Rom 15:33 - Nobonob Baibel

³³ Kayak, Nug am maɗoɗ diig, Nug ag oh ele daaglagnu ool daatte. Genab.

Rom 15:33 Referans Kwoze

2 Korint 13:11

O lailad, da gemu nai bagqein, da ag humadttem. Ag tutukku elelenab bena daaglagnu dabmak aon oiyeg! Ag da nai attem imu doona, ag dabmak laippu aɗan, oolag laippu mena, maɗoɗ dayeg! Ag anam heppeg amu Kayak, Nug oo mauhak diig, oo maɗoɗ diig ele daatte, Nug ag ele oh daaglag.

Pilipai 4:9

Amu kobol oh da ag ippuanatti aoppig amu, kobol oh dahilppa ag anidna dooppig ele amu, ag hanhan heig! Ag anam heppeg amu Kayak, Nug am maɗoɗnu diig, Nug ag ele daaglag.

1 Tesalonaika 5:23

Kayak, Nug aakkuib am oo maɗoɗ diig, Nug nukkaib heeb, ag beɗulag dimittim, oolagppa ele oppiaawak daaglagnu ool daatte. Nugib ag ouɗilag, dottolag, amu beɗulag ele atognobob, ihinig Naɗi Jesus Kristus eɗua uɗikku haenppa ag oolagppa kaliak laa iitta ele daaglagnu, ig Kayak unuqidttem.

Hibru 13:20

Aria Kayak, Nug am maɗoɗ diig daatte amu, Nug he, ihinig Naɗi Jesus Nug mauhak oolagppanu eɗua hibaittom. Jesus tiig ne mauhom, amu Kayak Nug Jesus tiigppa nug tituana nai qakkak bau hanhannu ɠagattag qettom. Amu Kayak Nug heeb, keeke ena oh ag nuhig dabmak dim lamidkkulagnu elele daaglagnu ahilagppa dayeb, Nug ig oonigppa aɗi hekkunu oo daatte amu hekkunu ool daatte. Jesus Nug am sipsip gumak danab bia ihinig gumikkak danab anuqak okkai daatte. Binag amahlak oppiaawak ele hanhan alet ele nuhigppa dayaɗ! Genab!

2 Tesalonaika 3:16

Naɗi Nug maɗoɗ kobolnu diig, Nug nukka ag hanhan, keeke ohppa, maɗoɗ madakkunu oonig daatte. Naɗi Nug ag oh ele dayeg!.

Rom 16:20

Haen elab iitta Kayak, Nug am maɗoɗ diig amu, Nug geha Satan tappeb na, ag baelag waappa daakku. Naɗi Jesusnu ehanittak okkai hamu mettak ahilagppa dayaɗ!

2 Korint 13:14

Naɗi Jesus Kristusnu ehanittak okkai, Nug ig hamu megatte, Kayaknu oo mauhak, nuhig Ouɗi ele oo laippu dayak ele, keeke amu oh, ag oh ahilagppa daaglagnu ool daatte.

1 Korint 14:33

Aɗinu? Kayak Nug mauhnoak dayak ii he bette. Iitta. Nug he, oo laippu, maɗoɗ ele dayak bette. Kristen tamaniak qagmak ohppa

2 Timoti 4:22

Naɗi Nug, amu nuhig ehanittak okkai hamu mettak ele nahip-ppa dayeɗ!

Rom 16:23

Amu Gaius, da nug laugppa daaiyi, nug da atognoiɗtte, Kristen tamaniak nug laugppa ele qagmetteb amu, nug ele ag humadtte. Amu Erastus, nug am aab imunu men doɗo gumak danab, amu ig lainig Kwartus ele, aa ele ag humadttep.

Matyu 28:20

Ag keeke oh da ag amelagppa haknunab ami amu, ag amu oh ele ippuanatteg! Ag doyeg! Da haen oh ag ele daapput ukkeb, gog tak haenppa batakku,” awa aum.

Matyu 1:23

“Doyeg! Ah makkun laa nug oo ele daya, geha nug nid danab menukku. Menueb, ag nid onig Imanuel ataɗkkulag.” Onig amu diig am, “Kayak ig ele daattem.”

Rut 2:4

Rut nug bali agekke, haen ukke amu, Boas nug Betlehem appanu aha, datta uɗia, maɗi nid humatta, ag amelagppa aum. “Yawe Nug ag ele daaglagnu ool daatte,” awa aum. A amu, ag eɗun appig. “Yawe Nug na ele itidkkunu oonig daatte,” aon appig

Epesus 6:23

Mame Kayak, Naɗi Jesus Kristus ele aa maɗoɗ, oo mauhak, amu ooppa genab doyak ele Kristen tamaniak danab ah oh madapeɗ daaglagnu ool daatte.