Rom 14:8 - Nobonob Baibel

⁸ Amunu ig bau daattem dayeb, amuam Naɗinu keeke. O ig mauhkkunig dayeb, amuam Naɗinu keeke amunu, ig bau daagnigte, o iitta ig mauhkkunigte, ig am Naɗinuib daattem.

Rom 14:8 Referans Kwoze

Pilipai 1:20

Amu da keeke laa hekkulnu dabmak aɗe daattem, am keeke amu ele da genab hekkulnu maittak aomi daattem amu, amuam da uɗat, Kayak da hekkulnu meɗom amu, da uɗat amu eleleib hein maloya, da uɗat heminu uɗa nak laa ii doopa. Yo, da geha iikkunab, am haen oh ele, da aɗi hekkul amu, da ii baɗeɗe heinne, da amuppa Kristus Nug binag okkai medakkulnu ool naɗi daatte. Da bau daakkulte, iitta da mauhkkulte, amuam keeke okkai iitta, amge da beɗulppa keeke oh bekku ele amu, da keeke amu ohppa Kristus binag okkai medakkulnu ool daatte.

1 Tesalonaika 5:10

Nug ig ehanigkkunu mauhom amunu, ig bau daagnig o iitta ig mauhkkunig amu, ig Nug uɗikku amu, ig Nug ele bauklel haen oh daagnig.

1 Korint 15:23

Anam, amge amu oh anen anen, ahilag haenppa awaknu daatteb. Tatam Kristus Nug eɗua hibaittom, aria dimppa, haen Kristus Nug eɗua uɗikku, laa ag nuhigppa daatteb ele, ag geha eɗun hippaidkkulag.

Aposel 21:13

Ig anam amut, amge Pol nug aum. “Ag aɗinu anam gaan, aakku da oolppa guittak okkai meɗatteb? Da Naɗi Jesus onig attan ta daakkunu Jerusalem appa maniguittakppa daakkulnu am elele doottem, amge amu aakkuib iitta. Da Jerusalem appa, Naɗi Jesus Nug onig attan ta daakkunu mauhkkulnu ele elele doottem,” awa aum.

Revelesen 14:13

Aria, da baag laa hab aabppanu doomi amu nug inam aum. “Na nai inam ye! Danab aun aɗi ag Naɗi onignu oolagppa genab dootteb amunu gemu, butti aɗi ele laa heeg, ag mauhtteb ele amu, ag itittak ena aoppig daatteb,” awa aum. Aria, Kayak Ouɗi Nug ele atte. “Ag ahilag uɗatnu hik aoglag. Aɗinu? Ag ahilag hak ena heppig ele amu, amunu nai am ag ele gokkulag,” awa atte.

Pilipai 2:17

Ag Jesusnu oolagppa genab dootteb, diig amunu ag Kayak waappa daan, Nug oɗe dim lamidtteb. Anam amu, amuam ag doɗ manan Kayak medatteb bia. Aria, da am wain gokkaɗaknu ofa ahilag mana mettak amu qaɗeppa gokkaɗaknu bia daakkul dayeb amu, da maɗoɗppan gamag ahak doottem, amu da ag ele maɗoɗppan gamag ahak amu dooglagnu ool daatte.

Aposel 20:24

Amge da amunu ii dabmettem. Da beɗul bau daakkunu amu, da dabmak amu ɠagattag ii aɗattem. Iitta! Da ib Naɗi Jesus ippuniɗa, uɗat ele meɗom amu, da amuib tuɗitten oiyeye gog tekkulnu dabmettem; amuam Kayak Nug nuhig ehanittak okkai hamu megakka, eɗua awikkunu Nai Ena, nai amu mehuqppi danab ah dooglag.

Pilipai 2:30

Aɗinu? Nug Kristusnu uɗatppa mauhkkunu miagnab dayom, amge nug bau daakkunu am anuqak dab-ii-meum. Iitta. Nug ag da ehaniɗkkulagnu elele iitta daaeg doya, nug amu elele medakkunu am anuqaknu dabmak okkai awa, uɗat amu heum.

Aposel 13:36

Amunu ig doottem nai amuam Dawitnu iitta. Aɗinu? Dawit nug danab ah nug ele daappig, ag oolagppa Kayak oɗe dim lamittatta oiyaya, nug mauhe, mamekkud aɗi boumadppigppa boumeg, beɗu wan meum.

Jon 21:19

Jesus nai amu mattiom, amuppa Nug dimppa Pita nug ib attemunppa mauha, nug Kayak binag amahlak oppiaawak ele amuppa mekku, Nug amunu aum. Nai amu oh dimppa Jesus Nug, “Pita na da dim lamiɗe!” awa aum.

Luk 20:38

Kayak Nug danab mauhppig dilag Kayak ii daatte; Nug danab bau daatteb dilag Kayak daatte. Aɗinu? Kayak Nug nuhig dabmakppa danab oh bau daatteb,” awa aum.