Rom 8:1 - Nobonob Baibel

¹ Amunu danab ah ag Kristus Jesusnu daatteb, ag hipuninnu nob nau aoglagnu ii daatteb.

Rom 8:1 Referans Kwoze

2 Korint 5:17

Amunu aun nug Kristusnu daatte, nug am danab bau. Anukka dayom amubia am iitta. Nuhigppa keeke oh am bau daatte.

Galesia 3:13

Ɗo ig eheɗ laa awaknu anak waappa daattemnu atte, amge Kristus Nug Kayak naippa yaak, “Danab oh ag ad attan aihadtteb ele, danab amu ag eheɗ laa awaknu anak waappa daatteb,” Nug nai amu attenu qagaiettak awa, amuppa Nug qagaiettak amuppanu eɗua uhuqak ha megakka, nob nau amu awa ehanikkom.

Rom 5:1

Aria, ig oonigppa genab doout, Kayak Nug ihinignu, “Genab tutukku hak danab,” awa aum amunu, ihinig Naɗi Jesus Kristus, nuhigppa amu ig Kayak ele maɗoɗ daattem.

1 Korint 1:30

Kayak Nug aakku he, ag Kristus Jesusnu daatteb. Kristus Nug am doyak dabmak ena, ig Kayaknu aottemnu diig. Gemu ig genab tutukku hak danab daattem, ig oppiaawak ele daattem, amu ig gemu qagaiettakppanu eɗua uhuqak aomut daattem, amu oh Kristus, nuhigppaib beppig daatteb.

Rom 8:34

Aun nug danab ah amu hipuninnu nob nau aoglagnu akku? Auntai, laa iitta. Aɗinu? Jesus Kristus Nug nukka aakkuib mauhowa, Nug eɗua hibaitta, gemu Nug hab aabppa Kayak eppeg naɗiap-ppa dayaya, ihinignu Kayak unuqidtte.

Jon 5:24

Da genabnab genab ag amelagppa attem. Laa nug nai dahil doya, Laa Nug da meiɗe uɗimi, nuhignu ele ooppa genab dootte amu, nug bauklel hanhannu ele; nug padal maknu epeɗiak ii anidma. Iitta. Nug aakku mauhaknu ib uua, gemu nug bauklel hanhannu ibppa daatte.

Jon 15:4

Ag dahilppa daappeg, da ahilagppa daakkul. Muɗi grep eppeg nug nukka awaittak dayaya meu okkunu elele iitta nug muɗi grep tuɗittak dayaya meu okkunu elele, amubia ag da ele ii daagnig amu ag ele meu ii omana.

Aisaia 54:17

Da amu oh hettem amunu, da ele heppi, daup ag bannu keeke aɗinab aɗan, ag Israel ele ban hekkulagnu amu, kekeɗ amu ag ag Israel ii eɗadmana. Amu danab ah ag Israel, ahilagnu aɗi hambuppuak nai eheɗ akkulag amu, ag Israel, ag nai amu tabappeg nekku. Ag danab ah, ag da, Yawe, ag dahilad maɗi nid maɗi ah ele daatteb amu, dahil ehanittak amuam ag aulag bia daakkunu madattem. Ao, ag da, Yawe, ag dahilad maɗi nid maɗi ah ele daatteb amu, ehanittak da ag madattem amu, amuppa da hei, tutukku hak ahilag aakku miag atitte.” Yawe Nug anam atte.

Rom 8:14

Aɗinu? Danab aun aɗi ag Kayak Ouɗi Nug ib ippuanatte, ag ib amu dim lamidtteb ele, ag am Kayak bekkod.

1 Korint 15:22

Amu inam. Adam hipunin heum amunu, danab oh mauhtteb. Anamib aakku Kristusnu uɗat okkaippa amu, danab oh ag bauklel aoglag.

Galesia 5:16

Da inam attem. Kayak Ouɗi Nug oiyak ahilag gumebeb, ag Nug dim lamidna oiyeg! Ag anam hena amu, ag beɗunu kobol ii dim lamidmana.

Rom 8:4

Nug anam heeb, ɗo nug tutukku oiyak kobol ippunigtte amu, ig laa, ig oonig alagnu kobolppa ii oittem, ig Kayak Ouɗinu kobolppa oittem ele amu, tutukku oiyak kobol amu ihinigppa bekkunu heum.

Rom 8:39

o iitta aɗi keeke wan imu attannu, o iitta aɗi keeke wan imu honapnu, amu oh oolagppanu laippu laa nug ig Kayaknu oo mauhakppa daattem imuppanu iinab matakkigkkunu elele iinab daama. Genab, aɗi ohnab Kayak heum daatteb ele, amu oh oolagppa aɗi laippu laa nug Kayaknu oo mauhak, Nug Kristus Jesus, ihinig Naɗi, Nug nuhig mauhakppa amu ippunikkom ele amu, keeke laa oo mauhak nuhig amu ooppanu matakkigkkunu elele iinab daama!

Galesia 5:25

Kayak Ouɗi, laa iitta, Nug ig bau megatte, diig amunu ig Nug waappa ele daatu!

Galesia 3:28

Amunu gemu Juda danab, Grik danab ele, begbeg maɗi nid, begbeg maɗi nid iitta ele, danab amu ah ele, ag oh elele eleleib daatteb. Ag oh Jesus Kristusnu daan, laippu daatteb.

Jon 14:20

Haen amuppa amu, da Mame nuhigppa daattem, ag am dahilppa daatteb, da ahilagppa ele daattem amu, ag amu dooglag.

Rom 7:20

amunu, da kobol da ool ii hette ele, da amu hettem dayeb, da dakka kobol amu ii hettem. Iitta! Hipunin, da oolppa niitte ele amu, nug aakku hette.

Rom 7:17

amunu, da gemu doottem, da dakka kobol amu ii hettem. Iitta! Hipunin da oolppa niitte ele amu, nug kobol anam hette.

2 Korint 12:2

Da danab laa nug Kristusnu daatte amu, da nug doottem. Anukka maɗ 14 ii ugekke, Kayak Nug nug awe, attan ukka, hab ewamppa teum. Nug beɗuppa dayaya teumte o iitta nug ouɗi aakkuib teum amu, da ii doottem. Kayak Nugib dootte.

Rom 16:7

Amu ag humittak dahil Andronikus, Junias ele mateg! Aa am da ele ig oh Juda danab amu, ig haen laippu oh maniguittakppa daamut. Totol danab ag danab aɗit amu, ag ahilahnu ena elele doyak okkai dootteb. Da Jesusnu ooppa genab doyak danab ii bein daaiyi, aa tatam Kristusnu daapiɗ.

Rom 16:3

Amu ag humittak dahil Prisila, Akwila ele mateg! Aa da ele, ig oh Kristus Jesusnu daatta, nuhig uɗatnu kadoi laippu daattem.

Esekiel 18:9

Nug dahil ɗo nai iɗu iɗunu oo metta ii uuak doyaya, pehettak dabmetta dim lamidtte. Danab anam amu, nug am genab tutukku hak danab; nug bau daakku.” Naɗi Yawe Nug anam atte.

Rom 5:16

Baula amu, Kayaknu ɗo hamu mettaknu gogppa tak am ɗo tippalak Adam heumnu gogppa tak bia iitta. Adam nug hipunin laippu he, hettoɗia epeɗiakppa nug hipuninnu bu aokkun dayom. Anam amge Kayaknu ɗo hamu mettak am hipunin kuɗum hak dimppa he, danab kuɗum ag Kayak noobppa hipunin iitta daappig.

Rom 8:2

Aɗinu? Kristus Jesusnu uɗat okkaippa Kayak Ouɗinu ɗo, ig bauklel megatte ele, ɗo amu da, ⌊laa oh Jesusnu oolagppa genab dootteb ele⌋ am hipuninnu ɗo, mauhak he bette ele amu, ɗo amu eleppanu eɗua awikke, gemu da, ⌊laa oh ag Jesusnu oolagppa genab dootteb ele⌋ baula keeke aɗit amu waappa ii daattem.

Rom 8:9

Amge ag Rom danab, ahilagnu amu, Kayak Ouɗi Nug ahilagppa daatte dayeb, ag oo alag waappa ii daatteb. Iitta. Ag Kayak Ouɗi waappa daatteb. Amu danab laa nug ooppa Kristusnu Ouɗi iitta, nug am Kristusnu danab iitta.

Rom 8:11

Kayak Nug he, Jesus eɗua hibaittom ele, Nug nuhig Ouɗi ag oolagppa daatte dayeb, Kayak he, Kristus eɗua hibaittom ele, Nug geha ag beɗulag mauhtteb ele am bauklel, Ouɗi nuhig, ag oolagppa daatte ele, nuhigppa ag madakku.

Galesia 3:26

Ag oh Kristus Jesusnu oolagppa genab dooppig amunu, ag Kayak bekkod daatteb.

Epesus 1:1

Da Pol, da Kristus Jesusnu totol danab daakkulnu Kayak Nug da tituaniɗom amu, da Epesus danab ah ag Kayaknu danab ah oppiaawak ele, ag Jesus Kristusnu daaglagnu oo metta ii uuak kobol dim lamidtteb ele, da ahilagnu iikku yaattem.