Rom 9:15 - Nobonob Baibel

¹⁵ Aɗinu? Nug Moses amegppa aum. “Da danab laanu oo gai-iitta doye ool metten ehanidkkulnu ool daatte dayeb amu, da aakku hekkul, o da danab laanu oo bodoetta le maknu kobol dim lamittaknu ool daatte dayeb amu, da anam hekkul,” awa aum.

Rom 9:15 Referans Kwoze

Eksodas 33:19

Nug anam a amu, Yawe Nug Moses amegppa eɗua, nob ma inam aum. “Da geha dahil kobol ena oh na ippunittoya, geha da onil, Yawe, da amu na noomppa mehuqkkul. Doye! Da danab laanu oo gai-iitta doya oo metta ehanittak kobol dim lamidkkulnu ool daatte dayeb amu, da aakku hekkul, o da danab laanu oo bodoetta le maknu kobol dim lamittaknu ool daatte dayeb amu, da anam hekkul.

Rom 9:16

Anam amunu, Kayak Nug anam hette, amunu diig am danab laa nuhig dabmakppanu keeke iitta, uɗat ena hette amuppa ele iitta. Amuam Kayak Nug oo gai-iitta doya oo metta ehanittak kobol nuhig, Nug amuppa hette.

Maika 7:18

O Yawe, aun am Kayak na bia laa daatte? Kayak aun laa nug nuhikkudnab oɗo yaak danab ah dilag hipunin uhuqa madatte; eheɗ hak ahilkad ele uhuqa madatte? Na haen oh oo nauhak nahip ii aɗattem. Iitta. Na oot gai-iitta doon oot mattan ehanadkkutnu enanagnab doottem.

Aisaia 27:11

eppeg qaɗaiedappeg, ah ag uɗin, qiin aon gona, aab ilaglag. Aɗinu ⌊uug amu Israel dilagppa bekku⌋? Israel danab ah ag diignu doyak tutukku am iitta ele. ⌊Ag Yawe uun oitteb.⌋ Anam amunu, laa Nug ag hattom ele, Nug ahilagnu oo ii mattama. Ao, laa Nug ag daaglagnu hattom amu, Nug ahilagnu ena ii doya, keeke ena ii mattama. Iitta.