Rut 2:12 - Nobonob Baibel

¹² Yawe, Nug na kobol ena aɗi aɗi heme amu, Nug amu dabmaama, nob ena na medakkunu ool daatte. Na matuk nakkud ag anilag haug waappa padal mak eɗidna ena daaglagnu daatteb bia, na ippa uɗin, Yawe waappa daattem amunu, Yawe, Israel dilag Kayak, Nug nob itittak ena na medakkunu ool daatte,” awa aum.

Rut 2:12 Referans Kwoze

Sam 36:7

O Kayak, danab ah ag nahip oo mauhaknab kobolnu oolag huana hette. Na danab ah oh dilagnu padal mak eɗitteb ena dayaknu ehanittak dayeye, ag matuk nakkud anilag haug waappa ena daatteb bia, danab ah ag nahip-ppa ena daatteb.

Sam 91:4

Ai laa nug nakkud haugppa dabmadatte bia, Nug na atognoidkku. Ao, nahip padal mak eɗitteb ena dayaknu aben Nug haug waappa daakku. Ge, nuhig oo metta ii uuak kobol, amuam nahip guppiɗ, aria nahip wan buue te aɗ itak bia, Nug amubia ele daakku.

Sam 63:7

Haen oh na da ehaniɗttem amunu, da na haut waappa dayeye, oo gamag ahak ahi ettaladttem.

Sam 17:8

Na keeke laanu na oot huana hette ele dabmedattem, amubianab na kekeɗ, ag da taliliɗna iuglagnu hetteb amu, na ag amu ii hemananu na dabmeɗakkutnu unuqidttem. Yo, matuk anig nug nag haug waappa lokkumadtte bia, na nau hak danab ag da banel uɗin, heiɗppeg nauhkkulnu hetteb amu, na ag amu hemananu da atognoiɗkkutnu oɗ medattem.

Sam 61:4

Da nahip mettid haknu peh lagppa daakkul dayeb, da ehanittak awe, padal ii mepa amunu, na heppe, da appa hanhan daakkulnu ool okkainab daatte. Ao, da matuk nakkud ag anilag haug waappa padal mak eɗidna ena daatteb, amubia da na guguittak dayeye, padal mak ii aopanu ool okkai daatte. Sila.

Hibru 6:10

Kayak Nug epeɗiak eheɗ laa ii hette amunu, ag uɗat nuhig heppig, ag nuhignu oolag mauhtte dabmenana, nuhikkud danab ah oppiaawak ele ehanattegeg uɗie gemu ele anam hetteb amu, Nug amu oh daug ii atima.

Hibru 11:26

Nug nob ena, butti aɗi Kayak medakku amunuib dabmeum amunu, nug Kristus onigppa uɗa nak aokkunu ena doya, Isip enubnu amu, nug keeke hamu doyom.

1 Samuel 24:19

Haen danab laa nug nuhig kekeɗ anidtte amu, nug guittak iite medatte? Ao, nug guittak medatte. Danab laa nug kekeɗ antta, geha nug, nug amegppa, ‘Na appanppa eɗun ukke!’ akkute? Iittanab iitta amunu, da ool inam daatte. Geha Yawe Nug kobol ena oh na dahilnu heme amu antta, Nug nob ena na medakku.

Rut 1:16

Naomi nug anam aum, amge Rut nug aum. “Na da uuitten, eɗue gokkulnu aib duttuniɗme! Aɗinu? Na adeppa goppe amu, da ele oh gokkunih. Na adeppa daappe amu, da ele daagnih. Danab ah na laipad daatteb, ag am dahilad daaglag. Nahip Kayak, Nug am dahil Kayak daakku.

Sam 57:1

O Kayak, da nahip-ppanu padal mak eɗitteb ena dayaknu ehanittak aottem amunu, na dahilnu oot gai-iitta doon oot meɗan ehaniɗkkutnu oɗ medattem. Ao, na dahilnu oot gai-iitta doon oot meɗan ehaniɗkkutnu unuqidttem. Da padal mepanu, matuk nag anig haug waappa daatte bia, da na guguitten daakkul. Ao, da anam hebippi ukkeb ukkeb, uug naunab amu oh qe-eɗilkkulag.

Hibru 11:6

Danab laa nug ooppa genab ii dootte ele amu, Kayak Nug nuhignu oo ena dookkunu elele iitta. Aɗinu? Danab ag nuhigppa wakkulagnu oolag hette amu, ag Kayak Nug daatte, amu danab ag oolag unuqagppanu Nug mattin oitteb ele, Nug ag nob ena madatte oolagppa genab dooglagoitte. Ib laa iitta.

Luk 6:35

Amge ag kekeɗ ahilkadnu ag oolag mauhaɗ! Amu ele ag ahilagppa kobol ena heig! Danab ag ahilagnu lon aoglagnu appeg amu matteg! Mattona, dimppa ag ahilagppa keeke amu eɗun aoglagnu aib dabmeppig. Ag anam heppeg amu, nob ena ahilag am okkai daakku. Ag Kayak Attannab Laa Oh Eɗattak, ag Nug bekkod daaglag. Aɗinu? Nug nuhig oo doyakppa danab laala, ag danab nau, danab nuhignu dab-ii-metteb ele, ag akka ahilagib dabmetteb ele, Nug amu dilag ele keeke ena madatte.

Matyu 23:37

O Jerusalem, Jerusalem, na propet aqae mauhtteb, maɗi nid Kayak nahip-ppa maatte uɗitteb ele, na ag ele menppa aqae mauhtteb. Da haen kuɗum na begapad, matuk anig nakkud haugppa qagmaatta tonadtte, amubia qagmaadkkulnu hemi, amge ag uuppig.

Matyu 5:12

Danab kobol nau amu hetteb ele, anukka danab ag Kayaknu propet ele anam eheɗ hadappig amunu, ag gemu ahilagnu ele anam heppeg, aria, ag gamalag ahebeb, ag oolag enaib dayaɗ! Aɗinu? Nob ahilag hab attan am okkainab.

2 Timoti 4:8

amu gemu nob ena da aokkulnu amu, Kayak Nug aakku meum daatte. Nob ena amu Naɗi, Nug danab ah tutukkuib epeɗiadtte ele, Nug eɗua hibaittaknu deɗppa da meɗakku. Amge dakkaib iitta. Aun laa oh ag Nug eɗua uɗikkunu tappaɗidna daatteb ele, Nug ag ele madakku.

2 Timoti 1:18

amunu, da keeke amu ohnu amu da gogtak haenppa, Naɗi Nug nuhignu oo gai-iitta doya oo metta ehanidkkunu unuqidttem. Nug Epesus appa keeke kuɗumppa ehaniɗom ele amu, na amu doon malame.

Matyu 6:1

Laa ele ag dabmeig! Ahilag hak ena am danab anadkkulagnu aib heppig. Ag anam hekkulag amu, ag Mamelag, hab attan daatte, ag nuhigppanu nob ena ii aomna.

Prowerb 23:18

Aɗinu? Na anam hekkut dayeb amu, genabnab genab na butti aɗi ena daakkutnu dabmak aɗan oikkutnu elele; amu laa heeb, butti aɗi ena daakkutnu dabmak aɗa oiyak amu iitta iinab mema.

Prowerb 11:18

Nau hak danab nug keeke aotte me, nug keeke diig genab ele ii aotte; amge danab nug genab tutukku hak kobol hette amu, nug meu ena genab aotte.

Sam 58:11

Amu beeb am, danab ag akkulag. “Am genab, laa ag genab tutukku hak danab ah daatteb, ag nob ena anidtteb. Ao, genab, Kayak Nug wan imuppan danab ah epeɗiadtte amu, Nug daatte,” aon akkulag.

Sam 19:11

Am da, nahip maɗi nid, da nahip ɗo aɗe dabmedakkul dayeb amu, da eheɗ hein, nau aopanu dabmak meɗakku. Danab ah ag aɗan dabmettaglag dayeb amu, ag geha nob ena okkainab aoglag.

Kolosi 2:18

Danab laa nug danab amelagppaib nug onig qe nette, amge ooppa nug nukka nuhignu, “Da am danab onil ele,” dootte, nug ele engel binalag mette amu, nug ag hambuppualatteb, ag nob ena Kayak madakkunu dabmette ele ii aomnanu ag danab amubia waappa aib daappig. Danab amubia amu nug tul niiakppa o ib attenppa aɗi keeke anttom ele amu, nug amunu nai kuɗum mattiaya, nuhig dabmak, Kayak Ouɗi Nug dabmak nuhig ii gumatte ele amu, nuhig dabmak amu he, danab amu nug nukka nuhignu am binag okkai ele dootte.

Rut 2:11

A amu, Boas nug aum. “Na gamut mauhe, na ahipan ehanidnana, kobol ena hena uɗie, anamib gemu ele hettem; na mamen anin ele uuatna, na appan diig ele uun, na uɗie, ig ele, ig am danab ah buɗub laappanu, anukka na ig ii dooigme ele amu, na ippa uɗie, ig ele daattemnu amu, laa ag mattieg doomi.

Rut 2:13

Boas nug anam a amu, Rut nug nob ma aum. “O danab okkai dahil, na dahilnu ii helom bia me, na ehaniɗme. Na dahilnu nai bodoettak mattime amunu, da oolppa ɠagattag qettak doottem. Nahipad maɗi ah daatteb amu, ag am da eɗilak daatteb, da ag bia ii daattem, amge na kobol enanag dahilnu aakku heme,” awa aum.

Rut 4:15

Na kaino meppe, nid imu nug ɠagattag nitta atognoidkku. Aɗinu? Na ahipan, nug nahipnu oo mauhtte, nug menuom. Na begapad eblaih aɗit ele daan ehanidlob amu, na ahipan nug nahipnu amu eɗittak hette,” aon appig.

Jeremaia 31:16

Rahel anam gaatte, amge Yawe Nug atte. “Da heppi, na bekkanad, aɗenad dilagnu uɗat heme am meu okku. Anam amunu, na aib gaame. Amen leb ele aib neum. Nahipad nid ag kekeɗ wanelagppanu eɗun uɗin daaglag,” awa atte.

1 Samuel 24:20

Da genabnab na geha Israel dilag king bena, na king daappe, laa nug uɗat amu eppenppanu ii aɗitta aoma doottem.