Rom 16:15 - Nobonob Baibel

¹⁵ Ag humittak dahil Pilologus, Julia, Nereus, ah laa, nug Nereus ele aa am eappinag, amu Olimpas ele, amu Kayaknu danab ah oppiaawak ele oh ag ele daatteb, amu oh ele matteg!

Rom 16:15 Referans Kwoze

Rom 16:2

Nug ag ele oh ag Jesusnu oolagppa genab dootteb amunu, ig Kayaknu danab ah oppiaawak ele, ig laa nug bia ehanidkkunignu doottem, amubia ag nug aon ehanidkkulagnu oɗ madattem. Nug keeke laanu oo uug dayeb, ag ehanitteg! Aɗinu? Nug danab kuɗum laa ehanattom, da ele ehaniɗom amunu, nug ag anam ehanidkkulagnu elele daatte.

Rom 1:7

Amu da Pol, da ag Rom danab, Kayak ahilagnu oo mauhe, ag nuhikkud danab ah oppiaawak ele daaglagnu onilagppa eum ele amu, da ahilagnu yaattem. Kayak, ig Mamenig, amu ihinig Naɗi Jesus Kristus ele, ahilah ehanittak okkai hamu mettak, amu ahilah maɗoɗ ele ahilagppa daaglahnu ool daatte.

1 Pita 1:2

Ag Jesus Kristus oɗe dim lamidkkulagnu, Jesus tiigppa oppiak bena daaglagnu amu, Kayak, ig Mamenig, Nug anukka ag doyattom, amu amuppa Nug, ag nuhikkud danab ah daaglagnu tituanatte, nuhig Ouɗi he, ag oppiaawak daatteb. Ag amu, Kayaknu ehanittak okkai hamu mettak, amu nuhig maɗoɗ ele ahilagppa naɗi daaglahnu ool daatte.

Epesus 1:1

Da Pol, da Kristus Jesusnu totol danab daakkulnu Kayak Nug da tituaniɗom amu, da Epesus danab ah ag Kayaknu danab ah oppiaawak ele, ag Jesus Kristusnu daaglagnu oo metta ii uuak kobol dim lamidtteb ele, da ahilagnu iikku yaattem.

Rom 16:14

Amu ag humittak dahil Asinkritus, Plegon, Hermes, Patrobas, Hermas amu ag lailkad ag ele oh daatteb amu, ag ele humittak dahil matteg!

Aisaia 60:21

Ag Juda danab ah oh ag genab tutukku hak kobolib dim lamidnana, ag ahilag wan aon, amuppa hanhan daaglag. Laa ag ahilag wan baula ii gumamna. Danab nug ee eppe, qaɗu ba okkai me, nuhig daatte, amubia ag Juda ag dahil daaglag. Danab keeke eppegppa he, nuhig daatte, amubia ag dahil daaglag. Da danab ah laa oh ag dahil binag amahlak oppiaawak ele anidkkulagnu da hak anam hekkul.

Matyu 5:47

Ag lailkadib humadnana, ag danab laala kobol aɗippa ag eɗadtteb? Iitta aɗi danab ag ele amu iite hetteb?

Aposel 9:13

Naɗi Nug Ananias amegppa anam aum amu Ananias nug eɗua inam aum. “Naɗi, danab kuɗum ag danab amunu aeg doomi. Nug kobol ena iitta haaha, nahipad danab ah oppiaawak ele Jerusalem daatteb ele eheɗ hattom.