Rom 3:13 - Nobonob Baibel

¹³ “Mattiak ahilag am uɗig wak nau, mauhak moɗ ooppan bia. Ge, ag nai maditteb, amge nai amuam nai hambuppuak.” “Ag mat nau, danab emalatteg mauhtteb ele, amubia ag oɗelagppa nai nau maditteb.”

Rom 3:13 Referans Kwoze

Sam 5:9

Aɗinu? Kekeɗ dahil ag nai genab mattiglagnu elele iitta. Ao, ag oolag unuqagppa laa hadappeg nauhkkulagnuib oolag ahak daatte. Mattiak ahilag am uɗig wak nau, mauhak moɗ ooppan bia. Ge, ag nai maditteb, amge nai amuam nai hambuppuak.

Sam 140:3

Nai ag atteb am mat nau danab emalatte guadtte bia, nai amuam he, danab ah ag guittak dootteb. Ao, ag mat nau, danab emalatteg mauhtteb ele, amubia ag oɗelagppa nai maditteb. Sila.

Sam 57:4

Dahil kekeɗ ag da taliliɗppig daatteb. Da am danab nug laion ag enug aqak ele, ag nug talilidppig daatteb, da amubia daattem. Ao, dahil kekeɗ ag laion doɗ laa laatteg iitta metteb bia, ag danab ah hattaeg nauhtteb. Ge, kekeɗ dahil ag laion bia, ag aelkad am lat doɗo bia, lemaɗulkad amu qep elab bia.

Esekiel 13:7

Da Yawe, da ag propet hambuppuak, da ag amelagppa aɗitai laa ii ami, amge ag, “Yawe Nug atte,” atteb amu, amuam tulegleg hambuppuak iittate? Am emannu hambuppuak nai iittate?’ ” awa atte.

Aisaia 59:3

Ag danab aqaeg mauheg, ag tiilag ag eppelagppa qataqak daatte. Ao, hipunin ag eppelag doɗoppa qataqak daatte. Ag oɗelagppa hambuppuak nai maditteb. Ge! Ag nai laa, nau hak danab nai nau digdig maditte, ag nai nau amubia maditteb.

Sam 52:2

Na hanhan buttua ukka tueb batak Kayaknu danab ah hadappe nauhkkulagnu maittak aottem. Na aɗi keekenu attem, amuam resa laa aeg naunab ele, laa otaɗe guittak dootte, nahip nai amubia hette. Na nai attem amu, danab ah ag amunu oolag guidtte. Na hambuppuak nai madikkutnu doon autna aottem.

Rom 3:4

Iittanab! Danab oh ag hambuppulob, amge Kayak Nug nai hambuppuak ii mattima. Iitta. Nug nai doyak diig genabibppanu aakkuib maditte. Amu Kayak naippa nai laa daatte amubia. Nai amuam inam. “Da hipunin hemi amunu, na Kayak, haen na dahilnu, ‘Na hipunin heme,’ attem am genabib attem. Yo, haen na da hettoɗiakppa meiɗna, na tutukkuib hettem.”

Jeremaia 5:16

Wan amuppan daup oh ag ban danab ɠagattagnab. Ag lat doɗoppa danab kuɗum aqaeg mauhtteb.

Sam 36:3

Nau hak danab ag hanhan nai nau, hambuppuak ele maditteb. Ag doyak dabmak ena ele, am kobol ena ele ii dim lamidtteb.

Duteronomi 32:33

Ahilag hak am wain bia, amu wain amuam mat naunu ouɗi nau, am amubia daatte. Ao, ahilag hak am mat nau, danab emale mauhtte, amubia daatte.

Rom 3:12

Danab oh ag Kayak dimedappig. Ag oh diilkad ena iitta. Laippu laa ena ii hette. Iittanab!”