Rom 7:9 - Nobonob Baibel

⁹ Anukka dahilppa ɗo ii dayeye, haen amuppa da bau daami. Amge dimppa Kayaknu ɗo dahilppa uɗie, hipunin dahilppa ele uɗie, da mauhmi.

Rom 7:9 Referans Kwoze

Galesia 3:10

Amge danab ag genab tutukku hak danab bekkulagnu amu, ag, “Ig ɗo dim lamidta genab tutukku hak danab bekkunig,” dabmenan atteb ele, danab amu ag eheɗ laa awaknu anak waappa daatteb. Aɗinu? Kayak naippa nai amunu inam daatte. “Danab oh ag nai huppu oh ɗo yaak bukppa daatte tutukkunab ii dim lamidna, oh elele ii hena amu, ag eheɗ laa awaknu anak waappa daatteb.”

Rom 8:7

Anam daattenu diig am, danab nug oo alagnu keekenu dabmak anuqak aotte ele, nug aakku Kayaknu kekeɗ daatte. Aɗinu? Nug Kayaknu ɗo waappa ii daatte, amu nug anam hekkunu ele, elele iitta

Galesia 2:19

Ɗo nug da iwe mauhmi, nug gemu da ii hippaliɗtte; diig amunu amu, da Kayak waappaib daakkulnu daattem.

Rom 10:5

Moses nug danab ag ɗo kobol dim lamitteg, Kayak ahilagnu, “Genab tutukku hak danab,” akkunu dabmetteb ele, nug ahilagnu inam yom. “Danab nug dahil ɗo anam dim lamidkku dayeb, amuppa nug bauklel daakku.”

Rom 7:11

Aɗinu? Ɗo uɗiom amuppa hipunin nug ib ele dayaya, nug da hipunin hekkulnu da buppuiɗa, ɗo he, da aakku hipunin hei amu, ɗo Nug dahilnu, “Na mauhkkut,” aum.

Rom 7:6

Amge gemu ig danab laa nug mauha, ɗo waappa baula ii daatte, amubia ig ɗo, nug ig tonikke daamut ele amu, nug waappa ii daattem. Gemu ig ɗo nai yaak daatte ele, amu waappa daata, amuib dim lamidkkunignu uɗat ii hettem. Iitta. Ig am kobol bau, Kayak Ouɗi ihinigppa maɗette ahom ele amu, ig amu hettem.

Rom 7:4

Amunu O lailad, gemu ag laa, Nug mauhe, Kayak he, Nug eɗua hibaittom ele amu, nuhig daaglagnu, ag ig ele oh ig Kayaknu kobol ena hekkunignu, ag Kristusnu mauhakppa, danab laa mauha ɗo waappa ii daatte, amubia ag ɗo waappa ii daatteb.

Luk 18:21

Jesus Nug anam a amu Juda dilag ikki danab amu nug aum. “Da nid nakokppanu ɗo amu dim lamitti uɗie, gemu ele anamib hettem,” awa aum.

Luk 15:29

amge nug eɗua mameg amegppa aum. ‘Da maɗ kuɗum nahip begbeg maɗi nid bia, nahip uɗat hemi. Deɗ laippu laa da na oɗen tappai ii neum, amge na meeme nag laippuib laa, da lailad ele gamag ahak hekkunignu ii meɗame. Amu iittanab.

Matyu 19:20

Awa a amu nid bau aum. “Da ɗo amu oh dim lamitti uɗie, gemu ele anamib hettem, amge da aɗi laa hekkul?” awa aum.

Sam 40:12

Aɗinu? Uug kuɗum, ebqaknu iitta, da taliliɗtteb. Hipunin da hemi am toniɗkkulagnu heegeg, da ib ena laa antte gokkulnu ii anidttem. Uug amu, dahil hipunin ele am da ikkil uɗugnu ebqak am eɗittak. Dabmak dahil am ɠagattag daakkunu elele iitta.

Rom 7:8

Amge hipunin nug ɗo amuppa ameg qeeb aolonab dabmak eheɗ awak kobol oh da oolppa he beum. Amu ɗo ii daatte dayeb amu, hipunin am bodoettak daatte.

Rom 7:10

Ɗo da bauklel meɗakkunu dayom amu, da ɗo amuppa bauklel ii aomi; ɗo nug ⌊hipunin ib mette he,⌋ da mauhmi.