Rut 2:14 - Nobonob Baibel

¹⁴ Nug anam awowa, nug uɗat he ukke, ee lanak haen uɗie, Boas nug Rut amegppa aum. “Na dona, bret laih imu aon, wain imuppa mena la!” awa aum. Boas nug anam aum amunu, Rut nug do, Boasnu maɗi ah ele daappig. Nug anam dayeye amu, Boas nug ee aeg manik laa ele awa nug mettom. Mette la, oo dittie, big laa uue dayom.

Rut 2:14 Referans Kwoze

Rut 2:18

Awa, nug mawa, aabppa ukka, nug gane awom amu, nug ahipa ippunitte anttom. Ippunitta, nug ee lanan, big uuom amu, nug amu ele ippunitta mettom.

Matyu 14:20

Mattaeg, danab ah oh ag laeg, oolag dittie, ee big dayom amu, ippunittak awak danab ag aon, kaleg 12 inaeg, ambeum.

Duteronomi 8:10

Ag wana, wan amu aon, ee elele lappeg, oolag aɗakku amu, ag Yawe, ahilag Kayak, Nug ag wan ena mattomnu binag meig!

Aisaia 58:7

Amu ele, ag danab ag ee iitta, enug daatteb amu, ag ee mattanna, laa lag keeke iitta, qati qati oitteb amu, ag amuppa daaglagnu aben matteg! Amu haen ag laa nug lamen iitta dayeb anidna, ag nug lamen metteg! Ag lailkadnab dilagnu aib daulag atiom! Ag keekenu tutu meppeg amu ehanadna matteg!” Yawe Nug anam atte.

Aisaia 32:8

Danab nau ag anam hetteb, amge danab ena, kobol tutukkuib dim lamidtte ele, nug hanhan dabmak ena, tutukku ele aakkuib haen oh awawa, enaib hekkunu dabmak aotte. Nug dabmak anam awawa, nug ɠagattag hibaitta daatte.

Sam 23:5

Na ee okkai da lakkulnu dahil kekeɗ amelagppa hena, ⌊da ee okkai amuppa daakkulnu na oot okkai daatte miag atiak daakkunu,⌋ na goɗen muttuɗig enanag ele da ikkilppa gokkaɗttem. Na hee, keeke ena ena kap dahilppa ambak dayeye, laa gokkaɗa nette.

2 Samuel 17:28

Ag uɗin, ag heɗig, tappiɗ, waa keeke, aon uɗippig. Ag keeke amu aon uɗin, ag wit aeg, bali aeg, wit ganuɗak ele, ee aeg manik ele, bin, am bin diig laa onig lentil, uppuh leppu, huh ɠagattag eppom, sipsip, amu sis makau huhppa hak ele aon uɗippig. Am Dawit aɗi ag atu taɗakppa oiyegeg, beɗulag bodoette, enug aqe, le baalag ele diiom dooppig amunu, ag ee amu Dawit aɗi ag lakkulagnu aon uɗippig.

1 Samuel 25:18

Danab amu nug Abigel amegppa anam mattie, Abigel doya, nug paha aha, bret kunum 200 diia, wain doɗ gaɗappa inak aɗit, sipsip manak tanig ele, 20 kilogram ee aeg manik, grep meu qaɗaiettak batappatak 100, ad fig meu qaɗaiettak batappatak 200 ele, nug ee amu oh diia qagma, donki laala attan maattom.

1 Samuel 17:17

Anam daye, deɗ laa Jesi nug Dawit amegppa aum. “Na 10 kilogram ee aeg manik imu, amu bret eblaih laih ele imu ele aon, paha bannu abenppa, na awanad appa ana daatteb amu, na ee imu oh aon gona, na awanad ewam gumadna gona, ee imu matte!

Duteronomi 11:15

Nug geha heeb, gikkiɗah ena ambak ele ahilag makau lakkulagnu beeb, amu ag Israel, ag ee kuɗum labeppeg, oolag aɗakku.

Rut 2:13

Boas nug anam a amu, Rut nug nob ma aum. “O danab okkai dahil, na dahilnu ii helom bia me, na ehaniɗme. Na dahilnu nai bodoettak mattime amunu, da oolppa ɠagattag qettak doottem. Nahipad maɗi ah daatteb amu, ag am da eɗilak daatteb, da ag bia ii daattem, amge na kobol enanag dahilnu aakku heme,” awa aum.

Rut 2:15

Amu ee lanak dimppa Rut nug aha, bali agakkunu ugekke, Boas nug maɗi nid nuhikkud amelagppa aum. “Ah umu nug oiyaya, bali ehag ele daatteb, nug amuppanab ele bali laala uueg daatteb amu, nug amu akkeb, nug uɗa nemanu aib daug batappig. Laa amu, ag bali ehakkak amu maon gokkulagnu henana, ag bali laala eeɗadna, maadppeg dayebeb, nug akkaɗ!” awa aum.