Rut 1:6 - Nobonob Baibel

⁶ Aria, Naomi nug anam Moap wanppa dayaya, nug, “Yawe Nug danab ah nuhikkud, Israel wanppa daatteb, Nug he, enug haen iitta me, Nug ag ehanatta, ee madatte,” nai amu nug doyom amunu nug, nug ahipoɗ ele ag eɗun, Juda wanppa gokkulagnu bappaidppig.

Rut 1:6 Referans Kwoze

Sam 132:15

Da Jerusalem danab ah itadppi, ag ee keeke elelenab ele daaglag. Ao, danab ah daɗek appa daatteb amu, da ee madakkul.

Sam 111:5

Auntai nug nuhignu ebehi oh bodoetta le mette amu, Yawe Nug laa amu ee medatte. Nug aɗi hekkunu danab laa ele nug tituanya nai qagapiɗ ele amu, nug nai amu ii obat-tte. Iitta. Nug aɗi hekkunu aum am aakku hette.

Eksodas 4:31

Nug anam he, ag oolagppa genab dooppig. Amu haen ag Yawe Nug ahilagnu dabmak awawa dayom doon, Nug ele Isip ag kobol eheɗ iɗu iɗu ahilagppa heppig anttom ele doon amu, ag dup nona, Yawe binag meppig.

Eksodas 3:16

Kayak Nug anam awowa, Nug nai tuɗitta aum. “Amu na gona, Israel dilag ikki danab qagmaadna, na dahilnu ag amelagppa inam appe doyeg! ‘Yawe, Nug ag mamelkad aɗi dilag Kayak, Nug Abrahamnu, Aisaknu, amu Jakop elenu Kayak amu, Nug da gumiɗa na, Nug ahilagnu inam aum. “Da ag anattette, da kobol nau oh Isip ag ahilagppa hetteb amu da amu ele anidmi.

Luk 19:44

geha ag ag Juda, ag buɗulkad ele tappaladna oɗoɗadna autna aoglag. Aab okkainu aɗ, lag ele menppa heppig amu kekeɗ ag loppaɗppeg, men laa nug laa qaɗeppa iinab daama. Kayak Nug ag Juda ehanadkkunu heum, amge ag amu ii dabmeppig amunu, kekeɗ ahilagnu ag anam hekkulag,” awa aum.

Luk 1:68

“Ig Naɗi, Israel dilag Kayak, Nug binag metu. Aɗinu? Nug uɗia, Israel danab nuhikkud qagaiettakppanu eɗua uhuqak ha mattom.

Matyu 6:11

Ig ee megattem amu, na gemunu ele megakkutnu na oɗ medattem.

Jeremaia 29:10

Amu Yawe Nug inam ele atte. “Babilon nug ɠagattag maɗ 70 dayebeb, nuhig ɠagattag dayak haen amu iitta mekku amunu, haen amuppa da ag Juda, gemu Babilon wanppa diia ukka laih me dayak danab ah daatteb, da ag gumatten ukken heppi, da kobol ena ahilagppa hekkulnu nai ain qakkami am meu ob, ag eɗun ippa uɗiglag.

Aisaia 55:10

Laa amu, nai dahil am gu, sno ele attannu nettep, amubia daatte. Gu, sno ele aa neya, eɗuya bau laa attan paha ii tettep. Iitta. Aa wan leppu mettaeh, wan elele mette, ee keeke ena beeg, danab ah ag ee tumu eppaknu, amu meu lanaknu ele aotteb.

Sepanaia 2:7

Israel dilag huu okkai Juda oolagppanu oɗo yaak danab ah daaglag amu, ag wan amu ahilag daakkunu aoglag. Ao, ag sipsip ahilkad diiadna, Pilistia wanppa goppeg, sipsip ahilkad appa gikkiɗah lanan daaglag. Pilistia iitta meppeg, laa appa nug laugppa ii daama, ag laulkad amu oh hamu daaglag amunu, tueb meeb amu, sipsip gumak danab ag Pilistia dilag aab okkai laa Askelon, appan danab laulkadppa niiglag. Aɗinu sipsip gumak danab ag anam hekkulag? Yawe, ahilag Kayak, Nug ag atognoatta, aɗi keeke bau daaglagnu daatte amu, Nug ag madakku.

Sam 146:7

Yawe Nug danab ag ɠagattag iitta daan, laa ɠagattag ele waappa daaegeg eheɗ hadatteb ele amu, Nug ag ehanadtte. Nug danab ah ag enug daatteb, Nug ag ee madatte. Yawe Nug danab ag ⌊eheɗ laa ii heppig, amge ag⌋ maniguittakppa daatteb amu, Nug ag uhuqadtte.

Sam 145:15

Keeke oh ag bauklel daatteb, ag na ee madakkutnu neegna daatteb. Ag na neekittegeg, na ee mattak haenppa amu, na ag ee madattem.

1 Samuel 2:21

Eli nug anam mattie ukke, Yawe Nug Hananu dabmaama ehanittom amunu, nug nid laala, nid danab ewam, amu nid ah aɗit ele menuattom. Nug nid amu menuatta dayeye, nid danab Samuel nug Yawe noobppa ena meum.

Genesis 50:25

Josep nug anam awowa amu, nug tuɗitta, Israel bekkod laa, amuam nug awakkud amag ele amu, nug ag amelagppa aum. “Kayak Nug ag ehanatteb, ag wan imu uun gokkulag amunu, dimppa ag gokkulagnu haen amu, ag gonana, ag da gaɗal ele maon gona, Kanan wanppa boumkkulagnab daatte,” awa aum. Nug anam ana, nug ag amu hekkulagnu ahilag nai ɠagattag qena amegppa akkulagnunab he appig.

Genesis 48:15

Nug anam hewowa amu, nug ⌊nid aɗit itittak ena inam mata, amuppa nug ele⌋ Josep itittak ena mettom. Nug itittatta aum. “Kayak, da mamel Aisak, da alal Abraham ele Nug noobppa oittapiɗ; Kayak, Nug da bau dayak dahil oh gumiɗaɗa ehaniɗom, gemu ele ehaniɗtte;

Genesis 28:20

Jakop nug keeke amu oh hewowa, nug genabnab hekkunu nai anan qakka, nug inam mattiom. “Kayak Nug genab da lamenppa, ee lanakppa, ukkakppa ele atognoiɗa omaiɗebeb,

Genesis 21:1

Aria, Abraham nug wau Sarah ele aa oieheh, Yawe Nug Sarahnu oo bodoette enanag maɗoɗ ele hak kobol dim lamitta, Nug anukka Sarahnu keeke hekkunu nai anan qakkom amu, Nug heum.

1 Pita 2:12

Amu ag danab laa Kayak baekkudppa ii daatteb ele amu, ag ag oolagppa daanna, kobol ena tutukkuib heig! Ag anam hebeppeg, danab amu ag ahilagnu nai nau akkulagtai, ge ag ahilag kobol ena amu anidna, haen Naɗi Nug ig danab ig ehanigkkunu uɗikku amu, ag ele Nug binag mekkulag.

1 Timoti 6:8

amunu amu, takkaknu keeke elele, ee ele elele dayeb amu ig, “Imuam dahilnu elele,” aot akkunig.

Sam 147:14

Amu ele, Nug he, ag Israel wanppa daatteb, ag maɗoɗ ele daaegeg, Nug ag bret kunum ena ena witppa heppig amu matte latteb.

Prowerb 30:8

Keeke aɗit amuam iikku. Na heppe da nai hambuppuak nakok laa aibnab aib mattimi; amu laa am, na heppe, da aib enub o daɗek danab daami. Da anam ii daakkulnu, da deɗ anen anen bau dayaknu keeke, amuam ee, le keeke, da anamib aokkulnu oɗ medattem.

Rut 1:5

Malon, Kilion ele, aa ele mauhpiɗ amunu, Naomi nug gamu iitta, bekoɗ ele iitta, nukkaib dayom.

Rut 1:7

Ag bappaidna malona amu, ag ahan, Moap wan uun, Juda wanppa gokkulagnu, ag ib Juda gotte ele amu, ag ib amu aon goppig.

Sam 102:14

Amu nahip maɗi nid ag Jerusalemnu men aɗ, men lag ele ohnu mennu oolag mauhtte. Ao, ag Jerusalemnu, am keeke okkai dabmetteb, amge ag ele nuhig ibppan gappudnu ele oolag doye dabmetteb.

Joel 2:19

Yawe Nug anam dookku amunu, Nug nuhikkud danab ah amelagppa inam akku. “Da heppi, ee, wain bau, olip goɗen ele elelenab daappeg, ag ee elelenab lakkulag. Haen laala da hei, danab ah wanppan wan laalappanu ag, ag Israel ahilagnu, ‘Keeke hamunab,’ dooppig amu, da baula anam ii hepa; iitta.