Rom 2:16 - Nobonob Baibel

¹⁶ Amunu epeɗiak deɗ ana uɗieb, Kayak Nug geha danab oh dilag kobol lokkumak daatte, ahilag dabmak lokkumak daatte ele Jesus Kristus nuhigppa, da Nai Ena mehuqttem bia, epeɗiadkku.

Rom 2:16 Referans Kwoze

Eklisiastis 12:14

Diig laa na anam hekkutnu am, Kayak Nug keeke oh ig danab, ig hettem ele epeɗiadkku. Nug keeke ig miag atiak hemut epeɗiadkku, amge amu aakkuib iitta. Iitta. Nug keeke ig lokkumakppa hemut ele epeɗiadkku. Nug ig keeke ena hemut epeɗiadkku, amu Nug keeke eheɗ ig hemut ele epeɗiadkku,” awa atte.

1 Korint 4:5

Epeɗiak uɗat amu ig gemu ii gumattem amunu, haen gamag imuppa ig anam ii hemata. Ag Naɗi uɗikkunu haen ameg meig! Nug uɗia, keeke oh gatatuppa lokkumak daatteb amu heeb, amahlakppa miag atippeg, aria Nug ele heeb, danab ag diig aɗinu keeke laala heppig amu, danab oh dilag dabmak amu miag bekku. Haen amuppa geha Kayak Nug ig danab oh laib laib ihinig haknu nob tutukku megakku.

Aposel 17:31

Aɗinu? Nug wanppan danab ah oh epeɗiadkkunu deɗ aakku otiom daatte. Geha, epeɗiak amuppa amu, Nug nai doya mala hettoɗia epeɗia elele mettak kobol tutukku dim lamittatta, Nug danab ah oh epeɗiadkku. Amu Nug danab laa epeɗiak amu gumakkunu otiom. Danab amu Nug mauhe, Kayak Nug he, Nug eɗua hibaittom amunu, danab oh ag keeke amu genab bekku amu, ag oolagppa genab dooglagnu elele,” awa aum.

Aposel 10:42

Amu Nug ig nai ena mehuqkkunignu ana, ig danab ah amelagppa Kayak Nug Jesus dimppa mauhak aɗi, bau dayak aɗi ele epeɗiadkkunu tituanittom, Nug ig nai amu ele mehuqkkunignu haknunab nai ig mekkom.

Luk 8:17

Amubia gemu keeke laa lokkumak daatteb ele, Kayak Nug heeb, danab ag anidkkulag. Ge, keeke oh laa anidmanu tonak daatte amu, Kayak Nug heeb, miag atieb, laa ag anidkkulag.

1 Pita 4:5

Amge dimppa ag akka Kayak amegppa ag kobol hetteb amunu miag atinna akkulag. Nug am epeɗiak danab anuqak, amu Nug danab bau daatteb, amu mauhppig ele oh kobol anen anen heppig amuppa epeɗiadkkunu babaittom daatte.

Rom 3:6

Iittanab! Kayak Nug nai doya hettoɗia epeɗia elele mettak kobol ii dim lamidlo amu, Nug attemnab danab oh dilag kobol epeɗiadlo?

Sam 98:9

Heppeg, keeke amu oh ag Yawe noobppa anam heig! Aɗinu? Yawe Nug wanppan danab ah oh epeɗiadkkunu uɗitte. Nug genab tutukku hak kobol dim lamitta, epeɗiak amu hekku. Ao, Nug wan atu ohppan danab ah nai doya mala hettoɗia epeɗia elele mettak kobolppa epeɗiadkku.

2 Pita 2:9

Aria, Kayak Nug amu oh ahilagnu anam heum amunu, Nug danab ag Nug noobppa genab tutukku hak danab daatteb amu, Naɗi Nug ag uug oh, ahilagppa betteb amu amuppanu diia atognoadkkunu doya auta awawa, Nug danab ag Nug noobppa genab tutukku hak danab iitta ele, Nug ag diia, nob nau awaknu hettoɗiak haen ameg mena daaglagnu maadkkunu ele doya auta aotte.

2 Timoti 4:1

Jesus Kristus Nug eɗua uɗikku, nuhig ɗo maɗoɗ ele daakku, Nug bau dayak aɗi amu mauhak aɗi ele epeɗiadkku amu, da Nug amu Kayak ele, aa noolahppa na uɗat imu hekkutnu ɠagattag amenppa attem.

2 Timoti 2:8

Na Jesus Kristus, da Nai Ena madittem amubia, Nug Dawit buɗubppanu doum, Kayak he, Nug eɗua hibaittom amu, na amunu haen oh dabmenan oiye!

1 Timoti 1:11

Kobol ag hetteb ele amu, kobol amu oh am Nai Ena binag amahlak oppiaawak ele, Kayak Nug da amu mehuqkkulnu meiɗom ele amu, ag Nai Ena ele laippu ii daatteb. Nai Ena binag amahlak oppiaawak ele, amuam Kayak nuhigppan uɗiom daatte. Kayak Nug anuqaknab, Nug binag okkai ele daatte.

Rom 16:25

Ig Kayak binag metu! Nug da Jesus Kristusnu Nai Ena mehuqttem bia, amu nai lokkumak anukkanu dayom, nai amu atte, amubia ele, Kayak Nug ag ahilag ooppa genab doyakppa ɠagattag daaglagnu ehanadkkunu elele daatte.

Jon 12:48

Laa nug da dimeɗa, dahil nai ii aokku amu, nuhig epeɗiak nug aokkunu appa ana daatte. Nai da nug dookkunu mattimi ele amu, nai amu geha gog tak haenppa nug hettoɗiakppa epeɗikku.

Hibru 9:27

Danab oh ag haen laippuib mauhkkulagoitte; amu dimppa ag hettoɗiakppa tekkulagoitte,

2 Timoti 4:8

amu gemu nob ena da aokkulnu amu, Kayak Nug aakku meum daatte. Nob ena amu Naɗi, Nug danab ah tutukkuib epeɗiadtte ele, Nug eɗua hibaittaknu deɗppa da meɗakku. Amge dakkaib iitta. Aun laa oh ag Nug eɗua uɗikkunu tappaɗidna daatteb ele, Nug ag ele madakku.

2 Korint 5:10

Aɗinu? Ig doottem, geha ig oh Kristusnu hettoɗiak abenppa daagnig. Aria haen ig beɗunig imuppa daatta, ig kobol nau hettem ele dayeb amu, geha ig amunu nob nau aognig. O iitta ig daatta, ig kobol ena hettem dayeb amu, geha ig amunu nob ena aognig. Yo, ig geha anen anen kobol hemutnu nob amuib aognig.

Rom 2:5

Kayak Nug na oot eɗukkunu oo daatte, amge na nakka na he nahip dabmak am ɠagattag eppak daye, na oot ii eɗutte. Kobol amuppa amu na nakka eheɗ hak nahip-ppa na Kayaknu oppoɗi bak na nidakkunu huana aakku qagmettem. Yo, deɗ laa Kayaknu oppoɗi bak miag atieb, Kayak Nug nuhig kobol tutukkuppa na epeɗitteb amu na geha nob nau aokkut.

Matyu 16:27

Danab Bekkalag da, da Mamelnu binag amahlak oppiaawak ele uɗippi, engel ele uɗignig, amu haen amuppa da danab ah dilag hak, amu nob eɗue madakkul.

Eklisiastis 11:9

O nid bau, na nid bau daattem, haen imuppa na oot gamag ahaɗ! Ao, na ootppa aɗi aɗi hena, gamag ahak dookkutnu anidttem ele amu, na amu hekkut. Na ootppa attem attem hekkutnu doottem, na amenppa attem attem hekkutnu anidttem amu, na amu dim lamidkkut; amge dabme! Kayak Nug na aɗi aɗi hekkut amu, Nug na amunu epeɗidkku.

Eklisiastis 3:17

Da amu antten, da oolppa inam dabmemi. “Kayak Nug aɗi hekkunu haen tituanom daatte. Ao, Nug aɗi hette am haen ele amunu, Nug genab tutukku hak danab, nau hak danab ele hettoɗiak abenppa maadkku.”

Sam 96:13

Ao, ag Yawe noobppa daanna, ahi ettaglag. Aɗinu? Nug wan imuppa uɗitte. Ao, Nug wan imu epeɗikkunu uɗitte. Nug genab tutukku hak kobol dim lamittatta, Nug danab ah epeɗiadkku. Ao, Nug doyak diig genabib dim lamittatta, danab ah oh epeɗiadkku.

Sam 50:6

Hab daup ag Kayak Nug genab tutukku kobolib dim lamidtte ippunigtteb. Aɗinu? Nug nukka, Nug am epeɗiak danab daatte ⌊amu Nug hanhan nai doya mala hettoɗia epeɗia elele mettak kobolib dim lamidtte⌋. Sila.

Genesis 18:25

Ge, anam daakku! Na genab tutukku hak danab, amu danab nau ele oh he ii mauhtteb. Na anam ii hettem. Na, na wan atu oh dilag epeɗiak danab daattem, na haen oh epeɗiak kobol tutukkuib iite hemana?” awa aum.

Galesia 1:11

O lailad, da tutukku ag amelagppa iikku attem. Nai Ena anukka da ag amelagppa mehuqmi amu, danab laa he nai amu ii beum.

1 Korint 15:1

O lailad, da ahilag dabmak Nai Enanu maɗedakkulnu hettem. Da tatam digmakppa Nai Ena amu mehuqi, ag Nai Ena amu doon aɗan, oolagppa genab doon, amuppa ɠagattag daatteb.