Rom 8:28 - Nobonob Baibel

²⁸ Amu ig doottem, Kayak Nug danab aun aɗi ag nuhignu oolag mauhtte, Nug kobol ena bekkunu ag ele uɗat hetteb. Nug aɗi bekkunu matu dabmeum amu, nug amu dabmaama, ag onilagppa eum.

Rom 8:28 Referans Kwoze

1 Pita 5:10

Kayak Nug am ehanittak okkai hamu mettak kobolnu diig daatte, Nug ag Jesus Kristusnu uɗatppa ag geha nuhig binag amahlak oppiaawak hanhan daatte ele, ag amu ooppa daaglagnu onilagppa eum amunu, ag geha uug haen tutuib doonna daappeg, dimppa Nug eɗua heeb, ag eɗun ena daan, ag lag ukku enappa ɠagattag daatte bia ag ɠagattag daaglag.

Jems 1:12

Danab nug ma anttak awawa, uug doyaya eɗidkkunuib dabmak awak kobol dim lamidtte amu, nug itittak ena awom daatte. Aɗinu? Nug ma anttak amu eɗitteb amu, Kayak Nug nob ena, bauklel hanhannu medakku. Kayak Nug danab oh ag nuhignu oolag mauhtte ele amu, Nug ag bauklel amu madakkunu nai qakka aum amunu, geha madakku.

Genesis 50:20

Anukka ag da eheɗ aokkulnu heppig, amge Kayak Nug ig ena, bau daagnig, gemu ig daattem, amubia, Nug amu dabma he, eheɗ hak amu eɗue, amuppa keeke ena beum.

1 Korint 2:9

Kayak naippa, nai inam daatte. “Kayak Nug keeke ena ena, danab ag nuhignu oolag mauhtte ele madakkunu babaittom amu, keeke amuam danab laa nug amegppa ii anttom, daugppa ele ii doyom, dabmakppa ele ii beum. Keeke enanagnab.”

Rom 8:30

Amu Nug danab anukka Nug Bekka bia daaglagnu maittak awom ele, Nug ag ele onilagppa eum. Nug danab onilagppa eum ele, Nug ahilagnu ele, “Genab tutukku hak danab,” awa aum. Nug danab laala, Nug ahilagnu, “Genab tutukku hak danab,” aum ele amu, Nug he, ag Nug Bekka bianab betteb.

2 Timoti 1:9

Kayak Nug ig eɗua awikkom, ig nuhikkud danab ah oppiaawak ele daagnignu oninigppa eum. Nug ihinig uɗat nobnu oninigppa ii eum. Iitta. Nug nukka Nug maittak awom amu, Nug nuhig ehanittak okkai hamu mettak, Kristus Jesusnu uɗatppa beum, Nug amu dabmaama, oninigppa eum. Nug ehanittak okkai hamu mettak amu ig megakkunu anukkanab, keeke ii dayom haenppa, babaitta ig mekkom daatte.

1 Korint 1:9

Kayak, Nug nukka ag Nug bekka Jesus Kristus, ihinig Naɗi, Nug ele laippu daaglagnu tituanattom amu, Nug oo metta ii uuak kobol dim lamidtte.

Revelesen 3:19

Da bekkalad dilagnu ool mauhe, amu da ag tutukku daaglagnu ag daulag batete, ahilag kobol ena bekkulagnu toliadttem amunu, na kobol nahipnu dabmena autna aona, oot eɗuaɗ!

Eksodas 20:6

amge danab ah ag oolag da meɗan, dahilnu oolag mauhtte, dahil ɗo ele dim lamidtteb amu, da ahilagnu oo mauhaknab doyeye, da ag buɗulkad menuattak huu laippu bia 1,000 dimppa bekkulag amu, dahil oo mauhak amu, ahilagppa ele daakku.

Galesia 1:15

Amge Kayak, Nug anai da ii menuiɗom haenppa da tituaniɗa, nuhig ehanittak okkai hamu megatte, amuppa Nug da onilppa eum amu, haen amuppa Nug nukka dahilnu dabma,

Sekaraia 13:9

Am Yawe Nug imu ele atte. “Danab nug silwa o gol babaitta epeɗia awak daakkunu uɗat hette, amubia laa bau daaglag amu, da heppi, ag oolag dubuttid iitta daaglag. Ag da onilppa eppeg, da ahilag unuqittak dookkul. Da ahilagnu, imuam dahilad danab ah, appi, ag, Yawe, Nug am ihinig Kayak, akkulag.” Yawe Nug anam awa atte.

Nehemaia 1:5

Da unuqitten, da inam ami. “O Yawe Kayak, na hab attan daattem. Na ɠagattag okkai ele, danab na anitta, nug ebehi oh bodoetta le mette elenu Kayak. Na danab ah ag nahipnu oo mauhak dootteb, ag nahip ɗo nai dim lamittegeg, na hee, na danab ah amu ele ag nug oo mauhaknab doyaknu nug tituana nai qakkak hetteb amu, na nug tituana nai qakkak amu ii okkulttem.

1 Tesalonaika 5:9

Aɗinu? Kayak Nug nuhig oppoɗi bak ig iqakkunu ii tituanikkom. Iitta. Jesus Kristus, ihinig Naɗi, Nug eɗua awigkkunu tituanikkom.

Mak 12:30

Na Naɗi, nahip Kayak, na nuhignu na meut ohppa, oot ohppa, dabmak nahip ohppa, amu nahip ɠagattag ohppa ele oot mauhaɗ!’

Epesus 3:11

Amuam Kayaknu maittak hanhan daattom, amu Nug ihinig Naɗi Jesus Kristus, nuhig uɗat okkaippa anam hekkunu aum amu, Nug aakku heum.

Duteronomi 6:5

Ag Yawe, ahilag Kayak, ag nuhignu ag meulag ohppa, oolag ohppa, ahilag ɠagattag ohppa ele oolag mauhaɗ!

Jems 2:5

O lailad, ag doyeg! Danab ag wanppan danab oh noolagppa daɗek daatteb ele, danab amu Kayak Nug ag ooppa genab doyak ɠagattag aɗan oiglagnu, ag nuhig ɗo maɗoɗ ooppa, Kayak Nug danab ag nuhignu oolag mauhtte ele ag aguppa daaglagnu nai qakka aum amu, ag amu ooppa daaglagnu tituanattom daatteb.

1 Jon 4:19

Kayak Nug tatam ihinignu oo mauhom amunu, ig oo mauhak kobolppa oittem.

Duteronomi 8:16

Atu taɗak amuppa Nug ag maana lakkulagnu mattom. Ee amu, ag mamelkad aɗi ag ii lappig ele. Nug ag onilag qeeb nekkunu, Nug ag ma anttak madakkunu Nug anam heum. Nug anam heeb, ag ena bena daaglagnu heum.

2 Timoti 2:19

Amge Kayak Nug ukku aɗom amu, ukku amuam ɠagattag eppom daatte. Ukku amuppa nai inam daatte. “Naɗi Nug nuhikkud danab ah doyadtte.” Nai laa ele inam daatte. “Ag oh, ag Naɗi onig diitteb, ag kobol nau dimetteg!”

1 Jon 4:10

Ig Kayaknu oonig mauhom, diig amunu Kayak Nug Bekka me wan imuppa uɗiom am genabte! Iittanab! Nug ihinignu oo mauhom amunu, Nug Bekka laippunab me, Nug ihinig eheɗ haknu nob nau Nug tiigppa iitta mekkunu heeb elele medakkunu wan imuppa uɗiom. Amuam oo mauhak kobol tutukku aakku.

Rom 9:11

amge Kayak Nug danab tituanadtte, Nug nug tituana nai qakkak amu danabnu uɗat dabmedatta ii hette, Nug nukka nuhig doyak dim lamitta hette ele amu, Nug amu miag atiak daakkunu, haen aa anilah nid aɗit amu ii menuatom amunu, aa kobol ena, kobol eheɗ laa ii hepiɗ ele,

Sam 69:36

Laa ag Nug oɗe dim lamidtteb ele buɗulkad, ag am wan aoglag. Ao, laa ag Kayaknu oolag mauhtte ele, ag wan amuppa ena daaglag.

2 Korint 5:1

Wanppan keeke haen tutuib daatte, hab aabppanu keeke am hanhannu ele amunu, ig imuam dabmettat doottem. Ig gemunu beɗunig am wan imuppaib oiyaknu daatte. Keeke hanhannu iitta, danab nug peh haen tutuib daakkunu hette, amubia. Anam daatte amu, aria peh nug nauhtte, amubia ig beɗunig gemunu nauhppeg amu, Kayak Nug beɗunig laa, lagnab bia, hab aab appa megakkunu daatte. Lag amuam Kayak Nug heum; danab laa ii heum. Nug hanhan daakku.

Galesia 5:8

Kayak, Nug ag onilagppa eum ele amu, Nug dabmak ag gemu dim lamidtteb ele ag ii mattom.

Aposel 13:48

Pol nug anam aum, aria haen iitta aɗi ag nai amu doona, ag oolag gamag ahehe, ag Naɗinu nai amu humidnana, danab ah ag Kayaknu bauklel hanhannu aoglagnu daappig ele amu, ag oolagppa genab dooppig.

Jeremaia 51:29

Yawe Nug Babilon wan heeb nauhaknab dayeb, danab laa appa ii daamanu dabmeum, dabmak amu ɠagattag eppom daatte. Nug amu hekku amunu, danab guittak okkai naɗi doya, beɗu hahaɗeɗe, buɗibɗib oitte, Babilon amubia hekku.

2 Samuel 16:12

Nug anam heebeb, Yawe Nug uug nau dahilppa gemu beum antta, Nug nai nau danab imu dahilnu maditte ele dabmaama, eɗua ehaniɗa heeb, da ena daakkultai,” awa aum.

Rom 11:29

Aɗinu? Kayak Nug danab tituana, keeke laa nuhig daakkunu hamu metta, nug onigppa eum ele amu, Nug nuhig dabmak dimppa amunu iinab baolitte.

1 Korint 1:2

i nai imu uɗugppa yaattep. I Kayaknu Kristen tamaniak Korint daatteb, ahilagnu yaattep. Ag Kristus Jesusnu, oppiaawak danab ah daatteb. Nug ag oppiaawak daaglagnu ag onilagppa eum. Amge Nug agib onilagppa ii eum. Iitta! Nug danab ah oh ag wan atu ohppa daana, ag Naɗi Jesus Kristus onigppa unuqidtteb amu, ag oh onilagppa eum. Jesus amu, Nug am ag ig ele, ig oh ihinig Naɗi daatte.

1 Korint 1:24

Juda, amu Grik danab ele ag anam hetteb, amge ig danab, Kayak Nug oninigppa ette doottem ele amu, ig Juda danabte, o Grik danabte, amuam keeke hamu, ig doottem; Kristus Nug am Kayaknu ɠagattag, amu Kayaknu doyak dabmak ena ele.

Galesia 1:6

Ag Galesia ag kobol hettebnu amu, da ottaie, dabmak kuɗum aottem. Kayak Nug ag Kristusnu ehanittak okkai hamu mattomppa ag onilagppa eum amu, ag pahanab Nug uuna, ag Jesusnu Nai Ena dimettan, ag nai laa, danab laala ag gona mehuqeg doona, ag nai laa amunu ag, “Nai ena,” aon atteb ele, ag nai amu dim lamidtteb.

Epesus 4:1

Da Naɗinu uɗat hettem amunu, da maniguittakppa daattem. Da anam dayeye amu, da Kayak, Nug ag onilagppa eum, da amunu dabmein, da ag ahan, ewak baag amu attem oiglagnu ippuanadtte, ag amu dim lamidnana tutukku eleleppa oiglagnu iikku ahilkad dabmak maɗedattem.

Pilipai 3:14

da hab aabppa gokkulnu wagai mein, qaiedattem. Aɗinu? Kayak Nug da hab aabppa Kristus Jesusnu uɗatppa keeke ena meɗakkunu onilppa eum amunu, da amu aokkulnu anam hettem.

Hibru 9:15

Amunu Kayak Nug danab onilagppa eum ele, danab amu ag itittak ena haen ohnu ele, Kayak anukka Nug bekkod madakkunu nai qakka aum amu, ag amu aoglagnu elele daaglagnu, Kristus Nug nug tituana nai qakkak baunu gamag danab daatte. Kayak Nug amu madakkunu elele daattenu diig am Kristus Nug danab ag nug tituana nai qakkak alag waappa daana, hipunin heppig ele, ag hipunin amuppanu uhuqak aoglagnu mauhom.

1 Pita 2:9

Amge ag Kristen danab ah amu, ag gatatuppa daaegeg, Kayak Nug diia amahlak enappa maattom, ag Nug ahilagppa ena heum, ag amu miag atiglagnu Nug ag tituanatte daanna, ag am mana mettak danab, king ele daatteb, ag am danab ah Kayaknu ɗo maɗoɗppa daatteb, ag danab ah nuhikkudnab ele daatteb.

1 Pita 3:9

Amu na layap nug nahip-ppa laa eheɗ heeb amu, na aib nob mena nuhigppa eheɗ heme. O iitta nug nai eheɗ laa nahipnu ab amu, na aib nob mena nai eheɗ nuhignu ame. Iitta. Na Kayak Nug itittak ena medakkunu unuqitte! Aɗinu? Ag itittak ena aoglagnu Kayak Nug ag anam hekkulagnu onilagppa eum.