Rom 15:14 - Nobonob Baibel

¹⁴ O lailad, da dakka da ag haen oh kobol ena hetteb, ag dabmak ena okkainab aoppig, amu ag akka akka nug ippunittak hekkulagnu, da amu ohnu oolppa genab doottem.

Rom 15:14 Referans Kwoze

2 Pita 1:12

Ag keeke amu oh dootteb, doyak diig genabib ele aoppig amu, ag amuppa ɠagattag hippaidna daatteb, amge da amu ohnu hanhan dabmak ahilag maɗedakkulnu hettem.

1 Jon 2:21

Ag doyak diig genabib ii dooppig amunute da imu yaattem? Iitta! Ag doyak diig genabib amu dootteb amunu, da ahilagnu yaattem. Amu ag ele dootteb, nai hambuppuak laa doyak diig genabibppa ii daatte.

1 Korint 8:1

Aria, dimittimnu danab, ag Jesusnu oolagppa genab ii dootteb ele, ag doɗ main kayak hambuppuak dottolkad madatteb amu, ig Kristen ig teppu amu lakkunigtai, o iittatai, imu am amunu nai. Ig doottem, ig oh am keeke amunu doyak ele, amge doyak ⌊nukka dayeye, oo mauhak ulum ii medatte dayeb,⌋ doyak am heeb, danab nug doyak ele dada danab bette. Amge layagnu oo mauhak kobol am danab oo ɠagattag qedatte.

1 Tesalonaika 5:11

Anam amunu, ag gemu hetteb amu, ag tuɗidna, anamib henana, akka akka nug ehanidna, nug oo ɠagattag qettak ele heig!

Kolosi 3:16

Kristusnu nai enanag meu ele ag oolagppa daakkuoitte! Ag akka akka doyak dabmak ena eleppa nug ippunidnana, nug ehanittak ele heig! Ag oolagppa Kayak amegppa, “Ena hen mekkame” anana, ag sam, mettidnu ahi, amu Kayak binag maknu ahi ele etteg!

1 Korint 8:10

Aɗinu? Na aun na doɗ teppu laa, danab ag teppu amu main kayak hambuppuak dottolkad madappig ele, na Kayak Nug na teppu amu lakkutnu am nau ii dootte, na doyak amu aon malame amu, na gona, kayak hambuppuaknu mettid lakka daana, ee amu lakkut dayeb, geha danab laa, nuhig ooppan oiyak ippunittaknu ulum am gai-iitta ele, nug na anidkku dayeb, doɗ teppu main, kayak hambuppuak dottolkad madappig ele, nug amu lakkunu dabmak awa lakku.

1 Korint 8:7

Keeke amu anam daatte, amge danab laala ag doyak amu ii aoppig. Ag am anukka kayak hambuppuak dottolkad binalag hanhan madappig, amuppa ag gemu doɗ teppu amu lanaknu amu, ag, “Ig kayak hambuppuak binag mematanu, ig doɗ teppu imu, ag main kayak hambuppuak dottog medappig ele amu, ig ii lamata,” aon atteb. Laa anam dabmetteb, ag oolagppan oiyak ippunittaknu ulum am gai-iitta, aɗi am ena, aɗi am nau elelenab ii ippunadtte amunu, ag lalob amu, ag, “Ig eheɗ hettem,” doolob.

1 Korint 1:5

⌊Amu da Kayak amegppa imunu ele, “Ena heme,” awe attem.⌋ Kristusnu nai ag dooppig ele ahilagppa ɠagattag eppe, Kayak Nug Kristus Jesus, nuhigppa he, ag Kayaknu ɗo maɗoɗppa uɗat oh hekkulagnu elelenab daatteb; amuam ahilag nai mattiakppa, ahilag doyakppa ele.

Pilemon 1:21

Da imu am genab daatte doottem; na geha da nai yaami imu oh na hekkut amunu, da uɗugppa nai imu aakku yaami. Amge da doottem, na gemu kobol hekkutnu, da na amenppa attem ele imu amu, na amuib ii hemana. Iitta. Na amu eɗittak, enanagnab hekkut.

1 Tesalonaika 5:14

O lainkad, ig nai baula tuɗidta, ahilkad dabmak maɗettagnignu ag amelagppa iikku attem. Danab ag bahi yaak doonna, hamu uɗat iitta oitteb ele amu, ag nau aomnanu nai ag amelagppa aig! Laa oo baɗak dootteb amu, ag ɠagattag aqeg! Ag laa ag ɠagattag iitta amu, ag ehanatteg! Danab oh dilagnu amu, ag dagom kobol dim lamidna oiyeg!

Hibru 6:9

O lailad, genab gemu ig nai uug ele ag dooglagnu madittem, amge ig genab doottem, ag padal mak anam bia ii aomna. Iitta! Kayak Nug eɗua diiom amuppa ag ehanittak aotteb.

Hibru 5:12

Ag ippunittak danab bena daaglagnu haen elelenab dayom amge iitta, ag doyak ahilag qakub amunu, laa nug ag Kayak nainu diig eɗua ippuanatteb aoglagnu daatteb. Ag am ee ɠagattag lakkulagnu elele iitta, ag huhib lanana daaglagnu elele.

2 Timoti 1:5

Nahip ooppa genab doyak am ooppa genab doyak genab da daulppa daatte. Danab laa amelagnuib iitta. Ooppa genab doyak amuam tatam na alan Lois, nuhigppa daye, na anin Yunis, nuhigppa ele dayom. Amu ooppa genab doyak amu nahip-ppa ele daatte amu, da oolppa genab doottem.

Pilipai 1:11

Oo mauhak kobol ahilag am okkai dayebeb, haen ag wan imuppa oitteb ele, genab tutukku hak kobolppan meu, Jesus Kristus he betteb ele amu, meu amu oh ahilagppa naɗi daaglag. Amuppa ag Kayak Nug binag amahlak oppiaawak ele okkai medappeg, Nug binag naɗi ele daakku.

Pilipai 1:7

Amu haen laa da maniguittakppa dayeye, haen laa da dimittim dayeye, da danab laala Jesusnu nai tabappeg nekkunu hetteb amu, nuhig nai nemanu da wagai mein, da ele nuhig nai ɠagattag qedette, Jesusnu Nai Ena ele madittem, haen amu oh amu da ag ele, ig oh Kayaknu ehanittak okkai hamu megatte ele amu aomut amunu, da oolppa ahilagnu enanag doottem am kobol ena; kobol tutukku.

1 Korint 13:2

Amu da propet nai madikkulnu, Kayaknu dabmak lokkumak oh amu doyak oh ele dookkulnu elele daattem dayeb, dahil ooppa genab doyak ɠagattag daakku dayeb, amuppa da qauko heppi, laih wakkunu ele hekkulnu elele daattem dayeb, amge da laa dilagnu oo mauhak ii doottem dayeb amu, da keeke hamu bia daattem.

1 Korint 12:8

Kayak Ouɗi Nug danab laa dabmak ena laa ippunadkkunu ehah medatta, Kayak Ouɗi laippu amu, Nugib danab laa nug Kayaknu nai mehuqeb, danab ah tutukku dooglagnu ehah medatte.

2 Korint 8:7

Amge keeke ohppa, amuam ahilag ooppa genab doyakppa, Kayak nai mehuqakppa, ahilag doyakppa, Kayaknu uɗat pehettaknab hakppa, amu ihinignu oo mauhak kobol ahilagppa ele, ag kobol eleleib hetteb, amubia gemu ag danab ehanittak uɗat ena imu ele enaib heig!

2 Tesalonaika 1:11

Ig amunu dabmetata, ig haen oh Kayak ahilagnu unuqidttem. Ig Kayak, Nug ag onilagppa eum amu, ig Nug ag ehanatteb, ag nuhig ewak baag amu elele dim lamidkkulagnu Nug unuqidttem. Laa ele Kayak Nug ag ɠagattag matteb, ag kobol ena oh hekkulagnu hetteb ele amu henana, ag uɗat oh Kristusnu oolagppa genab doon hetteb, amu ele genab hekkulagnu ig unuqidttem.