Rom 6:22 - Nobonob Baibel

²² Amge Kayak Nug ag hipuninnu kobolppanu uhuqatta, Nug ag nuhig begbeg maɗi nid maattom amunu, ag nuhig keeke ena aonna, oppiaawak danab betteb. Ag anam bettebnu gogtak amu ag bauklel hanhannu aoglag.

Rom 6:22 Referans Kwoze

1 Pita 2:16

Amu ag danab uhuqak ena aon daatteb amunu, ag danab uhuqak aoppig bia oiyeg! Amge amuppa ag kobol nau lokkumna aib heppig. Ag Kayaknu kobol ena dim lamidnana, nuhig maɗi nid dayeg!

Rom 6:18

Amu Kayak Nug ag eheɗ hak kobol ooppanu uhuqatte, ag aakku genab tutukku hak kobolnu begbeg maɗi nid beppig daatteb.

Rom 8:2

Aɗinu? Kristus Jesusnu uɗat okkaippa Kayak Ouɗinu ɗo, ig bauklel megatte ele, ɗo amu da, ⌊laa oh Jesusnu oolagppa genab dootteb ele⌋ am hipuninnu ɗo, mauhak he bette ele amu, ɗo amu eleppanu eɗua awikke, gemu da, ⌊laa oh ag Jesusnu oolagppa genab dootteb ele⌋ baula keeke aɗit amu waappa ii daattem.

Jon 8:32

Ag geha doyak diig genabib dooglag, amu doyak diig genabib amu heeb, ag uhuqak enappa daaglag,” awa aum.

Galesia 5:13

Genab O lailad, Kayak Nug ag uhuqak daaglagnu onilagppa eum, amge ag ahilag dabmakppa aib inam appig. “Ig uhuqak elele daattem amunu, ig beɗunu kobol ele hekkunig.” Ag anam aib appig, amge ag lailkad dilagnu oolag mauheb, ag oh nug dabmattanna ehanatteg!

Galesia 1:10

Nai da gemu attem imu amu danab ag dahilnu oolagppa ena dooglagnute attem? Iitta! Da Kayak Nug dahilnu oo ena dookkunu hettem. Da am danab ag oolag ittag qekkunuib hettemte? Am da danab ittag qekkunu hettem dayeblob amu, aria da Kristusnu maɗi nid iitta daalom.

Rom 6:14

Hipunin am ahilag okkai baula aib dayom. Aɗinu? Gemu ag ɗo waappa ii daatteb. Ag am Kayaknu ehanittak okkai hamu megatte, amu waappa daatteb.

Aisaia 54:17

Da amu oh hettem amunu, da ele heppi, daup ag bannu keeke aɗinab aɗan, ag Israel ele ban hekkulagnu amu, kekeɗ amu ag ag Israel ii eɗadmana. Amu danab ah ag Israel, ahilagnu aɗi hambuppuak nai eheɗ akkulag amu, ag Israel, ag nai amu tabappeg nekku. Ag danab ah, ag da, Yawe, ag dahilad maɗi nid maɗi ah ele daatteb amu, dahil ehanittak amuam ag aulag bia daakkunu madattem. Ao, ag da, Yawe, ag dahilad maɗi nid maɗi ah ele daatteb amu, ehanittak da ag madattem amu, amuppa da hei, tutukku hak ahilag aakku miag atitte.” Yawe Nug anam atte.

Galesia 5:22

Beɗunu kobol am aakku, amge Kayak Ouɗi Nug he, oiyak ihinigppa meu laala imu bette. Oo mauhak kobol, maɗoɗppan gamag ahak kobol, maɗoɗ dayak kobol, dagom kobol, oo bodoettak kobol, ena hak kobol, oo metta ii uuak kobol,

Rom 7:4

Amunu O lailad, gemu ag laa, Nug mauhe, Kayak he, Nug eɗua hibaittom ele amu, nuhig daaglagnu, ag ig ele oh ig Kayaknu kobol ena hekkunignu, ag Kristusnu mauhakppa, danab laa mauha ɗo waappa ii daatte, amubia ag ɗo waappa ii daatteb.

Rom 6:21

Amu ag kobol nau heppig, ag gemu kobol amunu uɗalag nette ele amu, kobol amuppanu ag aɗi keeke ena aoppig? Kobol amuam mauhakib he bette.

Matyu 25:46

Aria, danab amu ag gona, haen ohnu nau awak abenppa daaglag, amge genab tutukku hak danab ag bauklel hanhannu aon daaglag,” awa aum.

Daniel 3:26

Nebukatnesar nug anam awowa, aab ilappig ele, lag oo am laippu, gilil men o wanppa hak keeke, ag oo amuppa aab ilappig, Nebukatnesar nug oo amunu od guguittak ukka, nug ewa aum. “Satrak, Mesak, Abetnego ele, ag Kayak Attannab Laa Oh Eɗattak waappa daanna nuhig maɗi nid daatteb ele, ag dimittim, dahilppa uɗieg!” awa eum. Nug anam e amu, ag dimittim uɗippig.

Sam 143:12

Na nahip oo mauhaknab kobol dabmena dim lamidnana, na dahil kekeɗ eɗadppe nauhkkulagnu oɗ medattem. Ao, da am nahip maɗi nid amunu, na heppe, dahilad kekeɗ ag nauhkkulagnu unuqidttem.

Taitus 1:1

Da Pol, da Kayaknu maɗi nid, amu Jesus Kristusnu totol danab ele daattem. Kayak Nug da laa Nug ag tituanattom ele, da ahilag ooppa genab doyak ehanidkkulnu, da ele doyak diig genabib, doyak amuam ag Kayaknu neekkakppa genab tutukku hak danab daaglagnu ippunadtte amu, da ag doyak amu ele ippunadkkulnu meiɗe uɗimi.

Kolosi 1:10

Anam dayeb amu, ag Naɗinu dabmak dim lamidkkulagnu, ag Nug oo niitte ohppa oiglagnu elele daanna, ad meu ena otte, amubia ag anen anen ag oinna, ag uɗat ena oh hekkulag, amu ag doyak Kayaknu tuɗidna aoglag.

Pilipai 4:17

Amu da keeke ahilagppanu aokkulnu ii attem. Iitta. Da ahilagppa kobol ena naɗi dayebeb, ag Kayak noobppa onig ena aoglagnu ool daatte.

Pilipai 1:11

Oo mauhak kobol ahilag am okkai dayebeb, haen ag wan imuppa oitteb ele, genab tutukku hak kobolppan meu, Jesus Kristus he betteb ele amu, meu amu oh ahilagppa naɗi daaglag. Amuppa ag Kayak Nug binag amahlak oppiaawak ele okkai medappeg, Nug binag naɗi ele daakku.

2 Korint 3:17

Naɗi Nug am Ouɗi daatte, amu Naɗinu Ouɗi Nug danab laa, nuhigppa daatte dayeb, keeke laa danab amu aɗa ii maniguidma. Iitta. Hamu elele enaib daakku.

Jon 15:16

Ag da ii tituaniɗppig. Iitta! Da ag tituanadmi. Anam amu, da ele ag gona, meu ii nauhtte ele okkulagnu, da uɗat amu ag mattami. Ag anam hekkulag dayeb amu, Mama Nug aɗi keeke ag da onilppa Nug oɗ medappeg amu, Nug ag madakku.

Jon 15:2

Mame Nug dahilppa eppeg oh meu ii niitteb ele okkulatta geɗadtte. Eppeg laa meu niitteb ele, ag meu huana okkulagnu Nug bappaladtte.

Jon 4:36

Am laa nug meu aotte amu, nug nuhig uɗat nob awawa, nug danab laala bauklel hanhannu aoglagnu ehanadtte. Ehanadtte amunu, ee eppak danab, amu meu awak danab ele aa oh oolah gamag ahakku.

Matyu 19:29

Aria, danab aun nug da onilnu ha, nug anig, mameg, awakkud, amakkud, apakkud, appinkkud, nug wau, bekkod, aɗekkud, nug laug amu nuhig dad okkai ele uuatta, da dim lamiɗtte amu, nug hamu ii daama. Iitta. Nug amu bia amge laippuib iitta, nug 100 awa, nug bauklel hanhannu ele aokku.

Matyu 13:43

Haen amuppa amu genab tutukku hak aɗi, ag am Kayak bekkod, ag Mamelagnu ɗo maɗoɗ ooppa daanna, ag aam amahala miag atiak daatte bia miag atiak daaglag. Danab nug daug ele dayeb, nug doyaɗ!” awa aum.

Matyu 13:40

Am danab ag gikkiɗah nau hiɗaladna qagmena, aab aɗuppa maitteb, amubia Kayaknu engel ag wan gog tak haenppa anamib hekkulag.

Sam 92:14

Am ad, ag aben laa enappa eppaeg ba dayaya, meu otte, amubia genab tutukku hak danab ag ena daaglag. Ao, ad nug ba, hokkua mette, me enaib dayaya, meu wawaib daatte, amubia genab tutukku hak danab ah ag ena hekkulag.

Job 1:8

Satan nug anam a, Yawe Nug Satan aum, amu doya, Nug aum. “Na dahil maɗi nid Jobnu attem dabmettem? Wan ohppa danab laa nug bia laa iitta. Nug dahil neekkakppa danab ooppa kaliak laa iitta ele. Nug genab tutukku hak danab. Nug dahilnu ebehi oh bodoetta le me, nug eheɗ laa haknu am uua autanab aotte,” awa aum.

Namba 23:10

Auntai laa Jakop buɗub ebqekkunu elele? Laa iitta! Aɗinu? Ag amu kuɗumnab. Yo, auntai laa, Israel danab ah maha laa ebqekkunu elele? Laa iitta! Aɗinu? Ag am kuɗumnab! Da mauhkkulnu amu, da genab tutukku hak danab mauhtteb bia mauhkkulnu ool daatte! Yo, da mauhkkulnu amu, da ag mauhtteb bia mauhkkulnu ool hette!” awa aum.

Genesis 50:17

‘Da mauhppi amu, ag Josep amegppa inam appeg dookku. “Da na mamen Jakop, da na awanad, ag nahip-ppa eheɗ heppig amu, na amu dilag hipunin uhuqna madakkutnu oɗ medattem,” awa aum.’ Nug anam aum amunu, na ig, na mamennu Kayaknu maɗi nid, na ihinig hipunin uhuqna megakkutnu oɗ medattem,” aon appig. Ag anam aeg amu, Josep doya, nug gayom.

Revelesen 7:13

Aon aeg amu ikki danab laa oɗ meɗom. “Lamen elab hakkab meppig imu amu, ag am aun aɗi? Ag adeppanu uɗippig?” awa oɗ meɗom.

Jems 1:1

Da Jems, da Kayak, Naɗi Jesus Kristus ele dilah maɗi nid. Da Juda danab ag Juda wanppa ii daatteb, ag wan atu laappa daanna oitteb ele amu, da ahilagnu ehanattak nai iikku yaattem. Da ag humadttem.

Daniel 6:20

King nug ukka, moɗ naɗi laion daatteb guguittak ukka, nug baag oo doyak eleppa Daniel onigppa ewa aum. “O Daniel, na Kayak bau daatte elenu maɗi nid, nahip Kayak, na hanhan Nug waappa daan, nuhig maɗi nid daattem, Nug ehanitte, na qagaiettakppa ii daanna, laion eheɗ laa ii heidmananu elele daamete, o iittate?” ewa oɗ mettom.

Sam 86:2

Da hanhan nahipnu oo metta ii uuak kobol dim lamidttem amunu, na da dabmeɗappe, da ii mauhpanu na oɗ medattem. Ao, na am dahil Kayak, da nahip maɗi nid, da nahipnu oolppa genab doottem; na da ehaniɗppe, da padal ii mepanu na unuqidttem.

Kolosi 4:12

Epapras, ahilag nid laa, Kristus Jesusnu maɗi nid, nug ele ag humadtte. Haen oh nug nuhig unuqittak ɠagattagppa nug ag ehanattatta, Nug Kayak heeb, ag Kayaknu dabmaknab awak pehettan doon, anamib ɠagattag daanna, danab kalulag ele daanna, ag dabmak aɗit ele iitta daaglagnu unuqidtte.

Hibru 12:14

Amu ag danab laala ele ag oh maɗoɗ ele daanna oiglagnu uɗat ɠagattag hena, ag oppiaawak kobolppa daaglagnu ele wagai meig! Aɗinu? Danab laa nug oppiaawak iitta ele, nug Naɗi anidkkunu elele iitta.