Rom 8:5 - Nobonob Baibel

⁵ Danab ag oo alagnu kobolppa oitteb, ag oo alagnu keekenu dabmak anuqak aotteb, amge danab ag Kayak Ouɗinu kobolppa oitteb, ag am Kayak Ouɗinu kobol, ag amunu dabmak anuqak aotteb.

Rom 8:5 Referans Kwoze

1 Korint 2:14

Amge danab nug Kayak Ouɗi ii awom ele, nug Kayak Ouɗinu dabmak ii aotte. Aɗinu? Nug dabmak amunu, “Dabmak tutukku iitta,” anam dabmette. Dabmak amunu amu, Kayak Ouɗi Nug danab ehanidkku dayeb, nug dabmak amunu oo maidkku amunu, danab ag Kayak Ouɗi iitta ele, ag am dooglagnu elele iitta.

Jon 3:6

Danab nug beɗu bau daakkunu, amuam anig mameg dilahppa aotte, amge danab nug Kayak Bekka bekkunu amu, nug amu Kayak Ouɗi eppegppanu aotte.

Rom 8:9

Amge ag Rom danab, ahilagnu amu, Kayak Ouɗi Nug ahilagppa daatte dayeb, ag oo alag waappa ii daatteb. Iitta. Ag Kayak Ouɗi waappa daatteb. Amu danab laa nug ooppa Kristusnu Ouɗi iitta, nug am Kristusnu danab iitta.

Mak 8:33

Jesus Nug eɗua, ippunittak awak danab laa oh neekkattatta, Nug Pita daug bata, amegppa aum. “Satan, na dimulppa ukke! Na Kayaknu dabmak ii dim lamidttem; na danab dilag dabmak dim lamidttem,” awa aum.

2 Korint 10:3

Danab laala ag ig wan imuppan kobol aot oittem atteb, amge iitta. Am genab, ihinig oiyak amu ig wanppa oittem, amge ig wanppa ban hetteb bia ii hettem.

2 Pita 2:10

Kayaknu kobol amuam, nug genab danab laa ag ahilag oo hak naunab dim lamidnana, Kayak oɗe dim lamittaknu ena iinab dootteb, am ag tonadkku. Ippunittak danab hambuppuak amu, ag akka ahilagnu ag am ɠagattag doonna, ag laanu dab-ii-menana, ag hab aabppan engel dilagnu baeg qak nai mattiglagnu ii baɗatteb.

1 Korint 15:48

Danab ag wanppanu danab daatteb amu, ag oh am danab digmak heum ele nug bia daatteb. Danab ag hab aabppanu danab amu, ag am laa hab aabppanu neum bia daatteb.

Galesia 5:17

Beɗunu kobol amu Kayak Ouɗinu kobol ele aa laippu iitta, aa piɗe piɗe amunu, Kayak Ouɗi Nug beɗunu kobol guhuɗittette, beɗu amu Kayak Ouɗi guhuɗidtte. Anam daatte amunu, ag keeke laa hekkulagnu oolag unuqagppa daatte amu, ag elele iitta.