Rom 8:21 - Nobonob Baibel

²¹ Aɗinu? Kayak Nug geha keeke oh gemu ag nauhaknu hippalakppa daatteb ele, Nug ag amuppanu uhuqatteb, keeke amu oh ag ig Kayak bekkod, ag ig ele oh enanag beta daagnig.

Rom 8:21 Referans Kwoze

Aposel 3:21

Amu gemu Nug hab aabppa daatte. Nug appa dayebeb ukkeb, Kayak keeke oh eɗua bau hekkunu anukka nai nuhig ana qakke, nuhikkud propet ag oɗelagppa mehuqppig amu, Nug haen amu uɗikkunu ameg mekkuoitte.

Revelesen 21:1

Aria, amu dimppa da aakku hab bau wan bau ele anatmi. Hab tatamnu wan tatamnu ele aa iitta mepiɗ, amu yu nug ele iitta meum.

2 Pita 3:13

Amge Kayak Nug hab bau, amu wan bau ele megakkunu nai qakka aum amunu, ig keeke amunu neegttem. Amuppa genab tutukku hak kobol aakkuib daakku.

Rom 8:19

Amunu keeke oh Kayak hattom ele, keeke amu oh am, ig Kayak bekkod, ig geha miag atiak bekkunignu haen ameg mena, ikkilag human neegna daatteb.

Rom 8:30

Amu Nug danab anukka Nug Bekka bia daaglagnu maittak awom ele, Nug ag ele onilagppa eum. Nug danab onilagppa eum ele, Nug ahilagnu ele, “Genab tutukku hak danab,” awa aum. Nug danab laala, Nug ahilagnu, “Genab tutukku hak danab,” aum ele amu, Nug he, ag Nug Bekka bianab betteb.

1 Korint 15:42

Anam amunu, danab mauhppig eɗun hippaidkkulag amu, kobol anamib aakku; ⌊beɗu dayom bia ii daama⌋. Beɗu ig boumttem am nauhtte; beɗu Kayak heeb eɗua hippaidkku amu, amuam ii nauhma.

Hibru 12:27

Amu, “Baula,” nai amu inam ippunigtte. Kayak Nug anukka keeke hattom ele amu, keeke amu oh geha uɗalkkulag. Keeke oh diignab iitta ele daatte amu, uɗalak amu heeb, iitta mekku, baula ii daamna. Keeke laa, diignab ele amu, keeke amu aakkuib geha daakku.