Rom 8:25 - Nobonob Baibel

²⁵ Amge ig keeke ena amu aognignu genab dabmettem dayeb amu, ig oonig maɗoɗ ele ameg meta daattem.

Rom 8:25 Referans Kwoze

Rom 12:12

Amu ag Naɗi ehanadkkunu dabmak aɗan daanna, ag maɗoɗppan gamag ahak doyeg! Uug laa ahilagppa uɗieb amu, ag ɠagattag dayeg! Amu ag hanhan unuqitteg!

Hibru 10:36

Ag Kayaknu dabmaknab tuɗidna dim lamidkkulagnu amu ag oolag maɗoɗ ele ɠagattag hippaidna daaglagnu daatteb. Ag anam hekkulag amu, geha ag keeke ena anukka Nug ag madakkunu nai qakka aum amu, ag aoglag.

Sam 27:14

⌊O danab ah,⌋ ag Yawe Nug ehanadkkunu ameg meig! Ao, ag oolag ɠagattag qena daanna, ag dabmak nau aib aoppig. Ge, ag Yawe ameg meig!

Kolosi 1:11

Ag Kolosi danab ag uug digdig maon ɠagattag, dagom ele daan bittumttum ii gomananu, ag anen anen ag Kayak eppegppa nuhig ɠagattag naɗi okkai aoglag. Anam amu, ag maɗoɗppan gamag ahak ele doonna,

Luk 21:19

Ag ɠagattag daaglagppa, ag bauklel hanhannu aoglag!

Genesis 49:18

O Yawe, na da ehaniɗkkutnu, da na amen mettem.

2 Tesalonaika 3:5

Naɗi Nug ag oolagnu ulum aɗebeb, ag Kayaknu oo mauhak, amu Kristusnu uug doyaya eɗittaknuib dabmak awak kobol ele doon autna aoglagnu oonig daatte.

Aisaia 25:9

Haen keeke amu beppeg, danab ah ag inam akkulag. “Antte! Imuam ihinig Kayak. Ig nuhignu oonigppa genab doomut, Nug ig ehanikke, ig padal ii memut. Ao, imuam Yawe, ig nuhignu oonigppa genab doomut, Nug ig padal mematanu ehanikkom amunu, ig oonig gamag huan ahaɗ!” Ag anam akkulag.

Rom 8:23

amge Kayak keeke oh hattom, keeke amu aakkuib ag anam ii hetteb. Iitta. Ig Kayak Ouɗi aomut, Nug am hanhan ena dayak awaknu hapin pania mekkom daatte amu, ig ele Kayak Nug heeb, ig beɗunig bau aot, ig Nug bekkodnab daagnignu aeqakkata, ameg meta daattem.

Revelesen 1:9

Da Jon, da ag lailag, da ag ele ig oh Jesus nuhigppa laippu daat, uug mua ele imu maottem. Da Kayaknu ɗo maɗoɗ ooppa, amunu uɗat haknu, ag ele daattem. Ig oh Jesus ig hekkunignu atte amu, ig nuhig ɠagattag aot daatta, ig tuɗidta, uug doyaya eɗittaknuib dabmak awak kobol dim lamidttem. Da Kayak nai mattimi da Jesus Kristusnu oolppa genab doottemnu ami, amunu ag da nud laa onig Patmos, amuppa meiɗppig.

Hibru 6:12

Ig ag bahilag iitta daaglagnu oonig ii daatte. Iitta. Ag danab ag oolagppa genab doona, ag oo maɗoɗ doon Kayak oɗe dim lamidna, amu kobol amuppa ag keeke Kayak Nug anukka bekkod madakkunu nai qakka aum, ag amu aotteb amu, ag danab anam baelag mattan ukkeg!

Rom 2:7

Danab laala ag binag amahlak oppiaawak ele, bau hanhan dayak, binag ele mattinna, kobol tutukku hetteb amu, geha Kayak Nug danab amu bauklel hanhannu madakku.

Luk 8:15

Amge ee aeg wan enappa nena qeppig ele, nai amu inam ippunigtte. Danab laa ag nai doon, ag aona oolagppa meeg, tutukku oolagppa ena dayeye, ag ɠagattag daanna meu otteb,” awa aum.

Aisaia 26:8

O Yawe, ig ihinig oiyak ohppa nahip ɗo dim lamidtata, amenig na anidtata, naib amen mekkunig. Ig na onin, binan okkai ele daakkutnu oonig okkai daatte.

Sam 62:1

Da Kayak, nuhignuib oolppa maɗoɗ doottem. Ao, Nugib am Padal ii maknu ehanittak dahil daatte.

Revelesen 14:12

Uug nau danab ah amu dilagppa bekkunu daatte, doyak amuam uug beegeg, Kayaknu danab ah oppiaawak ele ag Kayaknu haknunab anak dim lamidtteb, ag Jesusnu ooppa genab doyak ahilag ele ɠagattag aɗatteb amu, ag tuɗidna uug doyaya eɗittaknuib dabmak awak kobol dim lamidkkulagoitte ippunigtte.

Revelesen 13:10

Am aun nug maniguittakppa gokkunu daatte amu, appa gokku. Aun laa nug qep elabppa mauhkkunu daatte amu, nug qep elabppa mauhkku. Kobol amuam Kayaknu danab ah oppiaawak ele, ag tuɗidna uug doyaya eɗittaknuib dabmak awak kobol dim lamidna, ag oo metta ii uuak kobol ele tuɗidna anamib hekkulagoitte ippunigtte

Hibru 6:15

Amunu Abraham nug oo makppaib, bahi yaak ele iittappa nai amu meu okkunu ameg ma dayaya, keeke anukka Kayak medakkunu nai qakka aum amu aakku awom.