Rut 3:13 - Nobonob Baibel

¹³ Nug da eɗiltte amunu, tuqan imu na inam daappe, butti da ukken, danab amu, nuhig dabmak dookkul. Nug qagaiettakppanu eɗua uhuqak ha, na ehanidkkunu dayeb amu, nug anam hekku. Amge nug amu ii dabmette dayeb amu, Yawe genab bau daatte, genab amubia da hekkul. Na inam niippe, wagkkaɗeb ukke!” awa aum.

Rut 3:13 Referans Kwoze

Rut 4:5

Nug a, Boas eɗua amegppa aum. “Am ena, amge na wan amu Naomi eppegppanu daden menana, haen amuppa na Moap ah Rut, nug laa mauhomnu ah qab, nug nahip ah daakkunu ele aokkut. Aokkut amu, wan amuam Elimelek buɗub dilag daakku,” awa aum.

Rut 2:20

Rut nug anam mattie, Naomi nug aum. “Yawe Nug Boas itidkkunu ool daatte,” awa aum. Awowa, nug Rut amegppa aum. “Yawe Nug ihinti danab mauhpiɗ ele amu, aa bau daapiɗ haenppa ahilahnu oo mauhaknab doya, gemu amu Nug ihinihnu ele oo mauhaknab dootte,” awa aum. Nug anam anana, nug nai tuɗitta aum. “Boas, Elimelek ele amu, aa am tiig laippu, tiig amuppanu laa ag i ehanitkkulagnu daatteb ele amu, ag oolagppanu laa am nug aakku,” awa aum.

Hibru 6:16

Aria, nai ɠagattag qetta anak kobol am inam. Danab nug nai nuhig danab laa onigppa ɠagattag qedatte. Danab laa am danab nai ɠagattag qedatte ele eɗittak amunu, danab laa nai nuhig ɠagattag qedatte amu, laanu nai nuhig nai eɗidmanu, nug laa nug eɗittak onig awa, attan ma nuhig nai onig amuppa ɠagattag qedatta, laanu nai okkultte.

Ikki Danab 8:19

Aa anam aeh, amu Gideon nug aum. “Ag am da awalad, amalad ele! Da anil ag menuattom! Am genab, Yawe bauklel daatte, genab amubia, ag dahilad amu ii aqadlop amu, da aa ii aqatlom,” awa aum.

2 Korint 1:23

Da hambuppualadttem dayeb amu, aria Kayak Nug dahil hambuppuak amu heeb miag atikkunu ool daatte. Amge iitta. Da nai genabib inam attem. Da ag uug madakkulnu ool ii dayom amunu, da haen gamagppa ahilagppa golom bia, da Korint appa ii gomi.

Rut 3:12

Na attem am genab, da Elimelek ele i tiinih laippu, amge danab laa daatte, nug Elimelek ele, aa am tiig laippunab amunu, nug na ehanidkkunu amu, nug da eɗiltte.

Jeremaia 12:16

Ag anam daana, ag anukka ag kayak hambuppuak Bal dim lamidna, dahilad danab ah ahilag nai Bal onigppa ɠagattag qettaglagnu ippunadppig, ag butti aɗi haen amuppa amubia ag dahilad danab ah dilagppanu ippunittak ena aon autna aonna, ag da dim lamiɗna, ag da onilppa ahilag nai ɠagattag qettaglagnu, ag, ‘Yawe genab bau daatte, genab amu bia,’ akkulag dayeb amu, danab ah amu ag ele dahilad danab ah daaglag.

Rut 4:6

Boas nug anam a amu, danab laa amu, nug aum. “Ehe, anam daakku dayeb amu, da ii hepa. Aɗinu? Wan amu da buɗulad dilag ii daama. Na wan amu laa eppegppa dayaknu qagaiettakppanu eɗua uhuqak daakkunu he! Da am iitta,” awa aum.