Rom 2:19 - Nobonob Baibel

¹⁹ ag danab amelag gaɗuak ib ippunadkkulagnu, ag akka ahilagnu ag elele dootteb. Amu ag danab gatatuppa daatteb dilag amahlak danab daatteb dabmena,

Rom 2:19 Referans Kwoze

1 Korint 4:10

Ig totol danab ig wan imuppan danab dilag neekkakppa, ig Kristus dim lamidttem amunu, ig am danab dabmak tutukku iitta ele, amge ag Korint danab ag ahilag dabmakppa, ag am Kristusnu daatteb, amuppa ag am danab doyak dabmak ena ele. Ig am danab ɠagattag iitta, ag am danab ɠagattag ele. Ig am binanig iitta, ag am binalag ele.

Jon 9:34

Nug anam a amu, ag amegppa appig. “Na anin nug menuittette, na hipunin danab daan autna aome amunu, aɗinu na ig ippunigkkutnu hettem?” aon appig. Ag anam ana, lamitteg dimittim ukkom.

Matyu 15:14

Amubia amu ɗo gumak danab-Parasia, ahilag ippunittak am iitta mekku amunu, ag ahilagnu aib uug aqom. Ɗo gumak danab-Parasia ag danab ah omaladtteb, amge ag amelag gaɗuom. Am ameg gaɗuak laa, nug laa, nug ele ameg gaɗuak ele, nug ib ippunitteb amu, aa oh moɗppa neya qekkulah,” awa aum.

Matyu 6:23

amge na amen am nau dayeb amu, na beɗun laih laih laa oh am gatatu manak ooppa daaglag. Amunu amubia, na ootppa Kayak keekenu dabmekkutnu elele iitta daattem dayeb amu, na gatatu naunab ooppa daattem.

Matyu 5:14

Ag amu wanppanu amahlak. Aab laa nug qaukoppa daatte amu, nug lokkumak ii daatte; laa lokkumkkunu elele iitta.

Aisaia 56:10

Israel dilag okkai ag danab ameg gaɗuom bia daatteb. Ag doyak iitta. Ag oh am qai baag nauhom bia daatteb. Ag oh am qai gaamɗu qekkunu elele iitta bia daatteb. Ag niinna, tul ele niitteb. Ag niiglagnu oolag mauhtte.

Aisaia 49:6

Amu gemu Yawe Nug inam atte. “Na dahil maɗi nid daanna, na Israel diippe, ag eɗun, dahilppa uɗiglag, amuam uɗat nakokib. Ao, na huu imu da gumatte, ehanatti ii padal meppig ele diippe, ag eɗun, dahilppa uɗiglag, amuam uɗat nakokib. Anam amu, da na uɗat okkai laa ele hekkutnu, da uɗat amu nahipnu uumi daatte. ‘Da na iitta aɗi, ag gatatuppa daatteb, na ag ele ehanadppe, ag ib anidkkulagnu amahlak madakkutnu otidmi. Ao, na iitta aɗi ehanadppe, ag oolag eɗueb Kayak danab ah wan atu ohppanu amu eɗua diiadkku,’ ” awa atte.

Aisaia 5:21

Danab ah aun aɗi ag inam anana, “Ig amu, ig doyak dabmak ena ele,” atteb, ahilagnu am gadonnab gadon. Ao, aun aɗi ag inam anana, “Ihinig dabmak ignab ehanigkkunu elele,” dabmetteb amu, ahilagnu am gadonnab gadon. ⌊Ag padal mekkulag.⌋

Prowerb 26:12

Danab nug Kayak dab-ii-maama ii dim lamidtte amu, amuam nau, amge laa nug nuhignu nug baolia, ena bekkunu dabmak aɗa oikkunu elele; amge danab nug nukka nuhignu, “Da doyak dabmak ena ele aɗe oittem,” anam dabmette amu, amuam kobol naunab, laa nug nuhignu nug baolia, ena bekkunu dabmak aɗa oikkunu am uug ele.

1 Korint 3:18

Amge laa nug nugakka buppuidmanu dabmaɗ! Ag oolagppanu danab laa nug wannu haen imuppanu doyak dabmak ena okkai awom amunu nug, “Da am doyak dabmak ena ele danab,” dabmette dayeb, nug genab doyak dabmak ena ele danab ba daakkunu, nug wannu haen imuppan doyak dabmak ena ele oh qeeb naɗ!

Luk 1:79

Danab ag gatatuppa mauhkkulagnu miag daatteb amu, amahlak madakku. Nug ig ib maɗoɗ ele amu tappat gokkunignu ulum daakku,” awa aum.

Mak 10:15

Da genab ag amelagppa attem. Danab nug Kayaknu ɗo maɗoɗ nid nakok aotte amubia ii aokku amu, nug Kayaknu ɗo maɗoɗ iinab noma,” awa aum.

Matyu 4:16

Danab ah ag gatatu naɗi ooppa daan oippig amu ag amahlak okkai anidppig! Ao, danab ah ag gatatu abenppa daan oippig amu, amahlak ahilagppa amahalom!”

Rom 2:18

ag Kayaknu ɗonu ippunittak aoppig daatteb amunu, ag Kayak oo daatte doonna, ag ib ena aakkuib dim lamidkkulagnu, ag amunu ena doona,

Rom 2:20

ag, “Kayak Nug ɗo ig mekke, ɗo nug ig doyak diig genabib ippunigtte amunu, ig am doyak amu ele elelenab daattem,” dabmetteb. Ag anam dabmetteb amunu, ag danab laa dabmak tutukku iitta ele dilagppa ippunittak hekkulagnu elele doona, ag nid naunau ippunittak mattaglagnu ele elele daatteb dootteb