Sam 1:1 - Nobonob Baibel

¹ Danab aun laa nug danab laala ag nau hak danab daan oitteb ele, nug amu dilag ulum nai ii dim lamittatta, danab nug hipunin danab dilag hak ii haaha, danab nug awa awa qettak danab ele gadmak ii daatte amu, danab amu nug itittak ena awom daatte.

Sam 1:1 Referans Kwoze

Prowerb 13:20

Aun nug danab doyak dabmak ena ele oitte, nug doyak dabmak ena ele awa oitte; amge aun nug danab ag Kayak dab-ii-menan ii dim lamitteb ele oitteb, nug nau anidkku.

Jeremaia 15:17

Amu da danab ag oo gamag ahaknu qagmak muttub qak eleppa daatteb amu, da ag ele amuppa ii daamut. Da ag ele daata, ool gamag ii ahom. Na da nahip nai dookkulnu otiɗna hee, danab ah dilag eheɗ haknu oppoɗi bak doomi amunu, da ag uuatten, da dakka daami.

Luk 11:28

Amge Jesus Nug aum. “Anam iitta! Danab ag Kayak nai doon dim lamidtteb ele, ag itittak ena aoppig daatteb,” awa aum.

Sam 1:6

⌊Nau hak danab ag anam aakku daaglag.⌋ Aɗinu? Yawe Nug genab tutukku hak danab ah atognoadtte, amge nau hak danab ag padal mekkulag.

Prowerb 1:15

Amu genab, ag anam aakku na amenppa akkulagtai, amge da bekkal, na aib ag ouaqame. Ao, na aibnab ib ag gokkulag ele mattan gome.

Sam 34:8

Na danab laa nug ee laa lana, miti ena doya, ena dootte, amubia na Yawe attem attem daatte dookkutnu he! Nug enaib daatte; Nug enaib hette. Danab ah aun aɗi ag nuhignu, “Nug am padal mak eɗitteb ena dayaknu ehanittak dahil daatte,” ag anam dootteb ele amu, ag itittak ena aoppig daatteb.

Sam 112:1

Ag Yawe binag meig! Danab nug Yawenu ebehi oh bodoetta le mette, nug itittak ena awom daatte. Ao, danab amu nug Yawenu ɗo ohnu enanagnab doyaya oitte ele, amu nug itittak ena awom daatte.

Sam 36:4

Tuqan niiak haenppa, ag kobol nau attemnab hekkulagnu dabmak aonna, niiak elele ii niitteb. Ag hak ena laa iinab hetteb. Ag kobol nau aakkuib hetteb.

Job 21:16

Ag anam atteb, amge ahilag keekenu elelenab dayak am ag eppelagppa ii daatte amunu, da nau hak danab dilag ulum nai ii dim lamidttem; da ag ele ouqak ii daattem.

Epesus 6:13

Anam amunu, ag Kristen ag deɗ nau uɗieb, ag ena daaglagnu ban elele hekkulagnu elele daabppeg, ban iitta meeb amu, ag hippaidna daaglagnu ag Kayaknu ban haknu bala ag mattom oh takkeg!

Genesis 49:6

Ahilah nai mattiakppa da ii daapa. Ao, da ahilah qagmakppa ii gopa. Aɗinu? Aa oo nauhakppa danab aqaeh mauhppig. Ao, aa oo hak ahilah dim lamidya, makau okkai ebehi ele beɗulag hamu heeh nauhppig.

Jeremaia 17:7

Danab laa nug laa dilagppa ehanittak aokkunu ooppa genab dootte amu, am anam aakku daakku, amge aun nug Yawenu ooppa genab dootte, nug itittak ena aokku.

Prowerb 13:15

Danab ah ag diignu doyak tutukku ele ag laa dilag neekkakppa ena daatteb; amge laa ag Yawe ippuanattom bia Nug dim lamidkkulagnu uun hetteb ele, ag uug anidtteb.

Sam 119:115

Da dahil Kayaknu ɗo dim lamidkkulnu amu, laa ag nau hetteb ele, ag dahilnu awaidna ukkeg!

Sam 106:3

Danab ag nai doya mala hettoɗia epeɗia elele mettak kobol dim lamidtteb ele, ag itittak ena aoppig daatteb. Ao, laa ag hanhan genab tutukku hak kobol ele dim lamitteb amu, ag itittak ena aoppig daatteb.

Sam 26:12

Da aben enanagppa daattem amunu, da Israel dilag tamaniak oolagppa, da Yawe binag mekkul.

Prowerb 2:12

Doyak dabmak ena ele ehanitteb, na nau hak danab eppelagppa ii daamna. Ao, na danab ag eheɗ haknu ag tiilagppa daatte amu, na danab amu eppelagppa ii daamna.

Sam 81:12

Amunu da ag uuatti, ag oɗe dim lamidmananu dabmak ahilag ɠagattag eppe daatteb. Ao, da ag uuatti, ag akka ag aɗi aɗi dooppig amu, ag amuib dim lamidkkulagnu daatteb.

Prowerb 4:19

Anam, amge nau hak danab dilag ib amu gatatu naunab bia; aɗi keeke he, ag nena qetteb amu, ag ii dootteb.

Prowerb 3:34

Danab ag dada kobol dim lamidna, Kayak aon aon qedatteb ele amu, Nug imadtte, amge danab ag akka onilag qeeg nette ele, Nug ahilagnu ii helo bia me, Nug ag ehanadtte.

Revelesen 22:14

Danab nug nuhig lamen iha oppiaawak daatte bia, aun aɗi ag Jesus tiigppa oppiaawak daatteb, amu diig amunu ag aab okkainu od oɗeppa wana, aabppa nona, ad bauklelnu meu lakkulagnu elele daatteb amu, ag itittak ena aoppig daatteb.

Prowerb 9:12

Na doyak dabmak ena ele aɗan oippe amu, doyak dabmak ena ele amu na nob ena medakku; amge na awa awa qettak danab daan, na guittak aon oikkut.

Sam 84:12

O Yawe Nakka Ɠagattag Oh Ele, laa ag nahipnu oolagppa genab dootteb ele, ag am itittak ena aoppig daatteb.

Rom 5:2

Ig oonigppa genab doout, Naɗi Jesus, nuhig uɗat okkaippa, ig Kayaknu ehanittak okkai hamu megatte ele amu aot, ɠagattag daattem. Amu ig Nug ele hab aabppa enanagnab daagnignu ameg meta, ig maɗoɗppan gamag ahak doottem.

Sam 144:15

Huu laa ag anam daatteb amu, ag itittak ena aoppig daatteb. Ao, huu laa ag ahilag Kayak am Yawe, huu amu ag ag itittak ena aoppig daatteb.

Jon 20:29

Nug anam a amu, Jesus nug amegppa aum. “Na amu amenppanab da aniɗna, na ootppa genab doome. Laa ag da ii aniɗna, oolagppa genab dootteb amu, ag itittak ena aoppig daatteb,” awa aum.

Prowerb 1:22

Nug atte. “Ag danab ah ag doyak ii awak ele, haen gane laa ele ukkeb, ag doyak ii awak kobol ahilag uun oiglag? Ao, ag danab ah ag awa awa qettak nai mattiglagnu enanagnab dootteb ele amu, haen gane laa ele ukkeb, ag kobol amu uuglag? Ge, ag danab ah ag Kayaknu ii dabmena, ii dim lamidtteb ele, ag doyaknu nau ninig ele dootteb amu; haen gane laa ele ukkeb, ag kobol amu uuglag?

1 Pita 4:3

Danab ag Kayak bekkod iitta, ag kobol nau digdig hetteb. Aria, ag gemu nai imu aotteb amu, ag ele anukka kobol anamib hedappig, amge gemu ag ii hetteb. Laa ele amu, ag baula aib heppig! Kobol amuam inam. Hipaɗu ahak kobol, oo hak nau kobol, le ɠagattag lawowa kaaka qak kobol, goɗak qiɗ nau ele hak kobol, le ɠagattag lana mauhnoak oiyak kobol, kayak hambuppuak binag mak kobol ele; Kayak Nug kobol amunu ooppa uuaknab dootte.

Jon 13:17

Ag keeke imu aakku dooppig amunu, ag anam hekkulag dayeb, ag itittak ena aoglag.

Sam 146:9

Nug wan laihnu danab atognoadtte. Amu Nug ah qab, aria nid ag mamelkad mauhppig ele ehanadtte. Nug anam anam hette, amge Nug nau hak danab dilag maittak he nauhtte.

Sam 2:12

Yawe Nug ahilagnu oo nauheb, ag nauhmananu amu, ag Yawe bekka waappa daan, Nug oɗe dim lamitteg! Aɗinu? Yawe, nuhig oppoɗi bak kobol nau haknu am paha ahatte. Amge danab ah ag Nug waappa padal mak eɗitteb ena dayaknu ehanittak aon daatteb amu, ag itittak ena aoppig daatteb.

Sam 146:5

Amu danab aun nug Jakopnu Kayak eppegppanu ehanittak aotte amu, nug itittak ena awom daatte. Ao, aun nug Yawe, nuhig Kayak, nug Nug eppegppanu ehanittak awa, gogppa tekkunu ameg mette ele amu, nug itittak ena awom daatte!

1 King 16:31

Nug Nebat bekka Jeroboamnu kobol awa, nug hipunin heum amubia nug heum. Nug amu heum, amge nuhig dabmakppa amuam keeke hamu, nug nuhig haknu uug ii doyom. Iitta! Nug nau hak amu nug tuɗitta, nug Saidon aab okkainu King Etbal aɗeg Jesebel awa, am nug Saidon dilag kayak hambuppuak Bal noobppa dup noa binag meum.

Duteronomi 33:29

O, Israel, ag itittak ena aon malappig! Auntai laa ag bia laa iitta. Yawe Nug nukka ag padal memananu ehanattom. Nug am ahilag guppiɗ, ahilag ehanittak, ahilag qep elab enanag ele. Ahilkad kekeɗ ag ag noolagppa ag beɗulkad aɗappeg neeb, ag Israel ag ahan, tappaladppeg nokkulag,” awa aum.

Esekiel 20:18

Da amu hein, da danab amu bekkalkad aɗelkad ele atu taɗakppa amelagppa ami. “Ag mamelkad aɗi ag ɗo nau iɗu iɗu dim lamidnana, ag kayak hambuppuak dottolkad binalkad maadna heeg, dahil neekkakppa ag oolag dubuttid ele daappig, amge ag amubia aib heppig.

Prowerb 19:29

Danab ah ag awa awa qettak nai maditteb, ag bu aoglag. Ao, danab ag Kayak dab-ii-menan ii dim lamidtteb ele, ag bu ɠagattag aoglag.

Sam 64:2

Nau hak danab ag eheɗ heiɗkkulagnu maidtteb; na heppe da ag eppelagppa ii daapanu oɗ medattem. Ao, na ehaniɗppe, da danab ag muttub qenan, eheɗ hetteb amu, da eppelagppa ii daapanu unuqidttem.

Job 31:5

Kayak Nug ib tutukkuppa da epeɗilkku dayeb amu, nug anidkku; da nuhig neekkakppa da am danab ooppa kaliak laa iitta ele daattem. Da hambuppuak kobol aɗe dim lamidlomlob, O iitta, da hambuppuak kobolppa oilomlob,

Job 10:3

Na danab ah eheɗ hadattem am ena doottemte? Ge, na aɗi aɗi na eppenppa heme ele eheɗ hadattem am enate? Na nau hak danab ag keeke laa hekkulagnu lokkumakppa doonna maittak eheɗ aon hetteb amu, na ahilagnu, “Ag ena hetteb,” doottem am enate?

Genesis 5:24

haen amuppa nug Kayak ele oiyya, Kayak Nug Enok awom amunu, nug wanppa baula ii dayom.

2 Stori 22:3

Ahasia anig nug Ahasia eheɗ hekkunu ɠagattag qettom amunu, Ahasia nug kobol nau Ahap, nug baekkudppa ele heppig, nug amu dim lamittatta, nug Yawenu neekkakppa eheɗ heum.

Matyu 16:17

Pita a amu, Jesus Nug oɗeppa awa aum. “Saimon, Jona bekka, Kayak Nug na itittak ena mettom daatte. Danab wanppanu laa nai amu ii ippunittom. Iitta. Da Mamel hab attan daatte, Nug na ippunittom

Duteronomi 14:6

Ag doɗ eppeg baeg di ele gamagppa obatak ele, amu ee eɗua kele be, eɗua latte ele, doɗ amu ag lakkulagnu elele,