanhan ele anamib daatte.

Sam 9:7

Yawe Nug am king hanhannu daatte. Nug danab ah tutukku epeɗiadkkunu, Nug nuhig sia king babaittom daatte.

Aisaia 44:6

Yawe, Nug Israel dilag king, Nug Israel dilag qagaiettakppanu eɗua uhuqaknu ehanittak, Nug Yawe Nukka Ɠagattag Oh Ele, Nug inam atte. “Da hanhan daattem; anuqakppa, batakppa ele da daattem. Kayak laal ii daatte.

Aisaia 60:15

Am genab, da hei, laa ag ahilagnu nau ninig ele doon, ag uɗin heeg nauheg, laa nug laih gokkunu ippa uɗia, haen tutu dayaya ii ukkom. Iitta. Ib laa awa, laih ukkom. Anam, amge da heppi, Jerusalem babaittak dayeb, danab ah ag Jerusalemnu enanagnab, aab bala enanag dooglag. Ag Jerusalemnu oo gamag ahak okkai hanhan dooglag.

Duteronomi 33:27

Kayak bauklel Nug ahilag padal mak eɗitta ena dayaknu ehanittak daatte. Nug eppeg am alet anam, ag oɗakkiatte daatteb. Nug heeb, ag Israel ag kekeɗ ahilkad lamadkkulag. Nug aakkuib, ‘Ag kekeɗ ahilkad heppeg nauheg!’ atte.

Job 8:9

Aɗinu? Ig memetankad anukkanu nai tuɗitta uɗiak ele amu, nai amunu diig am okkai. Ig gemu wanppa daattem, ig tumaiib domut; wanppa ele haen elab ii daamut amunu, ihinig dabmak am tutunab. Ge, ig am danab aamppa dayeye, itotog daya paha iitta mette, amubia ig haen tutuib daattem ⌊amunu, ihinig dabmak am tutuib⌋.

Job 14:2

Bala ag hamu paha bena, eɗun bunaɗna iitta metteb bia amu, danab oh ag anam hetteb; lombig itotog wanppa paha ukka qettoɗtte, amubia danab oh ag anamnab hetteb.

Sam 90:6

Buttua amu, gikkiɗah bette. Amge tueb am qaɗaietta bunaɗtte.

Sam 109:23

Tueb aam noono, keeke itotog iitta me, danab nug keeke amunu itotog aamppa anttom, amu tueb ii daatte; da amubia daattem. Da am tap-lokus laa, danab laa nug nuhig lamenppanu maute ukkom bia daattem.