Rom 2:11 - Nobonob Baibel

¹¹ Aɗinu? Kayak Nug danab onig ele, nuhignu oo daye, ii epeɗia, laa onig iitta ele amu nuhignu oo ii daye epeɗitte, amubia ii hette. Iitta. Nug danab oh melemel laippuppa ag kobol heppigppa epeɗiadtte.

Rom 2:11 Referans Kwoze

Aposel 10:34

Kornilius nug nai mattia male amu, Pita nug inam awa aum. “Amu genabnab, gemu da doottem, Kayak Nug danab mamekkud aɗi am aun dabmaama, diig amunu Nug danab laa awa, laa geɗitta ii hette.

Duteronomi 10:17

Aɗinu? Yawe, ahilag Kayak, Nug am kayak laa oh eɗadtte, Nug am naɗi laa oh dilag Naɗi daatte. Nug am Kayak naɗinab, ɠagattag okkai ele. Nug am danab Nug antta, ebehi oh bodoetta le maknu Kayak daatte. Nug danab ah ohnab kobol eleleppaib epeɗiadtte. Nug lokkumakppa eheɗ haknu ehanittak ii aoma.

Galesia 2:6

Aria danab da ele nai mattimut, ag da nai mehuqttem ele amu, ag nai amu ii tuɗidppig. Eleleib dooppig. Danab laa ag amu dilagnu, “Danab okkai,” atteb, amge amuam genab o genab iitta, da amunu dab-ii-mettem. Aɗinu? Kayak Nug danab dilag neekkakppa danab laanu, “danab onig ele,” laanu, “danab onig iitta,” Nug dabmak amu dab-ii-mette.

2 Stori 19:7

Amunu ag amu dabmena, ag ebehilag oh Yawenu bodoetta le maɗ! Yawe, ihinig Kayak, Nug nai doya mala hettoɗia epeɗia elele mettak kobol dim lamidtte; Nug kaliak nakok laa ii hette. Nug men doɗo awa, laa eheɗ heumnu, ‘Nug ii heum,’ iinab atte amunu, ag epeɗiak maɗi ahilag pehettak, eleleib heig!” awa aum.

Job 34:19

Kayak Nug king tiigppan danab, enub danab, daɗek ele oh hattom amunu, Nug laa nug king tiigppanu amunu, nuhignu diig iittappa ena doya, laanu diig iittappa eheɗ ii dootte. Ao, Nug laa am enub danab amunu, diig iittappa nuhignu ena doya, laa am daɗek amunu diig iittappa nuhignu eheɗ ii dootte.

Kolosi 3:25

Amu danab nug eheɗ heum, nug geha eheɗ heumnu nob eheɗ aokku. Amu Kayak Nug danab oh melemel laippuppaib epeɗiadkku.

Duteronomi 16:19

Epeɗiak danab ag heppeg, nai doya mala hettoɗia epeɗia elele mettak kobol am kaliak aib dayom. Ag hettoɗiakppa laanu hamu ena hettana, laanu hamu, eheɗ aib heppig. Ag lokkumakppa eheɗ haknu ehanittak aib aoppig. Aɗinu? Kobol anam, amuam he, danab doyak dabmak ena ele dilag dabmak he kaboliattette, genab tutukku hak danab dilag nai ele he kaliak daatte.

Epesus 6:9

Gumak danab ag ele ahilag begbeg maɗi nid dilagppa anamib ena heig! Ag baɗaknu kobol ahilagppa aib heppig. Ag dootteb, Naɗi, hab aabppa daatte ele, Nug am begbeg maɗi nid dilag Naɗi, ag gumak danab, ahilag Naɗi ele. Nug laa, nug danab onig okkai ele, nuhignu ena doonna, laa onig iitta ele nuhignu eheɗ dootteb, amubia iinab hette.

Matyu 22:16

Ag anam hena, ag ahilkad ippunittak awak danab, am Herotnu ehanittak danab ele, ag amunu laala maatteg, Jesus gumidna gona appig. “Ippunittak danab, ig doottem, na am danab tutukku. Na danab okkai onig ele, o danab onig iitta, na amu ohnu dab-ii-mettem. Iitta. Na doyak diig genabib, na nai amuppanuib mattin, danab ah Kayaknu kobol ippunadttem

Luk 20:21

Ag inam oɗ medappig. “Ippunittak danab, ig doottem, nahip nai mattiak, nahip ippunittak ele am tutukkuib. Na danab okkai onig ele o danab onig iitta, na amu dabmenan ii madittem. Iitta. Na doyak diig genabib, na nai amuppanuib mattin, danab ah Kayaknu kobol ippunadttem

1 Pita 1:17

Ag Kayak, Nug danab oh melemel laippuppa ahilag hak anen anenppa epeɗiadtte amu, ag Nug unuqidnana, Nug onig diin Mame atteb amunu, ag haen imuppa aab diig danab iitta daanna wan imuppa oitteb amu, ag nuhignu ag ebehilag oh bodoetta le meeb, ag Nug onig binag metteg!

Rom 9:14

Amunu ig aɗi akkunig? Ig, “Kayak Nug kobol tutukku ii heum,” akkunigte? Iittanab!