Rom 2:23 - Nobonob Baibel

²³ Amu ag akka onilag human atteb. “Ig Kayaknu ɗo doottem,” aon atteb amunu, aɗinu ag akka ɗo tippaltteb? Ag kobol anamppa ag laa dilag neekkakppa Kayak onig heeg nauhtte.

Rom 2:23 Referans Kwoze

Rom 2:17

Amge ag akka ahilagnu amu attemu? Ag, “Ig Juda danab,” anana, ag ɗo tutukkunab dim lamidna, enaib daaglagnu dabmena, ag akka akka ag onilag humanna, “Ig am Kayaknu danab,” anana,

Rom 9:4

Israel ag am Kayaknu danab, ag Nug bekkod maattom daatteb. Ag Nug binag amahlak oppiaawak ele amu anidppig daatteb. Nug he, Nug ag ele nug tituanna nai qakkaladppig, nuhig ɗo ele aoppig. Ag Nug nuhig mettid lag, appa Nug noobppa dup noa binag maknu kobol aon dootteb, amu Nug ag ehanadkkunu nai qakka mattialatta maattom.

Rom 3:2

Yo, ag Juda daanna, gaɗa otaɗak aona, ehanittak digdig aoppig. Keeke anuqaknab amu inam. Kayak Nug nai nuhignab Juda ag atognona dim lamidkkulagnu mattom.

Jon 5:45

Da ag Mame noobppa naippa yaaladkkulnu aib dabmeppig. Danab nug ag naippa yaaladkku ele am Moses. Danab amunu amu ag, ‘Nug ig ehanigkku,’ aon atteb.

Luk 18:11

Amu ɗo gumak danab-Parasia nug hibaitta, attan neekka dayaya, nukka nuhignu unuqitta aum. ‘Kayak, da am danab laala oh bia iitta. Ag am yab danab, eheɗ hak danab, am ewau pakkua gappai hak danab ele. Da am anam iitta, takis awak danab imu hette bia ele iitta amunu, da na amenppa, “Ena heme,” attem.

Maika 3:11

Jerusalemnu danab okkai ag epeɗiak henana, ag lokkumakppa eheɗ haknu ehanittak aon hetteb. Danab ah ag Jerusalemnu mana mettak danab men doɗo mattaeg, ag ippunittak madatteb. Amu danab ag Jerusalemnu propet men doɗo mattaeg, ag propet nai ahilag maditteb. Ag nau amu oh hetteb, amge ag atteb. “Ig Yawe waappa daat, ehanittak aottem,” atteb. Ag anam anana, ag inam ele atteb. “Yawe Nug ig oonigppa iite daatte? Uug nau laa ihinigppa ii bema,” aon atteb.

Rom 3:27

Anam daatte amunu, ig ikka oninig humagnignu ib adekku daatte? Ib amu laa iitta. Ib amu matu keldoum daatte. Amu aɗi keeke ib amu keldoum? Amu ɗo dim lamittak kobolte? Iittanab! Ooppa genab doyak, kobol amu ib amu aakku keldoum daatte.

Lewitikas 13:32

Am deɗ eblaih aɗitppa amu, mana mettak danab nug gaɗa oɗe amu pehettak itala, gaɗa oɗe amuam beɗu laih ii awom, appa uɗig lanlan ii eppak, gaɗa oɗe amu teppu ooppa ii noak anidkku dayeb amu,