Rom 4:5 - Nobonob Baibel

⁵ Amge danab nug nukka, nuhig uɗatnu, nug ib amuppa genab tutukku hak danab bekkunu ii dabmette, iitta, nug Kayaknu ooppa genab dootte, Kayak Nug he eheɗ hak danab ag genab tutukku hak danab daatteb amu, Nug danab amu nuhig ooppa genab doyak antta, “Nug am genab tutukku hak danab,” awa atte.

Rom 4:5 Referans Kwoze

Rom 3:22

Da ib laanu attem amuam inam. Danab nug Jesus Kristusnu ooppa genab dootte amu, Kayak nuhignu, “Genab tutukku hak danab,” awa atte. Ib amuppa amu aun aɗi oh ag oolagppa genab dootteb ele, Kayak Nug ahilagnu, “Genab tutukku hak danab,” awa atte. Danab laippu laa nug ib laappa genab tutukku hak danab bekkunu ib laa ii daatte.

Rom 10:3

Amu Israel ag Kayak Nug ihinignu, “Genab tutukku hak danab,” atte ele, ag amunu oolag ii maitte, ag akka ag oolagppanu kobol laappa genab tutukku daaglagnu amuib hena, ag Kayak Nug ahilagnu, “Genab tutukku hak danab,” akkunu amu ag uuppig.

Rom 4:24

Iitta. Ihinignu ele aakku atte. Ig Kayak Nug he, Jesus, ihinig Naɗi, Nug eɗua hibaittom amu, ig nuhignu oonigppa genab doottem, amu Kayak Nug ihinig ooppa genab doyaknu amu ele antta, ihinignu, “Ag am genab tutukku hak danab,” atte. Amunu nai amuam ig oh, ihinignu nai.

Rom 4:3

Kayak nai amunu aɗi atte? Inam atte. Abraham nug Kayak nai aum, nug amunu ooppa genab doyom amunu, Kayak Nug ooppa genab doyak amu antta, Nug Abrahamnu, “Nug am genab tutukku hak danab daatte,” awa aum.

Jon 6:29

Aeg am Jesus oɗelagppa awa aum. “Kayaknu uɗat am iikku. Ag Kayak Nug laa me uɗiom ele, ag nuhignu oolagppa genab dooglagnu daatte,” awa aum.

Jon 5:24

Da genabnab genab ag amelagppa attem. Laa nug nai dahil doya, Laa Nug da meiɗe uɗimi, nuhignu ele ooppa genab dootte amu, nug bauklel hanhannu ele; nug padal maknu epeɗiak ii anidma. Iitta. Nug aakku mauhaknu ib uua, gemu nug bauklel hanhannu ibppa daatte.

Habakuk 2:4

Laa nug Kayak noobppa genab tutukku hak danab daatte, nug Yawenu ooppa genab dootte amunu, nug bau daakku. Ao, am anam, amge antte! Laa daatte, nug dada danab daatte. Ge, nuhig oo hak am kaliak ele.

Josua 24:2

Amu Josua nug danab ah oh amelagppa mattia aum. “Yawe, Israel dilag Kayak, Nug inam atte. ‘Anukkanab ag mamelkad aɗi, ag Yupretis le laihppa appa daanna, ag kayak laala noolagppa dup nona binalag meppig. Ag mamelag anukkanu laa am Tera. Tera nug am Abraham, Nahor ele mamelah.

Mak 9:23

Nug anam a amu Jesus Nug aum, “Da hekkulnu elele, amge na amunu ootppa genab doottemte? Danab nug ooppa genab doyak ele amu, nug keeke oh hekkunu elele,” awa aum.

Rom 4:6

Dawit ele nug danab laa, Kayak danab amunu uɗat ii dabmette, amge danab amunu Nug, “Genab tutukku hak danab,” atte, Dawit nug danab amu nug itittak ena awom daattenu ana, nug ele danab nug ooppa genab doyak ib amuppa genab tutukku hak danab daakkunu aum.