Rom 3:5 - Nobonob Baibel

⁵ Amge kobol nau ihinig am heeb, Kayak Nug genab tutukku hak kobol aakkuib hette, nuhig kobol amu miag atieb amu, attemu? Ig aɗi akkunig? (Da ig danab ihinig dabmak dim lamitte madittem.) Ig, “Haen Kayak Nug ihinig eheɗ haknu bu megatte amu, Nug nai doya mala hettoɗia epeɗia elele mettak kobol ii dim lamidtte,” aot akkunigte?

Rom 3:5 Referans Kwoze

Rom 6:19

Amu dabmak ahilag ɠagattagnab ii qeum amunu, da danab ihinig kobol laappa imu ippunadkkulnu heinne attem. Anukka ag genab tutukku hak kobol uuna, ag beɗulkad laih oh ag kobol dubuttid ele, ɗo tappe naknu kobol ele, ag amunu begbeg maɗi nid maadna, ag ɗo tappe nak kuɗum digdig, nau ahilag tuɗitta naunab gotte amu, ag kobol amu ele tuɗidna hekkulagnu heppig. Gemunu amu, ag oppiaawak danab bekkulagnu ag ag beɗulkad laih oh kobol tutukkunu begbeg maɗi nid maatteg!

Galesia 3:15

O lailad, gemu da ig danab ihinig kobol daatte amuppanu da antte oo maittak nai laa attem. Danab laa nug geha dimppa mauhkku amu, nug amunu dabma, nug enub oh bekkod aoglagnu nug nuhig dabmakppa elele otia, anen anen aɗi aoglagnu nug tituana nai qakkaknu uɗugppa yeeb, danab laa ele nai amu antta onig yeeb amu, danab laa nug nai amu ii qeeb nema; o laa nug nai amu baolia nai laa ii tuɗidma.

1 Korint 9:8

Am da danab dilag dabmak amuibte dim lamitten, da nai imu attem? Ɗoppa amu nai amunu laa iite daatte?

Rom 7:7

Amunu ig aɗi akkunig? Ig, “Ɗo amu hipunin ele aa am keeke laippu,” akkunigte? Iittanab! Amge genab, ɗo nug da hipunin ii ippuniɗlo amu, da aɗi kobol am hipunin ele, da ii doolom. Amu inam bia. Ɗo atte, “Na aib danab laanu keeke amen qeeb aolomnab dabmak eheɗ aome.” Ɗo anam ii alo amu, da danab laanu keeke ameg qeeb aolonab dabmak eheɗ awak kobol am nau amu, da ii doolom.

Rom 4:1

Aria, Abraham nug am danab ig bia, nug amu ig mamenig amunu, ig nuhignu aɗi akkunig? Nug Kayak noobppa genab tutukku hak danab daakkunu aɗi anttom?

Rom 2:5

Kayak Nug na oot eɗukkunu oo daatte, amge na nakka na he nahip dabmak am ɠagattag eppak daye, na oot ii eɗutte. Kobol amuppa amu na nakka eheɗ hak nahip-ppa na Kayaknu oppoɗi bak na nidakkunu huana aakku qagmettem. Yo, deɗ laa Kayaknu oppoɗi bak miag atieb, Kayak Nug nuhig kobol tutukkuppa na epeɗitteb amu na geha nob nau aokkut.

Nahum 1:2

Yawe Nug nuhikkudnu, dahil doya laa aomanu doyak aɗa daya, nuhikkud kekeɗ bu madatte. Ao, Kayak Nug laa eheɗ hetteb ele dilagnu oppoɗi bak doyaya, Nug bu tutukku madatte. Nug laa ag nuhignu, “Ihinig kekeɗ” dootteb ele amu, Nug ag nob tutukku madatte. Ao, Nug nuhig kekeɗ dilagnu oppoɗi bak okkai doyaya daatte.

Revelesen 18:20

O hab aab, na nuhigppa beum amu, na maɗoɗppan gamag ahak doye! Amu ag Kayaknu danab ah oppiaawak ele, Kristusnu totol danab, amu Kayaknu propet ele amu, ag ele anam heig! Kayak Nug aab okkai amu nug ahilagppa eheɗ heum, Nug amunu nug nob nau aakku mettom,” awa aum.

Revelesen 15:3

Ag anam daanna, ag Moses, Kayaknu maɗi nid, amu Sipsip Nag, Nug ele edapiɗ amu, ag amu ettanna inam appig. “O Naɗi Kayak Nakka Ɠagattag Oh Ele, nahip hak am onig, ɠagattag ele, danab antta nug enanag doya dabmak kuɗum aotte. Nahip ib am ib tutukku, genab ele. Na wannu king hanhannu.

1 Korint 15:32

Danab mauhppig ele, ag eɗun ii hippaidlob amu, haen da Epesus daaiyi laala da Jesusnu nai mehuqttem diig amunu iuppeg mauhkkulnu heppig amu, uug amu mawak am diig iittanab. Danab mauhppig ele, ag eɗun ii hippaidmana, nai amu genab daalo amu ig, “Haen elab iitta ig mauhkkunig amunu, ig ee le ele aot latu!” dabmeta doolom.

Rom 12:19

O lailadnab, laa ag ahilagppa eheɗ heppeg amu, ag nob nau aib meppig. Uuppeg, Kayak nukka heeb, nuhig oppoɗi bak amu, ag amu aoglag. Amuam Kayak naippa, nai daatte amubia. “Eheɗ haknu nob tutukku eɗua mettak uɗat am dahil. Da geha aun aɗi ag eheɗ hetteb amu, da nob nau madakkul.” Naɗi Nug anam atte.

Rom 6:1

Amunu ig aɗi nai akkunig? “Kayaknu ehanittak okkai hamu mettak am okkai ba daakkunu, ig hipunin kuɗum hetata daatu!” aot akkunigte?

Rom 3:19

Anam amu, danab laippu laa nug, “Da am genab tutukku hak danab,” akkunu elele iittanab daakkunu, danab oh wan atu ohppanu ag Kayaknu epeɗiak waappa daaglagnu, ig ɗo nai nug aɗi atte amu, nug danab oh dilagnu atte doottem.

Rom 3:7

Danab laa nug inam akkutai. “Amu hambuppuak dahilppa Kayak Nug hanhan aɗi nai maditte, aɗi keeke hette amu, Nug doyak diig genabibppanu aakkuib hette amunu, hambuppuak dahil am he, nuhig kobol amu miag atitte, binag amahlak oppiaawak ele Nug medatte amu, aɗinunab Nug da epeɗila, dahilnu, ‘Hipunin danab’ ana, eheɗ hak dahilnu nob nau meɗakku?

Genesis 18:25

Ge, anam daakku! Na genab tutukku hak danab, amu danab nau ele oh he ii mauhtteb. Na anam ii hettem. Na, na wan atu oh dilag epeɗiak danab daattem, na haen oh epeɗiak kobol tutukkuib iite hemana?” awa aum.

Job 8:3

Kayak Nug nai doya mala hettoɗia epeɗia elele mettak kobol awa he, kaliak daattete? Ge, Laa Nukka Ɠagattag Oh Ele Nug kobol ena awa he, kaliak daattete?

Rom 5:8

amge ig am hipunin danab daautut, Kristus Nug ihinignu mauhom, amuppa Kayak Nug ihinignu oo mauhtte amu, Nug ig ippunigtte.

Rom 8:31

Amunu ig Kayak keeke heum ele, amu ohnu ig aɗi aot akkunig? Ig inam aot akkunig. “Kayak Nug ig ehanigtte dayeb amu, laa nug ig kekeɗ mekka eɗigkku? Iitta!” aot akkunig.

Rom 9:30

Amunu ig inam aot akkunig. Iitta aɗi danab ag Kayaknu genab tutukku hak kobol aoglagnu uɗat ii heppig, amge ag genab tutukku hak kobol amu aoppig. Kayaknu genab tutukku hak kobol, amu awaknu ib am ooppa genab doyak.

2 Korint 6:4

Iitta. Ig am Kayaknu maɗi nid daattem ippunadkkunignu amu, ig uug digdig bak haenppa ig ɠagattag daat, uug amu doot maot oittem, amuppa amu ippunadttem. Ig ihinig kobolppa qagaiettak haenppa, oo doyak haenppa, aolak haenppa, oikkak haenppa, maniguittak inikkak haenppa, lamikkak haenppa, uɗat naɗi ɠagattag hak haenppa, niiak elele iitta haenppa, amu enug iqak haenppa ele amu, ig haen amu oh ig ɠagattag daat, uug maottem amuppa amu ig am Kayaknu maɗi nid ippunadttem.

2 Korint 7:11

Ag imu dabmetteg! Ooppa guittak doyak, Kayak Nug ag amubia dooglagnu oo dayom amu, nug he, kobol digdig meu ena ele ahilagppa beum. Ooppan guittak amu nug ag tappaɗatte, ag Kayak pehettak dim lamidkkulagnu wagai metteb. Ooppan guittak amu nug ag tappaɗatte, ag ahan, aɗi keekenu oolagppa uug daatte amunu epeɗin elele medappig. Ooppan guittak amu nug danab laa eheɗ heum amu ag bappaidkkulagnu maɗattom, amu ag oo ottaiak ele dooppig. Aria ooppa guittak amu nug he, ag ig anigkkulagnu ag oolag gayom, amu ag ihinignu dabmak huan aoppig. Ooppa guittak amu nug he, ag toliattak uɗat hekkulagnu wagai meppig. Uug babaittak uɗat oh ag hetteb amu, ag eleleib hetteb, ahilagnu aɗi laa mattignig? Ag uɗat amu eleleib hetteb.

Galesia 2:18

Da danab nug ɗo dim lamittakppa genab tutukku hak danab bekkun daattenu dabmak loppaɗmi dayeb, dimppa da eɗuen, ib amuppa danab nug genab tutukku danab bekkun daatte akkul dayeb, da aakku ib apiɗidmi.