Rut 1:13 - Nobonob Baibel

¹³ aa nid aɗit amu amelah melopte? Aa danab laa iite diiatlop? O dahilaɗ, anam am iitta. Yawe Nug da uug meɗom, uug amu aa ele tonata daatte amunu, da uug okkainab, ahilah uug eɗittak doottem,” awa aum.

Rut 1:13 Referans Kwoze

Job 19:21

O da lailad, Kayak Nug eheɗ oiɗom amunu, ag dahilnu oolag gai-iitta doon oolag meɗan ehaniɗkkulagnu oɗ madattem. Ge, ag dahilnu oolag gai-iitta doon oolag meɗan ehaniɗkkulagnu oɗ madattem.

Sam 32:4

Aɗinu? Tuqan, amun ele na toliɗkkutnu, na eppen da qaɗelppa uug ele me, aam he, wan leppu qaɗaiettom bia dahil ɠagattag iitta meum. Sila.

Ikki Danab 2:15

Israel ag ban hekkulagnu ahan godappig, amu Yawe Nug anam hekkunu nai ɠagattag qetta aum bia, ag ippulag oo neene, kekeɗ ag eɗadttappig. Anam heehe, danab ah ag oolagppa uug naunab dooppig.

Sam 38:2

Aɗinu? Nahip lat doɗo da iwa, da beɗul ooppa noum. Ao, na eppenppa da oiɗme.

1 Samuel 5:11

Ag anam appig amunu, ag heeg, Pilistia danab okkai laa oh ag uɗin qagmeeg, ag ag amelagppa appig. “Ag heppeg, laa ag Israel dilag Kayaknu Tituanak Nainu Kunup imu maon ukkeg! Nug eɗua, nuhig abenppa ukkaɗ! Anam iitta amu, Nug heeb, ig oh mauhkkunig,” aon appig. Ag amu appignu diig am, Kayak Nug bu okkainab matta he, ag oolagppanu danab ah kuɗum ag mauhppig amunu, aab okkai amunu danab ah ag eheɗ baɗappig.

Duteronomi 2:15

Yawe Nug ena daaglagnu ib oo neene ukke, ag ohnab mauhppig.

Genesis 38:11

Nug mauhe, Juda antta, dabmakppa Selanu aum. “Nug awakuɗ mauhpiɗ bia mauhkkutai,” awa aum. Anam dabmakppa aum amunu, nug Tamar ⌊hambubuitta⌋, amegppa aum. “Na goppe, ah qab bia mamen ele daapeɗ, Sela ena meeb, aa ewau matulak aoglah,” awa aum. Nug anam a amu, Tamar nug aha ukka, mameg laugppa dayom.

Rut 1:12

Anam daatte amunu, O dahilaɗ, aa eɗuya, aabppa ukkeɗ! Aɗinu? Da am kaino, da danab laa ii aopa. Da danab laa aokkulnu dab-ii-mettem, amge da anam dabmelomlob; ge, da gemu tuqan imunab danab aoppi oilopnu dabmelomlob, da nid aɗit menuatppi,

Rut 1:14

Naomi nug anam a, Orpa, Rut ele aa aakku baula gaapiɗ. Gayoya amu, Orpa nug ahipa ootuqittowa, eɗua ukkom, amge Rut nug eɗua gokkunu uua autanab awom.

Rut 1:21

Da aab imu uue gomi haenppa amu, da keeke laan tutu mak iitta, amge Yawe Nug he, da eɗuen uɗien, tutunab daattem. Amu aɗinu ag dahilnu, Naomi, aon atteb? Yawe Nug uug okkai da meɗom. Ao, Laa Nukka Ɠagattag Oh Ele Nug uug naɗi da meɗom.” Naomi anam awa aum.