Rut 4:13 - Nobonob Baibel

¹³ Aria, Boas nug Rut awe oiyya, Yawe Nug he, nug nid aokkunu elele daye, nug nid danab menuom.

Rut 4:13 Referans Kwoze

Genesis 33:5

Anam gayoya, Esau nug ameg huma, nid naunau, anilkad ele anatta, oɗ meum. “Umu am aun aɗi?” oɗ meum. Oɗ me amu, Jakop nug aum. “Nid naunau umu, Kayak Nug nahip maɗi nid da, Nug dahilnu oo bodoette enanag maɗoɗ ele ha, da meɗom,” awa aum.

Genesis 29:31

Aria, Yawe Nug Jakop Rahelnu oo huanak mauhom, amge Leanu oo anam ii mauhom amu, Nug amu anttom. Nug anttom amunu, Nug he, Lea nug nid aokkunu elele dayom, amge Rahel nug am ah mattoi.

Rut 3:11

O aɗel, aib baɗame. Ippan danab ah oh ag na ah enanag, diit ena ele dootteb amunu, keeke oh na amunu attem amu, da hekkul.

Sam 127:3

Antte! Danab bekkod ag am danab mameg aug medatte bia Yawe eppegppanu uɗitteb. Yo, bekkod amu ag am Yawe toppan keeke ena, nob iitta aakku.

Sam 113:9

Nug he, ah mattoi nug nid menuattatta, ah amu nug gamag ahak okkai doya, nug nug laugppa aakku daatte. Ag Yawe binag meig!

1 Samuel 2:5

Yawe he, danab ag keeke oh ele amu, ag eɗun, keeke iitta ele daanna, ag danab laanu uɗat henana, ee daden mekkulagnu men doɗo aotteb. Ao, Nug he, danab ag enug daappig ele, ag gemu ee ele daatteb; ag enug iitta. Yawe Nug he, ah laa nug mattoi dayom amu, nug nid eblaih aɗit ele menuattom. Ao, Nug he, ah laa nug nid danab kuɗum menuattom ele, nug nid amu mahiadtte.

1 Samuel 1:27

Haen amuppa amu, da nid imunu Yawe unuqidmi, amu Nug nid imu da meɗom

Rut 4:12

Yawe Nug heeb, aa buɗulti ag Juda, Tamar bekka Peres, nug buɗub bia daaglagnu oonig daatte,” aon appig.

Genesis 30:2

Anam a amu, Jakop oo nauhe, nug Rahel amegppa aum. “Da Kayak abenab aokkulnu elele iitta. Nug nukka na oot qakkom amunu, na nid ii menuttem,” awa aum.

Genesis 25:21

Aisak wau Rebeka nug nid iitta, nug ah mattoi amunu, Aisak nug Yawe amegppa amunu unuqitte, Yawe Nug he, Rebeka nug oo ele oiyom.

Genesis 20:17

Abimelek nug Sarah awom amunu, haen amuppa kobol amunu Yawe Nug he, Abimelek wau, amu nuhikkud begbeg maɗi ah ele ag nid menuglagnu elele iitta daappig. Amge dimppa Abimelek he, Sarah eɗua Abraham toppa ukkom, haen amuppa Abraham nug Kayak amegppa unuqitte, Kayak Nug he, Abimelek, nug wau, nuhikkud maɗi ah ele oh, ag eɗun, baula nid menuadkkulagnu elele daappig.