Rom 16:21 - Nobonob Baibel

²¹ Dahil uɗat laippu Timoti, nug ele ag humadtte. Lusius, Jeson amu Sosipater ele, ag da ele ig oh am Juda danab amu, ag ele ag humadtteb.

Rom 16:21 Referans Kwoze

Aposel 20:4

Dabmeum amunu, Beria danab Sopater, nug am Pirus bekka, amu Tesalonaika danab aɗit Aristarkus, Sekundus ele, amu Derbe danab Gaius amu Timoti amu Asia danab aɗit, Tikikus, Tropimus ele, ag oh Pol ele goppig.

Aposel 17:5

Ag anam heppig, amge Juda laala ag Pol, Silas ele dilahnu, ihinigppa anam daalon dabmak aɗan daappig amunu, ag ahan, danab bahilkad iitta, ag keeke he nauhak danab, ag ee oɗiak abenppa hamu daappig ele amu, ag danab amunu laala diin qagmaadna heeg, ag ahan heeg, aab okkai amuppan danab ag ele ag muttub qeppig. Ag muttub qeegeg, Juda laala kobol imu digmeppig ele ag Jeson laugppa qaiettan gona, Pol, Silas ele diiatna, dimittim uɗin, danab kuɗum muttub qeppig ele eppelagppa mekkulagnu dabmeppig.

Aposel 13:1

Aria, Antiok Kristen tamaniakppa propet, amu ippunittak danab laala ele appa daappig. Ag onilag am Barnabas, Simeon, nug onig laa Naisa, Lusius, nug am Sairini ted, Manain, nug Herot Antipas ele buɗub laippu, amu Saul aakku.

Rom 16:11

Ag humittak dahil Herodion metteg! Nug am da ele i Juda danab. Amu ag humittak dahil Narsisus laugppanu danab laala ag Jesusnu oolagppa genab dootteb ele, ag matteg!

Rom 16:7

Amu ag humittak dahil Andronikus, Junias ele mateg! Aa am da ele ig oh Juda danab amu, ig haen laippu oh maniguittakppa daamut. Totol danab ag danab aɗit amu, ag ahilahnu ena elele doyak okkai dootteb. Da Jesusnu ooppa genab doyak danab ii bein daaiyi, aa tatam Kristusnu daapiɗ.

Hibru 13:23

Amu da ag ig lainig Timoti amu, ag nug maniguittakppanu uhuqeg doum daatte dooglagnu ool daatte. Nug ippa haen eleleppa uɗieb amu, i oh geha ag gumadɗa gokkunih.

2 Timoti 1:2

amu, da na Timoti, da nahipnu nai imu yaattem. Nahipnu amu da bekkalnab doyeye, ool ele mauhtte. Mame Kayak, amu Kristus Jesus, ihinig Naɗi ele, aa ahilah ehanittak okkai hamu mettak, amu ahilah oo gai-iitta doya oo metta ehanittak kobol, amu ahilah maɗoɗ ele nahip-ppa daaglagnu ool daatte.

1 Timoti 6:20

O Timoti, Kayak Nug uɗat na mettom amu na atognona, dabmettanna he! Na nai Kayaknu doyakppanu ii bette, amu doyak hambuppuak, doyak amunu amu wanppan danab ag, “Doyak genab,” atteb amge anam iitta, nai amu ele amu, na keeke aɗit amu aib dim lamidme.

1 Timoti 6:11

Amge na Kayaknu danab, na keeke amu oh dimettan, awaidna daye! Na genab tutukku hak kobol, kobol Kayak Nug amunu oo hette, ooppa genab doyak kobol, nug oo mauhak kobol, ɠagattag dayaya uug oh mawaknu kobol, oo bodoettak kobol ele aɗan oiye!

1 Timoti 1:2

Amu da na Timoti, na Jesusnu ooppa genab doyakppa da bekkalnab daattem, da nahipnu uɗug imu iikku yaattem. Mame Kayak, amu Kristus Jesus, ihinig Naɗi, Nug ele, ahilah ehanittak okkai hamu mettak, amu ahilah oo gai-iitta doya oo metta ehanittak kobol, amu ahilah maɗoɗ ele nahip-ppa daaglagnu ool daatte.

2 Tesalonaika 1:1

Pol, Silas, Timoti ele ig nai imu Tesalonaika tamaniak ahilagnu iikku yaattem. Ag ig Mamenig Kayak, amu ihinig Naɗi Jesus Kristus ele dilah danab ah daatteb.

1 Tesalonaika 3:6

Amge Timoti ag uuatta aha, eɗua uɗia, geha iikku gumikka ba, Nug ahilag ooppa genab doyaknu, layagnu oo mauhak kobol hettebnu ele, ag amu ohnu ena, elele hetteb mattie doomuɗ. Laa ele, ag haen oh ihinignu dabmenana, oolagppa ihinignu ena doonna daattebnu, ig ag anadkkunignu oonig okkainab daatte, amubia ag ig anigkkulagnu oolag okkainab daatte, amunu ele mattie doomuɗ

1 Tesalonaika 3:2

Timoti, nug ig lainig, nug am Kayaknu maɗi nid, Jesus Kristusnu Nai Ena mehuqaknu danab ele amu, ig nug ag ɠagattag aqakkunu, ahilag ooppa genab doyak ele ehanidkkunu, am laala ag uug naɗi mawak haen imuppa ag oolag meppeg ta, meppeg nemanu ele nug meuɗ ukkom. Ag tutukku dootteb, Kayak Nug ig Kristen ig oh uug amubia maognignu tituanikkom.

1 Tesalonaika 1:1

Da Pol, Silas, Timoti ele ig nai imu Tesalonaika tamaniak, ag Mame Kayak, am ihinig Naɗi Jesus Kristus ele ouqak daatteb amu, ig ahilagnu iikku yaattem. Kayaknu ehanittak okkai hamu mettak, amu nuhig maɗoɗ ele ahilagppa daaglahnu oonig daatte.

Kolosi 1:1

Da Pol, da Kristus Jesusnu totol danab. Kayak Nug da Jesusnu totol danab daakkulnu da onilppa eum amu, da amu ig lainig Timoti ele,

Pilipai 1:1

Da Pol, amu Timoti ele, i oh am Kristus Jesusnu maɗi nid, i uɗug imu Kayaknu danab ah oppiaawak ele oh Jesus Kristusnu daan Pilipai daatteb, amu ahilkad gumak ikki danab, amu ahilkad toliak danab oh ele, ahilagnu yaattep.

2 Korint 1:19

Aɗinu? Silas, Timoti amu da ele ig ag oolagppa nai mehuqmut amu, nai amuam Kayak Bekka, Jesus Kristusnu nai. Amu Kristus Nug “ao” amu “iitta” ele ii ouaqatom. Iitta. Kristus Nug aɗi atte am genabib atte.

2 Korint 1:1

Da Pol amu, Kayak Nug nukka da totol danab meiɗe, da Kristus Jesusnu totol danab daattem. Da ig lainig Timoti ele i ad uɗug imu yaattep, amu i ag danab ah Kayaknu Kristen tamaniak Korint daatteb, ahilagnu amu Kayaknu danab ah oppiaawak ele oh prowins Akaia appa daatteb, amu oh dilagnu ele yaattep.

Aposel 19:22

Nug anam awowa, nug danab aɗit nug ehanidpiɗ ele maate, Makedonia gopiɗ. Aa am Timoti, Erastus ele. Pol nukka Asia prowinsppa, appa nakok dayom.

Aposel 18:5

Am Pol nug anam heehe, dimppa Silas, Timoti ele aa ahai, Makedonia uuya neeh, Pol nug uɗat laa heum amu uua, nug Kayak naiib deɗ oh mehuqom. Nug Juda danab amelagppa, “Jesus Nug am Kristus,” mattia aum.

Aposel 17:14

amu Kristen ag paha ahan, Pol aon meeg noa, yu ihippa gokkunu ugekke, Silas, Timoti ele, aa amu Beria daapiɗ.

Rom 9:3

Kayak Nug da lailad, ag am da ele tiinig laippu, Nug ag eɗua diikkunu ool okkai daatte amunu, ib laa elele daalo, ib amuam da eheɗ laa awaknu anak waappa daalom, Kristus da geɗileb, da laih wain padal melom, ib amuppa da Israel danab ah ag Kayak noobppa ena daaglagnu ehanadkkulnu elele daalom amu, da anam helom. Amge ib anam bia laa iitta.