Rom 8:36 - Nobonob Baibel

³⁶ Uug amu oh, amuam Kayak naippa, nai laa daatte bia. Nai amuam inam. “O Kayak, danab ah ag ihinignu nau ninig ele doottebnu diig am, ig na dim lamidttem amunu, ag ig deɗ oh amun tuqan ele iqaglagnu hetteb. Ao, danab ag sipsip lanaknu baalag otaɗadtteb, amubia danab ah ag ig iqaglagnu dabmak aotteb.”

Rom 8:36 Referans Kwoze

Sam 44:22

O Kayak, danab ah ag ihinignu nau ninig ele doottebnu diig am, ig na dim lamidttem amunu, ag ig deɗ oh amun tuqan ele iqaglagnu hetteb. Ao, danab ag sipsip lanaknu baalag otaɗadtteb, amubia danab ah ag ig iqaglagnu dabmak aotteb.

Aisaia 53:7

Laa ag nug eheɗ hettan, guittak medappig, amge nug nai laa ii mattiom. Ao, danab nug sipsip qekkunu omala, qaaknu abenppa ugekke, sipsip ii gaatte amu, amubia nug eheɗ ag nuhigppa heppignu nai laa ii mattiom. Ge, danab nug sipsip nag uɗig otaɗeɗe, sipsip nug ii gaatte, amubia ag nuhignu nau heppignu oɗe qamuta, toetta dayom.

1 Korint 15:30

Aria, danab mauhppig ag eɗun ii hippaidlob amu, ig ele hanhan danab laala ag ig eheɗ heigkkulagnu hetteb amu, aɗinu ig uug amu maottem?

1 Korint 4:9

Deɗ laala da inam dabmettem. Kayak Nug ig totol danab nuhikkud otikkom, ig uɗat amuppa oittem ele amu, Nug he, ig laa oh dimulagppanab, ig danab banppa aɗualadna aqappeg mauhkkulagnu otiadppig, amubia daattem. Genab, ig wan atu ohppa danab oh noolagppa, amu engel noolagppa ele, ag ig eheɗ anigkkulagnu daattem deɗ laala da anam doottem.

Aposel 8:32

Amu nug Kayak nai laih laa ebqeum amu iikku. “Danab nug sipsip qekkunu omala, qaaknu abenppa ugekke, sipsip ii gaatte amu, amubia nug eheɗ ag nuhigppa heppignu nai laa ii mattiom. Ao, danab nug sipsip nag uɗig otaɗeɗe, sipsip nug ii gaatte, amubia ag nuhignu nau heppignu oɗe qamuta, toetta dayom.

Jeremaia 11:19

Da sipsip gaiɗ manan, danab qeeb mauhak abenppa awa gotte, da sipsip amubia daami. Ag da iuppeg mauhkkulnu dabmena, ag, “Danab ad o qiie, ad amu ii daatte, meu ele ii otte, ig amubia Jeremaia, nuhigppa hepput, nug amubia dayaɗ!” anana, ag, “Danab ag Jeremaia onig baula dabmemananu, ig makkuɗpput, nug danab ah bau daatteb ele oolagppa aib dayom!” ele appig amu, da Yawe ii ippuniɗom haenppa amu, da amu ii doomi.

Aposel 20:24

Amge da amunu ii dabmettem. Da beɗul bau daakkunu amu, da dabmak amu ɠagattag ii aɗattem. Iitta! Da ib Naɗi Jesus ippuniɗa, uɗat ele meɗom amu, da amuib tuɗitten oiyeye gog tekkulnu dabmettem; amuam Kayak Nug nuhig ehanittak okkai hamu megakka, eɗua awikkunu Nai Ena, nai amu mehuqppi danab ah dooglag.

Jon 16:2

Danab ag Juda dilag nai doyak lag ooppanu lamadkkulag. Ge, dimppa haen beeb, ag ag aqappeg mauhppeppeg, ‘Ig Kayaknu uɗat ena hettem,’ aon akkulag.

Jeremaia 12:3

Anam, amge O Yawe, na da dooiɗttem. Da nahipnu attem attem dabmettem amu, na doon, epeɗidttem. Anam amu, na eheɗ hak danab amu, danab nug sipsip aqadkkunu mauhnoaknab diiadtte, amubia na amu eheɗ hadakkutnu ool daatte. Ge, na tituanadna heppe, danab ah huanak aqe mauhak deɗppa laa ag danab eheɗ hetteb ele huanak aqappeg mauhkkulagnu oɗ medattem.

Sam 141:7

Am dad hak danab laa wan buuawa, men ele buue bette, anambia nau hak danab ebehilag am boumattak iitta, tamtam niiglag.

Sam 44:11

Na hee, ig am sipsip danab aqadkkunu gotteb bia daattem. Ao, na ig huu okkai laala oolagppa tamtam daagnignu heme.

1 Korint 15:31

O lailad, deɗ deɗ ohppa da mauhak ib oɗeppa oittem. Nai laa imu, ig oh ihinig Naɗi Jesus Kristusnu daattem amunu, da ahilagnu maɗoɗppan gamag ahak doottem, nai amuam genab, amubia da deɗ deɗ ohppa mauhak ib oɗeppa oittem am ele genab.

2 Korint 1:9

Genabnab, ig uug doota, “Ig mauhkkunig” amut, amge anam beumnu diig am ig ikka ihinig ɠagattagnu am ii dabmemata, ig Kayaknu ɠagattag dabmekkunignu beum. Nug danab mauhppig amu heeb, ag eɗun hippaidkkulagnu Kayak.

2 Korint 6:9

Danab laala ag dooigtteb amge, “Ig ag ii doyadttem,” aon atteb. Ig am danab mauhkkunu hette bia, amge ig ii mauhttem, ig am bau daattem. Ig bu megatteb, amge bu nug ig iqe ii mauhttem.

2 Korint 11:23

Ag Kristusnu maɗi nidte? (Da gemu dahil dabmak eɗile, da nai madittem.) Kristusnu uɗatppa amu da ag eɗadttem. Dahil hak ɠagattagppa da ag eɗadmi, Jesusnu nai mehuqaknu maniguittakppa dayak am da ag eɗadmi. Danab ag da muɗi qaun eleppa mataɗileg, kuɗumnab batom, amuppa da genab ag eɗadmi. Aria, laa ele, haen kuɗum da mauhkkulnu miag daami, ag am anam bia iitta.

Pilipai 3:10

Kristus, Nug mauhowa, Kayaknu ɠagattagppa eɗua hibaittom amu, da Nug, amu ɠagattag amu ele dookkulnunab hettem. Ele amu, Nug aɗi uug mawawa oiyom amu, da ele mawewe oikkulnu, Nug attem haaha mauhom amu, da ele anam mauhkkulnu ool daatte.