Sam 102:11 - Nobonob Baibel

¹¹ Da bau dayak dahil am tueb itotog paha iitta mette bia hette. Da gikkiɗah qaɗaiedatte bia hettem.

Sam 102:11 Referans Kwoze

Sam 109:23

Tueb aam noono, keeke itotog iitta me, danab nug keeke amunu itotog aamppa anttom, amu tueb ii daatte; da amubia daattem. Da am tap-lokus laa, danab laa nug nuhig lamenppanu maute ukkom bia daattem.

Job 14:2

Bala ag hamu paha bena, eɗun bunaɗna iitta metteb bia amu, danab oh ag anam hetteb; lombig itotog wanppa paha ukka qettoɗtte, amubia danab oh ag anamnab hetteb.

Sam 144:4

Amu danab nug ulah laippu noobppa aotte amu, ulah awak amuam haen tutuib doawa, eɗua dimittim gotte; am danab ah ig amu, ig amubia daattem. Ig haen tutuib daattem. Ihinig haen dayaknu am keeke itotog laa haen tutu dayowa qettoɗtte, am amubia daatte.

1 Pita 1:24

Kayak naippa nai amunu inam daatte. “Danab oh ag gikkiɗah bia daatteb, binag amahlak oppiaawak ele ahilkad am bala haɗag bia daatte. Gikkiɗah qaɗaiedatte, haɗag oh mauɗna, nena qetteb,

Jems 4:14

Ag aɗi keeke butti bekku amu ag ii dootteb. Ahilag bau dayak haen imu attemnab daatte am ag doottebte? Ag am buttuɗai aha, nakoknab dayowa iitta mette bia. Ahilag bau dayak haen anam biaib daatte.

Jems 1:10

Amge ig Kristen lainig laa nug enub ele amu, nug anukka, “Da am enul okkai ele amunu da am danab okkai ɠagattag ele daattem,” anam dabmak awom, gemu ⌊nug Jesusnu ooppa genab dootte, nuhigppaib ehanittak hanhannu aotte amunu,⌋ dabmak alag, amuam iitta meum, diig amunu nug ele maɗoɗppan gamag ahak dookku am ena. Aɗinu? Bala haɗag paha qaɗaiedatteb, amubia enubnu keeke am anam aakku iitta mekku.

Eklisiastis 6:12

Aɗinu? Danab nug wanppa dayaya oitte, nuhig haen wanppa daakkunu am tutuib. Daya, gaɗappa, unuqagppa ele anttak laippu iittanu oiyak nuhigppa am aamppa danab itotog bia amunu, auntai laa nug danab laanu, nug nuhig wanppa oiyakppa nuhignu aɗi keeke am ena ab dookkunu elele? Auntai laa nug danab laa mauheb, aam waappa aɗi kobol nuhig mauhak dimppa bekkunu daatte akkunu elele? ⌊Anam amunu, nai nai mattiak kuɗum am meu iitta.⌋

Job 19:10

Kayak Nug kekeɗ ag aab heeg nauhtte bia he, da nauhe aute autenab aottem; da iitta memi. Ao, Nug he, da eɗuen, ena bekkulnu dabmak aɗe oikkulnu elele iitta; danab ad gaɗa tole, eɗua ena ii daatte bia.

Gayak Nai 3:1

Deɗ kuɗum laa Yawe Nug oppoɗi be, bu meɗe; da guittak awewe oimi.