Rom 8:27 - Nobonob Baibel

²⁷ Amu Kayak, Nug danab oo unuqagnab anidtte ele, Nug nuhig Ouɗinu unuqittak amu dootte. Aɗinu? Kayak Ouɗi Nug Kayaknu danab ah oppiaawak ele dilag unuqittak awa, Nug Kayak oo niitte bia amunu unuqidtte.

Rom 8:27 Referans Kwoze

Jeremaia 17:10

Anam, amge Yawe Nug atte. “Da Yawe, da danab, nuhig hak aɗi ippuniɗtte amu, da amu dabmein, nob tutukkuib medakkulnu, da nuhig kobol aɗi ippuniɗtte amu, da amu ele dabmein, nob tutukkuib medakkulnu, da danab oolag unuqag andette, da ahilag dabmak ele anidttem.

Epesus 2:18

Amunu ig ameg aɗit amu, ig oh Kristusnu uɗat okkaippa, Kayak Ouɗi laippunu ehanittakppa, ig oh Mame toppa gokkunignu elele.

Rom 8:34

Aun nug danab ah amu hipuninnu nob nau aoglagnu akku? Auntai, laa iitta. Aɗinu? Jesus Kristus Nug nukka aakkuib mauhowa, Nug eɗua hibaitta, gemu Nug hab aabppa Kayak eppeg naɗiap-ppa dayaya, ihinignu Kayak unuqidtte.

Aposel 1:24

Ag danab aɗit otiatona, ag inam unuqidppig. “Naɗi, na danab oh oolag diig doottem amunu, danab aɗit imu oolahppan na aun nug Judas abenabppa ba, totol uɗat imu aokkunu tituanme amu, na ig ippunigkkutnu oɗ medattem. Judas nug nuhig abenppa gokkunu uɗat amu uuom,” unuqidna anam appig.

1 Stori 28:9

Amu Solomon da bekkal, da na amenppa attem. Yawe Nug danab dilag dabmak unuqagppa daatte mattia anidtte, Nug danab nug diig aɗinunab keeke hette ele dootte amunu, na, na mamenad dilag Kayak, Nugib am Kayak dabmena doon, na meut ohppa, nahip dabmak ohppa ele Nug waappa daan, Nug oɗe dim lamitte! Na Yawe anidna dim lamidkkutnu Nug madikkut dayeb, Nug heeb, na Nug anidkkut. Amge na Nug dimettan, uuidkkut dayeb amu, Nug ele na geɗitteb, na anam daappe ukkeb, gogppa teeb batakkut.

Prowerb 17:3

Danab nug gol, silwa ele aab aɗuppa me, huananab gakkaɗe, le me, dubuttid laa daatte dayeb amu, danab nug ehale ukke, golppa o silwappa ii daatte; amge Yawe Nug ma anttak danab metta ha, Nug ib amuppa danab ooppa nau daatte dayeb he, miag atitte.

Aposel 15:8

Amu Kayak, Nug danab ah oh oolag diig dootte ele, Nug iitta aɗi nuhig Ouɗi ig mekkom bia ag mattom, amuppa Nug eɗua diiadkkunu oo dayom ig ippunikkom.

1 Tesalonaika 2:4

Iitta! Kayak Nug ig Nai Ena mehuqak uɗat imu hekkunignu elele anikka mekke, ig hettem. Ig Nai Ena madipput, danab ag ihinignu oolag daakkunu iitta. Iitta. Ig Kayak, Nug ig oonig epeɗitte amu, Nug ihinignu oo daakkunu hettem aakkuib.

Matyu 6:8

amge iitta aɗi ag kobol hetteb, ag amubia aib heppig. Ag, ag Mamelag ii unuqidkkulagnu ii digmeppig haenppa Nug ag keeke ohnu tutu metteb ele amu, Nug dootte.

Jeremaia 20:12

O Yawe Nakka Ɠagattag Oh Ele, na danab ah ag tutukkute, o iittate, na amu epeɗiadnana, na ag oolag, amu dabmak ahilag oh ele doottem. Na anam aakku henana daattem amunu, da eheɗ haknu nob tutukku mattaknu uɗat amu na eppenppa mettem. Uɗat amu na eppenppa mettem amunu, danab ag da eheɗ heiɗkkulagnu hetteb amu, na eheɗ hak ahilag, na amunu nob tutukku madakkutnu oɗ medattem.

Jeremaia 11:20

Ag anam henan appig amu, da Yawe unuqitte, inam ami. “O Yawe Nakka Ɠagattag Oh Ele, na epeɗiak tutukkuib hettem. Na danab ag oolagppa, ag ahilag dabmak unuqagppa ele, ag diig aɗinu kobol laala hetteb amu, na diig amu doottem. Na amu doyeye, da hak nau ag dahilppa hekkulagnu hetteb ele na eppenppa mettem amunu, na danab ag eheɗ heiɗkkulagnu hetteb ele nob elele madappe anidkkulagnu oɗ medattem,” awe unuqidmi.

Revelesen 2:23

Da nuhikkud nid ele heppi mauhkkulag. Amuppa Kristen tamaniak oh ag dooglag, da danab oolag, amu ahilag dabmak ele epeɗie aute aottem. Amu ele, da Taiataira daatteb, da ahilag hak attemu amu, da amuppa nob madakkul.

Jon 14:13

Amu Mama Nug binag amahlak oppiaawak dahilppa aokkunu amu, ag aɗi keekenu da onilppa da oɗ meɗaglag amu, da hekkul.

Luk 16:15

amge Nug ag amelagppa aum. “Ag amu danab dilag neekkakppa genab tutukku hak danab daaglagnu, ag amunuib oolag daatte, amge Kayak Nug ag oolag diig dootte. Danab ag aɗi keekenu enanag dootteb ele, Kayak Nug amunu ooppa uuaknab dootte.

Sam 7:9

O Kayak, na genab tutukku hak kobolib dim lamidttem, na danab ah dilag dabmak unuqagnab daatte, na amu neegna anidttem. O Kayak, na heppe, nau hak danab, ag laa guittak nau mauhnoak madatteb, ag amu uuglagnu, na laa oh ag na oɗen dootteb ele, na ag ehanadkkutnu oɗ medattem.

Jems 5:16

Amunu ag oɗe aon, eɗun ena daaglagnu amu, aun laa nug layagppa hipunin heum ele, nug layag amu amegppa nug hipunin heum miag atiak ab, ag oh anen anen ag lailkad dilagnu Kayak unuqitteg! Amu genab tutukku hak danab, nuhig unuqittak am ebehi ele amunu, danab ehanitteb ena daakkunu elele.

Hibru 4:13

Amu keeke laippu laa Kayak Nug amegppa lokkumak iinab daatte. Iitta. Keeke oh am Nug amegppa miagib amahlakppa daatteb. Amu dimppa ig Nug noobppa daata, ihinig haknu Nug amegppa mattignig.

Rom 8:6

Danab nug oo alagnu keekenu dabmak anuqak awawa oitte, danab amu nug mauhkku. Danab nug Kayak Ouɗinu keekenu dabmak anuqak awawa oitte, danab amu nug bauklel awa, maɗoɗ daakku.

Sam 38:9

O Naɗi, na da aɗinunab ool huana hette am na doottem. Na haen oh da mahiak hettem amu, na doottem.

1 Stori 29:17

O Kayak dahil, da doottem, na danab oolagppa attem attem daatte, ag oolag italttem. Amu na danab nug nuhig dabmak oiyak ele am tutukkuib anidna, na amunu ootppa ena doottem. Anam amu, keeke imu oh da na mettami amu, da oo qak iitta ele, da dabmak genab dim lamitten mettami. Laa amu, da danab nahipad ag ina daatteb amu, ag oo qak iitta ele keeke medappig, da amu ele antten, gamag ahak okkai doottem.

Jon 21:17

Jesus baula ewam batak Pita oɗ mettom. “Saimon, Jon bekka, na dahilnu oot mauhttete?” awa aum. Pita Jesus haen ewam batak, “Na dahilnu oot mauhttete?” aum amunu ooppa guittak doyaya, nug Jesus amegppa aum. “Naɗi, na keeke oh doon malame, amu na da nahipnu ool mauhtte ele doottem,” awa aum. Pita anam a amu Jesus amegppa aum. “Dahil sipsip bekkadna meɗe!” awa aum.

Sam 139:1

O Yawe, na da diil neegna anidna malan, dahilppa keeke oh amu doome.