Rom 8:19 - Nobonob Baibel

¹⁹ Amunu keeke oh Kayak hattom ele, keeke amu oh am, ig Kayak bekkod, ig geha miag atiak bekkunignu haen ameg mena, ikkilag human neegna daatteb.

Rom 8:19 Referans Kwoze

1 Jon 3:2

O gamalad, gemu ig aakku Kayak bekkod daattem, amge ig geha attem daagnig am miag ii atiom. Amge ig doottem, haen Kristus Nug miag atia beeb, ig Nug bia daagnig. Aɗinu? Ig Nug attemnab daatte anidkkunig.

Rom 8:23

amge Kayak keeke oh hattom, keeke amu aakkuib ag anam ii hetteb. Iitta. Ig Kayak Ouɗi aomut, Nug am hanhan ena dayak awaknu hapin pania mekkom daatte amu, ig ele Kayak Nug heeb, ig beɗunig bau aot, ig Nug bekkodnab daagnignu aeqakkata, ameg meta daattem.

Pilipai 1:20

Amu da keeke laa hekkulnu dabmak aɗe daattem, am keeke amu ele da genab hekkulnu maittak aomi daattem amu, amuam da uɗat, Kayak da hekkulnu meɗom amu, da uɗat amu eleleib hein maloya, da uɗat heminu uɗa nak laa ii doopa. Yo, da geha iikkunab, am haen oh ele, da aɗi hekkul amu, da ii baɗeɗe heinne, da amuppa Kristus Nug binag okkai medakkulnu ool naɗi daatte. Da bau daakkulte, iitta da mauhkkulte, amuam keeke okkai iitta, amge da beɗulppa keeke oh bekku ele amu, da keeke amu ohppa Kristus binag okkai medakkulnu ool daatte.

Aposel 3:21

Amu gemu Nug hab aabppa daatte. Nug appa dayebeb ukkeb, Kayak keeke oh eɗua bau hekkunu anukka nai nuhig ana qakke, nuhikkud propet ag oɗelagppa mehuqppig amu, Nug haen amu uɗikkunu ameg mekkuoitte.

Aisaia 65:17

Yawe Nug atte. “Aɗinu ⌊am anam bekku⌋? Antteg! Da heppi, hab bau, wan bau ele daaglah. Tumainu keeke am laanu dabmakppa ii daama, laa nug amu dab iinab mema.

Hosea 1:10

Anam aakku, me geha haen laa uɗieb, Israel am wan laa onig okkai ele daakku. Deɗ amuppa nuhig danab ah geha yu ihippa abuɗ huanak daatte, amubia ag huanak daaglag. Geha huanaknab, ebaqaknu elele iitta daaglag! Amu aben da ag amelagppa, ‘Ag amu dahil danab ah iitta,’ ami, aben amuppa geha da ahilagnu, ‘Ag amu da Kayak bauklel ele, ag da bekkalad,’ akkul.

Matyu 5:9

Danab aun aɗi ag maɗoɗ ikki daatteb ele amu, ag itittak ena aoppig daatteb. Aɗinu? Kayak Nug ahilagnu, ‘Ag am da bekkalad,’ awa akku.

Jon 1:12

Amge laala ag Kristus aoppig, ag nuhignu oolagppa genab dooppig amu, ag aakku Kayak bekkod daaglagnu ɠagattag mattom.

Rom 8:14

Aɗinu? Danab aun aɗi ag Kayak Ouɗi Nug ib ippuanatte, ag ib amu dim lamidtteb ele, ag am Kayak bekkod.

Rom 8:16

Kayak Ouɗi Nug ig am Kayak bekkod daattem amu, Nug amu ippunigtte.

Rom 8:18

Dahil dabmak okkainab, amuppa amu, da uug guittak ele ig gemu doottem dabmein, dimppa ig keeke ena ena aognig ele dabmein, dimppanu keeke ena ena ele ⌊amuam ig Jesus ele Kayak bekkod daat, nuhig keeke enanag aognig,⌋ da keeke amunu am keeke okkainab doyen, uug ig gemu doottem am keeke nakoknab bia doottem

Rom 9:26

Amu Hoseanu nai laa am, “Aben da ag amelagppa, ‘Ag amu dahil danab ah iitta,’ ami, aben amuppa geha da ahilagnu, ‘Ag amu da Kayak bauklel ele, ag da bekkalad,’ akkul.” Hosia nug Kayak oɗe anam awa yom.

1 Korint 1:7

Anam amunu, ag Naɗi Jesus Kristus, Nug geha miag atieb anidkkulagnu ameg menana, tappaɗidna daanna, ag Kayaknu uɗat hekkulagnu Kayak Ouɗinu ɗo hamu mettak laanu tutu ii metteb.

1 Korint 1:8

Naɗi Jesus Kristus Nug ag ehanatteb ukkeb, ag ɠagattag daappeg, haen malakppa batakku amunu, ihinig Naɗi Jesus Kristusnu deɗppa ag Kayak noobppa, ag danab oolagppa kaliak laa iitta ele daaglag.

2 Korint 6:18

geha da ag Mamelag daakkul; ag am da bekkalad aɗelad daaglag. Da Naɗi Dakka Ɠagattag Oh Ele, da anam awe attem.”

Galesia 3:26

Ag oh Kristus Jesusnu oolagppa genab dooppig amunu, ag Kayak bekkod daatteb.

Kolosi 3:4

Amu Kristus, Nug am ihinig bauklel diig, haen Nug miag atikku amu, ag ele miag atippeg, Nug binag amahlak oppiaawak ele daatte, ag Nug ele binag amahlak oppiaawak amu ele daaglag.

Hibru 12:27

Amu, “Baula,” nai amu inam ippunigtte. Kayak Nug anukka keeke hattom ele amu, keeke amu oh geha uɗalkkulag. Keeke oh diignab iitta ele daatte amu, uɗalak amu heeb, iitta mekku, baula ii daamna. Keeke laa, diignab ele amu, keeke amu aakkuib geha daakku.

1 Pita 1:7

Uug betteb amu, ag diig imunu betteb. Ag beppeg, ahilag ooppa genab doyak am ena, ɠagattag daattete o iittate, amu anttaknu aakku betteb. Gol am nauhkkunu keeke, amge danab ag gol babaitta epeɗia awak daakkunu uɗat hetteb, amubia Kristen danab, ag ahilag ooppa genab doyak, nug nauhkkunu keeke iitta, gol eɗittak, enanag, amu epeɗidkkunu uug amu ag betteb. Ooppa genab doyak ahilag nug ɠagattag daakku, amu dimppa, Jesus Kristus eɗua uɗikku haenppa, ag binag amahlak oppiaawak ele, onig okkai, amu binag ele aoglag.

1 Pita 1:13

Amunu ag ɠagattag daaglagnu ag dabmak ahilag bappaidna daanna, ag akka ahilag oiyak pehettak atognoig! Ag Kayaknu ehanittak okkai hamu mettak, Jesus Kristus eɗua uɗieb aoglag, ag amunab dabmenan dayeg!

1 Jon 3:1

Ag imu doyeg! Mame Nug ihinignu oo huanaknab mauhtte, amu diig amunu Nug ihinignu, “Da bekkalad,” atte. Amu ig genab Nug bekkod daattem. Wanppan danab ag ii dooigtteb. Aɗinu? Ag Kayak ii dootteb.

Revelesen 21:7

Laa nug ban eɗidkku amu, da nug imu medakkul. Da nuhig Kayak daakkul; nug dahil nid daakku.