Rom 15:13 - Nobonob Baibel

¹³ Amu Kayak Ouɗinu ɠagattagppa ag butti aɗi hab aabnu keeke aoglagnu dabmak aɗan daan autna aoglagnu, da ag Kayak, Nug am aɗi keeke oh ena bekkunu dabmak aɗa dayaknu diig, ag nuhignu oolagppa genab doobppeg, Nug heeb, ag oolagppa maɗoɗppan gamag ahak okkai, amu maɗoɗ ele naɗi daaglahnu ool daatte.

Rom 15:13 Referans Kwoze

Rom 12:12

Amu ag Naɗi ehanadkkunu dabmak aɗan daanna, ag maɗoɗppan gamag ahak doyeg! Uug laa ahilagppa uɗieb amu, ag ɠagattag dayeg! Amu ag hanhan unuqitteg!

2 Korint 9:8

Amu ag haen oh bau daaglagnu keeke ohppa eleleib daanna, ag keeke kuɗumppa uɗat ena oh hekkulagnu, Kayak Nug heeb, ehanittak okkai hamu mettak oh ag tuɗitta tonadkkunu elele.

Rom 14:17

Aɗinu? Ee lanak amu le lanaknu kobol ele aa Kayaknu ɗo maɗoɗnu diig iitta. Kayaknu ɗo maɗoɗ diig am genab tutukku hak kobol, maɗoɗ kobol, amu maɗoɗppan gamag ahak kobol ele. Keeke amu oh am Kayak Ouɗi Nug he bette.

Galesia 5:22

Beɗunu kobol am aakku, amge Kayak Ouɗi Nug he, oiyak ihinigppa meu laala imu bette. Oo mauhak kobol, maɗoɗppan gamag ahak kobol, maɗoɗ dayak kobol, dagom kobol, oo bodoettak kobol, ena hak kobol, oo metta ii uuak kobol,

Rom 15:5

Amu ag oolag laippu daanna, oɗelag oh ob, ag Kayak, Nug am ihinig Naɗi Jesus Kristus Mameg, Nug binag mekkulagnu, ig Kayak, Nug am oo maɗoɗ ele dayak amu ɠagattag dayak elenu diig amu, Nug ag ehanatteb, ag Kristus Jesus dim lamidnana, ag dabmak laippu aɗan oiglagnu oonig daatte.

Jon 14:1

Amu Jesus nai tuɗitta aum. “Ag oolag uug aib dayom. Ag Kayaknu oolagppa genab doona, ag dahilnu ele oolagppa genab doyeg!

Jon 14:27

Da maɗoɗ awe ii gopa. Iitta! Da maɗoɗ ag madattem. Ge, da dahil maɗoɗ ag madattem. Wan imuppan maɗoɗ am laa, da amubia ii madattem amunu, ag oolag uug aib qeum. Ag aib baɗappig.

Aisaia 55:12

Anam amunu, ag diia ukka laih me dayak danab ah, ag Babilon uuna, ag oo gamag ahak okkai doon gokkulag. Ag maɗoɗ ele gokkulag. Ag gonana, ag qauko okkai, qauko nakok ele dilagnu, “Ag ahi ettaegeg gottem,” dooglag. Ag gonana, ag adnu, “Ag oo gamag ahak doon, eppelag tap qeegeg gottem,” dooglag.

1 Pita 1:8

Ag Nug ii anidppig, amge ag nuhignu oolag mauhtte. Ag gemu ele Nug ii anidtteb, amge ag nuhignu oolagppa genab dootteb. Ag anam doona, ag ooppa genab doyak ahilkadnu gogppa tak, amuam Kayak eɗua diiadtte, ag amu aotteb amu, ag amu doonna, ag maɗoɗppan gamag ahak binag amahlak oppiaawak ele, danab aun nug amunu elele anaknu elele iitta, ag amu dootteb.

Hibru 6:11

Amu ag dimppa gogtak haenppa aɗi aɗi aoglagnu dabmak aɗan oitteb ele amu, ag amuib aoglagnu elele daaglagnu, ig ag maɗi ahilag gemu pehettak hetteb amu, ag anamib heppeg ukkeb, gogtak haenppa malaglagnu oonig daatte.

1 Timoti 1:1

Da Pol, da Kayak, eɗua awikkak ihinig daatte amu, Nug Bekka Jesus, nuhig ehanittakppa ig ena daagnignu dabmak aɗat ameg mettem amu, da haknunab anak ahilahppa Kristus Jesusnu totol danab daattem.

Epesus 1:2

Am ig Mamenig Kayak, amu Naɗi Jesus Kristus ele, ahilah ehanittak okkai hamu mettak, amu ahilah maɗoɗ ele ahilagppa daaglahnu ool daatte.

Joel 3:16

Yawe Nug Sion appa dayaya, Nug laion huana gaatte, amubia Nug nai baag okkai ele madikku. Ao, Nug Jerusalem appa dayaya, Nug nai baag okkai ele, hakkaɗ oqotti otte, amubia nai madikku. Nug nai mattiebeb, hab, wan ele uɗalkkulah, amge Yawe Nug nuhikkud danab ah dilag padal mak eɗitteb ena dayaknu aben bia daakku. Ao, Nug nuhikkud danab ah dilag ban haknu aben ɠagattag bia daakku.

1 Tesalonaika 1:5

Aɗinu? Nai Ena ig ahilagppa aot gomut ele, ig nai aakkuib aot ii gomut. Iitta. Ig Kayaknu ɠagattagppa uɗat heut, Kayak Ouɗi ele Nug he, ag oolagppa genab doona, Kayak ag eɗua diiom ele genab dooppig. Ig ele ag ehanadkkunignu ag oolagppa attem bia oiutut, ag anigna dooppig.

Jeremaia 14:8

O Yawe, naib ig Israel ehanigkkutnu elele. Uug nau haenppa naib na ihinig Padal ii maknu ehanittak daattem. Anam amunu, na aab diig danab iitta bia daattemnu, o na danab laih gokkunu oiyaya, tuqan laippu ɗo danab wan laappa dayaya, buttua aha gotte, na amubia daattemnu,

1 Korint 2:4

Da nai mattimi, da Nai Ena ele ag amelagppa mehuqmi, amge da wanppan doyak dabmak ena ele, dahil ɠagattagppa da ag amelagppa ii mehuqmi. Iitta. Da Kayak Ouɗi ahilagppa uɗat heeb anidkkulagnu, ib amuppa da nai mehuqen ippuanatti, Nug anam heum.

1 Samuel 1:18

Eli nug Hana amegppa anam a amu, Hana nug enanag doya, amegppa aum. “O naɗi dahil, na dahilnu ena doome amu, da amunu enanag doottem,” awa aum. Hana nug anam awowa, nug aha ukka, ee laa laum; nug baula oo uug ele ii dayom, nug iɗu ii tiguguɗom.

Rom 15:19

Ele amu, iitta aɗi ag Kayak dabmettaknu kobol danab haknu elele iitta okkai okkai, amu kobol danab haknu elele iitta digdig ele Kayak Ouɗinu ɠagattagppa da hei anidna, ag Kayak nai dim lamidppignu madikkul. Nug anam ehaniɗom amunu, da Jerusalem appa digmein, Kristusnu Nai Ena ohnab mehuqeqe, aben ohppa ele oii ukke ukke, Ilirikum aabppa batami.