Rom 8:15 - Nobonob Baibel

¹⁵ Anam amunu, haen ag Kayak Ouɗi aoppig, ag ouɗi laa, ouɗi amu nug he, nuhikkud ag begbeg maɗi nid ahilkad okkai baɗadna oitteb bia oitteb, ag ouɗi laa amubia ii aoppig. Iitta. Ag Kayak Ouɗi aoppig amu, Nug he, ag Kayak bekkod daatteb. Kayak Ouɗi Nug he, ig “Mame, Mame,” aot attem.

Rom 8:15 Referans Kwoze

2 Timoti 1:7

Kayak Nug ig Jesusnu oonigppa genab doottem ele, Nug nuhig Ouɗi ig mekkom, amu nuhig Ouɗi Nug danab nug baɗa nukka nuhignuib dabmak aotte, Nug dabmak amu ig ii mekkom. Iitta. Nug ig ɠagattag daagnignu, ig oo mauhak doognignu, amu ig dabmak pehettak awaknu ehah ele aognignu, Nug dabmak amu oh ig mekkom.

1 Korint 2:12

Ig keeke ena ena Kayak mekkom daatte ele, ig amunu diig pehettak doognignu Kayak Nug wan imuppan ouɗi ii mekkom. Iitta. Nug keeke ena ena oo qak iitta mekkom daatte amu, ig amunu diig pehettak doognignu Nug nuhig Ouɗi ig mekkom.

Rom 8:16

Kayak Ouɗi Nug ig am Kayak bekkod daattem amu, Nug amu ippunigtte.

Epesus 1:5

Nug anukka dabmaknab awom, oo ele niiom bia amu, Nug Jesus Kristusnu uɗatppa ig tainig mawa, Nug bekkod daagnignu meikkom daattem.

1 Jon 4:18

Baɗak nakok laa ⌊Kayaknu⌋ oo mauhakppa ii daatte. Aɗinu? ⌊Kayaknu⌋ oo mauhak elelenab daatte, amu oo mauhak amuam baɗak lamidtte. Nob nau aokkunu doyak am he, danab nug baɗatte, amunu danab nug anam baɗatte amu, ⌊Kayaknu⌋ oo mauhak ⌊elelenab, amunu diignu doyak tutukku⌋ am danab amu ooppa elelenab ii meum.

Mak 14:36

“O Mame, Mame, aɗi keeke haknu daatte amu, na hekkutnu elele. Amu uug oh da maokkul ele, amuam leppu mua eheɗ nau kap-ppa daatte bia, amu na ib laa anidna appe, da le kap amuppanu amu da ii lapa, amge na dahil dabmaknab aottem ii dim lamidmana, na nahip dabmaknab aottem, amuib dim lamidkkutnu ool daatte!” awa aum.

Jeremaia 3:19

Da dakka, da oolppa, ‘Da danab nug bekkod ena hadatte, amubia da ena hatten, wan aulag enanag, enanag laa oh eɗattaknab, da wan amu madakkulnu ool daatte,’ ami. Da ag dahilnu, ‘Mama,’ akkulagnu, ag da ii dimeɗan, ag eɗun, ii dim lamiɗmananu uuglagnu dabmemi.

Aisaia 56:5

Ag nid ele daalob, nid amu ag daappeg ukkeb, ag buɗulkad, ahilkad nid oolagppan dokkulag amu, ag ahilagnu daulag atikku. Ag anam helob, amge kobol da hekkul amu, ag nid ag anam aolob, am kobol amu eɗidkku. Amuam da onig okkai madappi, danab mettid lag dahilppa uɗat hetteb, dahilad danab ah laa oh ele ag ahilagnu daulag ii atima. Onig da ag madakkul amu, onig amuam hanhan daakku; laa ii tuqa aoma,” awa atte.

Rom 8:23

amge Kayak keeke oh hattom, keeke amu aakkuib ag anam ii hetteb. Iitta. Ig Kayak Ouɗi aomut, Nug am hanhan ena dayak awaknu hapin pania mekkom daatte amu, ig ele Kayak Nug heeb, ig beɗunig bau aot, ig Nug bekkodnab daagnignu aeqakkata, ameg meta daattem.

Luk 11:2

A amu Jesus amelagppa aum. “Haen ag unuqidna inam aig! ‘Mame, na heppe, ig danab oh ig na onin am oppiaawak daatte dootu!! Na heppe, ɗo maɗoɗ nahip wan imuppa daakkunu unuqidttem.

Jon 20:17

Nug anam a amu, Jesus aum. “Na da aib aɗailme, da Mame toppa ii gomi. Amge na da oɗel aona, da lailad gumadna gona, amelagppa inam a! ‘Da, da Mamel, Nug am ag Mamelag ele, da dahil Kayak, Nug am ahilag Kayak ele, da Nug gumitte gottem,’ ” awa aum.

Luk 22:42

“O Mame, uug oh da maokkul ele, amuam leppu mua eheɗ nau kap-ppa daatte bia, amu na ib laa anidna appe, da le kap amuppanu amu da ii lapa, amge na dahil dabmaknab aottem ii dim lamidmana, na nahip dabmaknab aottem, amuib dim lamidkkutnu ool daatte” awa aum.

Jon 16:8

Haen Nug uɗikku amu, Nug wan imuppan danab ah hipuninnu, genab tutukku hak kobolnu, amu epeɗiaknu ele ag ippunadkku.

Eksodas 20:19

ag Moses amegppa appig. “Kayak Nug na amenppa aɗi nai ab amu, na nakka nai amu ig amenigppa madippe, ig doognig, amge ig mauhmatanu na appe, Kayak Nug ig amenigppa nai baula ii mattima,” aon appig.

Aposel 16:29

A amu maniguittak gumak danab nug doya, amahlaknu ewa, maniguittak lag ooppa noa, nug ottaia baɗaɗa, nug Pol, Silas ele baelahppa na qeum.

Aposel 2:37

Ag nai mattie doona, nai amu ag oolagnab yom amunu, ag ahan, Pita, amu totol danab 11 ele ag amelagppa inam appig. “O ig lainkad, geha ig attemtai hekkunig?” aon appig.

Luk 8:37

Mattieg, Gerasanu wan atu, appan danab oh ag Jesus uuatta gokkunu unuqppig. Aɗinu? Ag huan baɗappig. Aeg aakku Jesus Nug uub attan ta, Nug eɗua ukkom.

Luk 8:28

Danab amu nug Jesus antta ewa, wanppa Jesus baegppa na qe, Jesus Nug ouɗi nau danab amuppa dayom ele, Nug nug amegppa, “Danab amu uuidna ukke!” awa aum. Nug anam aum amunu danab amu nug baag okkainab ele ewa aum. “Jesus, na Kayak Attannab Laa Oh Eɗattak bekka. Na da attem heiɗkkutnu hettem? Na da guittak nau ii meɗamnanu oo doyak ele oɗ medattem!” awa eum. Haen kuɗum ouɗi nau nug danab amu aɗeɗe, danab ag nug gumanna, eppeg, baeg ele senppa qagttappig, amge nug sen pakkua awe, ouɗi nau nug nug awa aɗe, laih atu taɗakppa gottom.

Namba 17:12

Israel danab ah ag ⌊Aronnu hokkat haɗag qa, mappata meu oum anidna, ag hipunin heppig dooppig amunu, ag baɗan,⌋ Moses amegppa appig. “Antteg! Ig geha mauhkkunig! Ig geha padal mekkunig! Genab, ig ohnab geha padal mekkunig!

Jems 2:19

Na am ootppa genab inam doottem, “Kayak laippuib daatte.” Amu ena, amge ouɗi nau ag ele anam oolagppa genab doon, ag eheɗ nau baɗan hahaɗtteb.

Rom 8:26

Kayak Ouɗi Nug ele ig danab ig ɠagattag iitta ehanigtte. Ig aɗi keekenu unuqidkkunig amu, ig ii doottem, ig oonigppaib gaattem, ig miag matulta ii attem, amge Kayak Ouɗi Nug ig ehanikka, ihinignu Kayak unuqidtte.

Rom 9:4

Israel ag am Kayaknu danab, ag Nug bekkod maattom daatteb. Ag Nug binag amahlak oppiaawak ele amu anidppig daatteb. Nug he, Nug ag ele nug tituanna nai qakkaladppig, nuhig ɗo ele aoppig. Ag Nug nuhig mettid lag, appa Nug noobppa dup noa binag maknu kobol aon dootteb, amu Nug ag ehanadkkunu nai qakka mattialatta maattom.

2 Korint 11:4

Aɗinu? Danab laala ag gumadna gona, Jesusnu nai kabolinna, ahilag dabmakppa nai ag amelagppa mehuqeg, ag aotteb. Jesusnu nai amu, da Jesusnu nai mehuqttem ele amu, aa laippu iitta, am laa. O iitta danab amu ag ouɗi laanu mehuqeg, ag aotteb. Nug am Kayak Ouɗi, ag anukka aoppig ele amu, Nug iitta, am laa. Amu ag nai diig laa mehuqeg, ag aotteb. Nai amuam Nai Ena, ag matu aoppig ele amu iitta, am laa. Danab ag kobol amu ag oolagppa hetteb ele, ag Korint danab ag agib dabmettan daanna, oolag hette.

Galesia 2:4

Nai imu beumnu diig am, ihinkad laa, ag gaɗalagib Kristen, ag qagmakppa ii uɗilob amge ag oqeqaɗak uɗin, ag lokkumakppa nai italak danab daanna, ag Kristus Jesus uhuqak mekke, ig qakkak iitta daattem anidkkulagnu hena, ag awigna, ɗo waappa begbeg maɗi nid daagnignu meigkkulagnu heppig.

Galesia 5:1

Kristus Nug ig ɗonu maniguittak hippalikkakppanu uhuqikkom, ig uhuqak aot daattem, ig begbeg maɗi nid ii daattem amunu, ag ahan ɠagattag dayeg! Ag ɗonu maniguittakppa baula aib daappig.

Matyu 25:25

Anam amunu, da baɗe, talent laippu nahip meɗame amu awe ukke, wanppa moɗ awe memi. Antte, nahip keeke iikku,’ awa aum.