Rom 3:23 - Nobonob Baibel23 Aɗinu? Ig danab oh ig hipunin hemut amunu, ig Kayak Nug ihinignu ig attem daagnignu dabmeum amu, ig amubia laa ii daattem. Gade chapit la |
Kayak Nug am ehanittak okkai hamu mettak kobolnu diig daatte, Nug ag Jesus Kristusnu uɗatppa ag geha nuhig binag amahlak oppiaawak hanhan daatte ele, ag amu ooppa daaglagnu onilagppa eum amunu, ag geha uug haen tutuib doonna daappeg, dimppa Nug eɗua heeb, ag eɗun ena daan, ag lag ukku enappa ɠagattag daatte bia ag ɠagattag daaglag.
Nai imunu amu, da ahilkad ikki danab ag oolagppa daatteb, da ahilagnu nai imu iikku yaattem. Da ele am ikki danab daattem, amu da amelppanab Kristus Nug uug mawe anitten, amunu da aɗi heehe anttomnu mattiak danab daattem. Da ag ele, ig oh geha Kristusnu binag amahlak oppiaawak ele heeb miag atieb, ig amu ooppa daagnig amunu, da ag ikki danab ag uɗat inam hekkulagnu ag maɗadakkulnu nai imu yaattem.
Mana mettette, Yawe Nug mana mettak amu muttuɗignu ooppa ena doya, Nug nukka, Nug ooppa inam aum. “Da danab dilag eheɗ hak amunu wan eheɗ laa awaknu anak waappa daakkunu memi imubia baula iinab hepa. Aɗinu? Da doottem, danab nug menuak haenppa ukka ukka, mauhak nuhigppa amu, keeke laa nug danab ooppa hipuninppa eeɗkkunu daatte. Amu laa ele, da hemi bia, da keeke oh bau daatteb ele amu, baula heppi, ii mauhmana.