Rom 16:20 - Nobonob Baibel

²⁰ Haen elab iitta Kayak, Nug am maɗoɗ diig amu, Nug geha Satan tappeb na, ag baelag waappa daakku. Naɗi Jesusnu ehanittak okkai hamu mettak ahilagppa dayaɗ!

Rom 16:20 Referans Kwoze

Luk 10:19

Amu doyeg! Da ag ɠagattag mattai, ag mat, apiap ele tappadna, kekeɗnu ɠagattag amu oh eɗadkkulagnu elele daatteb. Keeke laippu laa heeb, ag ii nauhmana.

1 Jon 3:8

Satan nug digmakppanu uɗie, gemu ele hipunin hette amunu, aun nug hipuninppa oitte amu, nug Satannu danab daatte. Kayak Bekka Nug Satannu hak nau amu heeb nauhkkunu miag atia beum.

Genesis 3:15

Amu da heppi, na ah ele gamalahppa hanhan kekeɗ daakku. Ele amu, ah buɗub, amu na buɗun ele gamagppa kekeɗ daakku. Amu ah buɗub laa aha, na ikkin tappeb toɗeb, na danab amu baeg bittub heppe hinqekku,” awa aum.

Malakai 4:3

Da amu oh heppi bekku, deɗ amuppa ag nau hak danab eɗadkkulag. Ag eɗadkkulag amunu, kekeɗ ag aab uhuɗ bia, ag baelkad waappa daappeg, ag qaɗelagppa tappan gokkulag.” Yawe Nukka Ɠagattag Oh ele Nug anam awa atte.

Sekaraia 10:5

⌊Juda⌋ ag ban danab ɠagattag, banppa ban ɠagattag hetteb bia daaglag. Ao, ag danab, ag ahilkad kekeɗ eheɗ eɗadtteb bia hekkulag. Aɗinu? Yawe Nug ag ele daatteb. Ge, ⌊Yawe ag ele daatteb, amunu⌋ ag ban ɠagattag hena, ag kekeɗ hosppa ban hetteb ele eɗadkkulag.

Revelesen 12:10

Buɗiatteg noeg amu, da hab aab appa baag oqotti okkai laa inam aawo doomi. “Gemu ihinig Kayak Nug he, nuhig Padal ii maknu ehanittak kobol, nuhig ɠagattag, nuhig ɗo maɗoɗ, amu laa Nug tituanom, am Kristus, Nug okkai daakkunu ehah ele miag atieg ippunikkom. Aɗinu? Laa nug ig lainkad amun tuqan ele Kayak noobppa hettoɗiakppa maadttom ele amu, hab daup ag aakku nug maoeg wanppa noum.

Rom 15:33

Kayak, Nug am maɗoɗ diig, Nug ag oh ele daaglagnu ool daatte. Genab.

Revelesen 22:21

Naɗi Jesus Kristusnu ehanittak okkai hamu mettak, ag Kayaknu danab oh, ahilagppa dayaɗ! Genab.

1 Tesalonaika 5:28

Ihinig Naɗi Jesus Kristusnu ehanittak okkai hamu mettak ahilagppa dayaɗ!

2 Tesalonaika 3:18

Naɗi Jesus Kristusnu ehanittak okkai hamu mettak, ag oh ahilagppa dayaɗ!

2 Korint 13:14

Naɗi Jesus Kristusnu ehanittak okkai, Nug ig hamu megatte, Kayaknu oo mauhak, nuhig Ouɗi ele oo laippu dayak ele, keeke amu oh, ag oh ahilagppa daaglagnu ool daatte.

Rom 8:37

Amge keeke amu oh ig eɗigkkulagnu am elele iitta. Iitta. Kristus Nug haen oh ihinignu oo mauhtte amunu, ig kobol nau amu oh eɗadta autta aotta aottem.

Pilemon 1:25

Naɗi Jesus Kristusnu ehanittak okkai hamu mettak nahip-ppa dayaɗ!

Pilipai 4:23

Naɗi Jesus Kristusnu ehanittak okkai hamu mettak ahilagppa dayaɗ!

Galesia 6:18

O lailad, ihinig Naɗi Jesus Kristusnu ehanittak okkai hamu mettak ahilagppa dayaɗ! Genab!

1 Korint 16:23

Naɗi Jesusnu ehanittak okkai hamu megatte ele amu ahilagppa dayaɗ!

Job 40:12

Genab, na dada danab ohnab neekkadna anadna heppe, ag danab nukka onig qe ne oitte bia dayeg! Ao, na nau hak danab oh ag daattebppa oɗoɗadppe, ag nauheg!

2 Timoti 4:22

Naɗi Nug, amu nuhig ehanittak okkai hamu mettak ele nahip-ppa dayeɗ!

Aisaia 63:3

Amu laa nug uɗitte amu, nug nob ma atte. “Da danab nug nukka grep meu tappa leppu awaknu abenppa grep meu tabatte bia, da dakka kekeɗ ele ban hemut. Wan atu ohppanu laa nug da ehaniɗkkunu laa ii dayom. Laa ehaniɗkkunu iitta amunu, da dakka hemi. Da ool nauhehe, da kekeɗ tappaladmi. Ao, da oppoɗil beebe, da tappalatti neppig. Da anam heiyi, ag tiilag lamen dahilppa ta, qataqeum. Dahil lamen oh am tiig amu laittak ele.

Rom 16:23

Amu Gaius, da nug laugppa daaiyi, nug da atognoiɗtte, Kristen tamaniak nug laugppa ele qagmetteb amu, nug ele ag humadtte. Amu Erastus, nug am aab imunu men doɗo gumak danab, amu ig lainig Kwartus ele, aa ele ag humadttep.

Matyu 4:10

Awa a amu, Jesus Nug Satan amegppa aum. “Satan, na qe me! Kayak naippa yaak inam daatte. ‘Na Naɗi, nahip Kayak, na Nug noobppa dup nona binag me! Na Nugib waappa daanna, Nug oɗe dim lamitte!’ ” awa aum.

Rom 16:24

((Ihinig Naɗi Jesus Kristus, nuhig ehanittak okkai hamu mettak amu ahilagppa dayaɗ! Genab.))