Sam 10:7 - Nobonob Baibel

⁷ Nau hak danab ag laa dilagnu eheɗ laa awaknu anak waappa dayaknu nai anana, ag laa hambuppualadna, amu laa ag nau hak danab atteb bia ii heppeg amu, geha ag guittak mattaglagnu atteb. Ao, ahilag mattiakppa ag heeg, danab ah laa uug aoegeg, kobol nau ele betteb.

Sam 10:7 Referans Kwoze

Sam 7:14

Nau hak danab ag am kobol nau hekkulagnu dabmetteb. Ao, ag kobol nau hekkulagnu maittak aonna, hambuppuak nai maditteb.

Job 20:12

Nau hak danab nug eheɗ hekkunu enanag dootte. Nug danab ee ubuhinab ele oɗeppa ma, ⌊paha iitta memanu⌋ lemaɗu waappa mette, nug eheɗ haknu amubia hette.

Sam 144:11

Na ehaniɗppe, da padal mepanu oɗ medattem. Ao, na ehaniɗppe, da kekeɗ eppelagppa ii daapanu unuqidttem. Ag tuɗid ele nai hambubutteb. Ao, ag eppelag humana, ag nai tutukku akkulag atteb, amge ag hambubutteb.

Sam 140:9

Kekeɗ ag dahilppa nau hekkulagnu maidppig ele amu, na heppe, ag maittak amuppanab nauhkkulagnu oɗ medattem.

Sam 140:3

Nai ag atteb am mat nau danab emalatte guadtte bia, nai amuam he, danab ah ag guittak dootteb. Ao, ag mat nau, danab emalatteg mauhtteb ele, amubia ag oɗelagppa nai maditteb. Sila.

Sam 73:8

Ag danab ah laa hippelag qakkanna, ag nai nau maditteb. Ag am beɗuppa tak kobol henana, ag laa, ag ag oɗelag ii dim lamidkkulag dayeb amu, ag eheɗ hadappeg, ag oɗelag dim lamidkkulagnu atteb.

Sam 64:3

Ag lemaɗulag am qep elab biappa nai maditteb. Ao, ag nai mattin, aɗi atteb amu, nai amuam lat aeg hawaɗ kekeɗ dilagppa etteb bia maditteb.

Sam 59:12

Dahil kekeɗ ag dada hena, ag nai nau atteb. Yo, ag oɗelagppa ag laa ag eheɗ laa awaknu anak waappa daaglagnu ana, ag hambubutteb. Anam amunu, nai nau ag atteb, amu dada hak kobol ahilag ele, keeke aɗit amuam ahilag pelem bia dayebeb, na heppe, ag amuppa nena qekkulagnu oɗ medattem.

Sam 52:4

Na nai mattiak nahip-ppa laa guittak mattaknu oot mauhtte. Na am hambuppuak danab laanab!

Sam 36:3

Nau hak danab ag hanhan nai nau, hambuppuak ele maditteb. Ag doyak dabmak ena ele, am kobol ena ele ii dim lamidtteb.

Matyu 12:34

Ag danab nau, ag am mat nau bia. Danab ooppa aɗi dabmak ambak niitte, amuib amu oɗeppa ele maditte amunu, ag nau daatteb, ag attemun ag kobol enanu mattiglag?

Jeremaia 9:6

Jeremaia, na danab ah ag hambuppuak kobol huanak hetteb, na ag oolagppa daattem. Ao, ag hambuppuak amu oh dim lamidnana, ag da am Yawe, ag amu dabmekkulagnu uun autna aotteb.” Yawe Nug anam awa atte.

Jeremaia 9:3

Amu Yawe Nug atte. “Danab nug lat doɗo latppa ette, amubia danab ah imu ag nai hambuppuak maditteb. Ag ahilag wanppa doyak diig genabibppa ɠagattag ii daatteb. Iitta. Ag hambuppuak naippa, hambuppuak kobolppa ele laa eɗidna daatteb. Ag hipunin laa hewona, ag ahan, laa ele hetteb. Ag da am Yawe, ag amunu dabmak nakok laa ii aotteb,” awa atte.

Aisaia 59:4

Hettoɗiakppa ag oolagppan laa nug nai tutukku ii maditte. Ge, hettoɗiakppa ag oolagppan laa nug nai genabib ii maditte. Juda danab ah ag oh nai meu iitta, nai hamu, ag nai amu hambuppuna mattinna, ag nai amu ehanadkkunu dabmetteb. Danab wau ele aa oiyya, ah nug nid ele daya, nid menutte, amubia ag uug bekkulagnu heeg beeg, kobol eheɗ ele betteb.

Prowerb 30:8

Keeke aɗit amuam iikku. Na heppe da nai hambuppuak nakok laa aibnab aib mattimi; amu laa am, na heppe, da aib enub o daɗek danab daami. Da anam ii daakkulnu, da deɗ anen anen bau dayaknu keeke, amuam ee, le keeke, da anamib aokkulnu oɗ medattem.

Prowerb 21:6

En okkainab, danab nug hambuppuakppa awom ele, en amuam paha iitta ma, guittak ele en mameg medatte; en amu, doɗ pelemppa ta guittak aotte, amubia en mameg guittak medatte.

Sam 144:8

Dahil kekeɗ ag nai hambuppuak tuɗid ele maditteb. Ao, ag eppelag humana, ag nai tutukku mattiglagnu atteb, amge ag hambubutteb.

Sam 62:4

Da am king amunu, ag heppeg, da nein qein, king ii daapanu hetteb. Ag nai hambuppuak mattiglagnu enanagnab dootteb. Ag da iɗul anidna amu, ag nai ena meɗatteb, amge ag mattiak henana, ag da eheɗ laa awaknu anak waappa daakkulnu ag oolag unuqagppa atteb. Sila.

Sam 58:3

Nau hak danab ag anilkad menuatteg dona, ag laippun ib apiɗidna, nauhtteb. Yo, ag anilkad oolkadppan donana, ag ib apiɗidna, hambuppuak nai maditteb.

Sam 55:21

Nuhig nai amu enanag, ee enanag bia, amge nug ooppa amu, nug nug qaknuib hette. Yo, nuhig nai amu enanag, beɗu laittaknu goɗen enanag bia, amge nug oo unuqag amu, nug danab ah aqakkunu hette!

Sam 41:6

Haen ag oolagppan laippu laa da aniɗkkunu uɗitte amu, nug hambuppua, nai ena maditte, amge nug oo unuqagppa, nug dahilnu da onil nauhkkunu nai nau anaknu dabmette. Ge, nug aha gotte, da dimulppa nug laa oh amelagppa eheɗ dabmeumnu amelagppa maditte.

Sam 12:2

Am danab ah oh ag lailkad mudippan ele ag nug bubuittak hetteb. Ao, ag nug amegppa mattiak hetteb, amge ag oo eeɗaknu ittag nai maditteb.

Sam 5:9

Aɗinu? Kekeɗ dahil ag nai genab mattiglagnu elele iitta. Ao, ag oolag unuqagppa laa hadappeg nauhkkulagnuib oolag ahak daatte. Mattiak ahilag am uɗig wak nau, mauhak moɗ ooppan bia. Ge, ag nai maditteb, amge nai amuam nai hambuppuak.

Job 15:35

Nau hak danab ag kobol nau hekkulagnu dabmak aon oitteb. Ag eheɗ hetteb. Ge, hambuppuak kobol ag oolagppa daatte.” Elipas nug Job amegppa mattia, anam aum.

Sam 50:19

Na tuɗid ele nai eheɗ madittem. Na hanhan nai hambuppuak madittem.

Sam 59:13

Wan imuppan wan anen anennu danab ah oh ag na Kayak, na ippa Israel daanna gumigttem, ag amu dooglagnu amu, na dahil kekeɗ dilagnu oppoɗin beeb heppe, ag padal mekkulagnu oɗ medattem! Ao, na ahilagnu oppoɗin beeb heppe, ag padal mena, laippu laa ii daamnanu unuqidttem! Sila.

Amos 8:4

Israel danab ah, ag laa keekenu tutu mak daatteb ele, ag ag eheɗ hattaeg nauhtteb amu, ag imu doyeg! Ao, ag Israel danab ah, ag daɗek danab ah dilagppa eheɗ hattaeg, ag wanppa ii daatteb amu, ag doyeg!