Rom 16:10 - Nobonob Baibel

¹⁰ Amu ag humittak dahil Apeles metteg! Nug Kristusnu daatte. Dayaya amu, nug ma anttak awa, elele ha, amuppa nug am onig ele. Amu ag humittak dahil danab Aristobulus laugppanu ele matteg!

Rom 16:10 Referans Kwoze

Rom 14:18

Danab laa nug ib amuppa Kristus waappa daya nuhig uɗat hette ele, geha Kayak Nug nuhignu ena dookku; danab ag ele nuhignu am danab ena dooglag.

1 Pita 1:7

Uug betteb amu, ag diig imunu betteb. Ag beppeg, ahilag ooppa genab doyak am ena, ɠagattag daattete o iittate, amu anttaknu aakku betteb. Gol am nauhkkunu keeke, amge danab ag gol babaitta epeɗia awak daakkunu uɗat hetteb, amubia Kristen danab, ag ahilag ooppa genab doyak, nug nauhkkunu keeke iitta, gol eɗittak, enanag, amu epeɗidkkunu uug amu ag betteb. Ooppa genab doyak ahilag nug ɠagattag daakku, amu dimppa, Jesus Kristus eɗua uɗikku haenppa, ag binag amahlak oppiaawak ele, onig okkai, amu binag ele aoglag.

Duteronomi 8:2

Yawe, ahilag Kayak, Nug maɗ 40 oh anuqa omalattette, atu taɗakppa oippig amu daulagppa dayaɗ! Nug ag onilag qeeb nekkunu, ag ma anttak mettak ele aoglagnu, Nug amu heum. Nug ma anttak mettak digdig ag diilag miag atikkunu matta, nug ag genabte haknunab anak nuhig am tutukku dim lamidkkulagtai, o iittatai amu anidkkunu heum.

1 Timoti 3:10

Amge tatam ahilag uɗat enatai o nautai amu atognona anidna, elele anidppeg amu ag tamaniaknu toliak danab dayeg!

Pilipai 2:22

Amge ag dootteb, Timoti nug am danab enanag. Nug am nid mameg ele uɗat hettep, amubia nug da ele Nai Ena mehuqak uɗat heuɗ ukkom.

2 Korint 8:22

Aria, ig am ig lainig laa ele meut, nug aa ele oh gotteb. Ig haen kuɗum uɗat digdigppa ig nuhig hak meta anidmut, am nug uɗat amu hekkunu nug elele ɠagattag heum. Gemu nug ag Korint daatteb amu, ag aɗi hekkulagnu appig amu ag hekkulagnunab daatteb dootte amunu, nug am uɗat amu hekkunu elelenab dootte.

2 Korint 2:9

Da ad uɗug anukka yaami amu, da ahilag kobol attemunab, da ag amelagppa nai keeke ohnu ain ippunadttem amu, ag nai amu dim lamidttebte o iittate, amu da dookkulnu yaami.

1 Korint 11:19

Aɗinu? Ag enanag ii hetteb amunu, obatak amubia genab bekku, amge amuppa Kayak Nug heeb, ag oolagppa danab aun aɗi ag tutukku daatteb ele amu, ag miag atiglag.

2 Timoti 4:19

Na Prisila, Akwila amu Onesiporus baekkudppa ele humittak dahil imu appe doyeg!

Rom 8:11

Kayak Nug he, Jesus eɗua hibaittom ele, Nug nuhig Ouɗi ag oolagppa daatte dayeb, Kayak he, Kristus eɗua hibaittom ele, Nug geha ag beɗulag mauhtteb ele am bauklel, Ouɗi nuhig, ag oolagppa daatte ele, nuhigppa ag madakku.

Rom 16:3

Amu ag humittak dahil Prisila, Akwila ele mateg! Aa da ele, ig oh Kristus Jesusnu daatta, nuhig uɗatnu kadoi laippu daattem.

Rom 16:7

Amu ag humittak dahil Andronikus, Junias ele mateg! Aa am da ele ig oh Juda danab amu, ig haen laippu oh maniguittakppa daamut. Totol danab ag danab aɗit amu, ag ahilahnu ena elele doyak okkai dootteb. Da Jesusnu ooppa genab doyak danab ii bein daaiyi, aa tatam Kristusnu daapiɗ.

2 Korint 5:17

Amunu aun nug Kristusnu daatte, nug am danab bau. Anukka dayom amubia am iitta. Nuhigppa keeke oh am bau daatte.

2 Korint 12:2

Da danab laa nug Kristusnu daatte amu, da nug doottem. Anukka maɗ 14 ii ugekke, Kayak Nug nug awe, attan ukka, hab ewamppa teum. Nug beɗuppa dayaya teumte o iitta nug ouɗi aakkuib teum amu, da ii doottem. Kayak Nugib dootte.

Galesia 1:22

amge Juda Kristen tamaniak, ag Kristusnu daatteb amu, ag da ii dooiɗppig.