Rom 14:23 - Nobonob Baibel

²³ Amge danab nug ee laanu, “Kayak Nug da ee imu lakkulnu aib atte doottem,” akku, me nug latte amu, nug aakku he, nuhig ooppan oiyak ippunittaknu ulum nug ooppa guittak medatte. Aɗinu? Nug Kayaknu neekkakppa keeke amu hekkunu am elele ooppa genab ii dootte. Amu aɗitai keeke danab nug Kayak nug amu hekkunu elele dootte ooppa genab ii dootte, nug hekku dayeb amu nug aakku hipunin hette.

Rom 14:23 Referans Kwoze

Hibru 11:6

Danab laa nug ooppa genab ii dootte ele amu, Kayak Nug nuhignu oo ena dookkunu elele iitta. Aɗinu? Danab ag nuhigppa wakkulagnu oolag hette amu, ag Kayak Nug daatte, amu danab ag oolag unuqagppanu Nug mattin oitteb ele, Nug ag nob ena madatte oolagppa genab dooglagoitte. Ib laa iitta.

Taitus 1:15

Am danab ag oolag dubuttid iitta ele amu, ahilagnu keeke oh am oppiaawak ele daatte, amge danab ag dubuttid ele, ag oolagppa genab ii dootteb ele amu, ahilagnu keeke oh am oppiaawak iitta. Ahilag dabmakppa, ahilag ooppan oiyak ippunittaknu ulum eleppa dubuttid aakku teum daatte.

1 Korint 8:7

Keeke amu anam daatte, amge danab laala ag doyak amu ii aoppig. Ag am anukka kayak hambuppuak dottolkad binalag hanhan madappig, amuppa ag gemu doɗ teppu amu lanaknu amu, ag, “Ig kayak hambuppuak binag mematanu, ig doɗ teppu imu, ag main kayak hambuppuak dottog medappig ele amu, ig ii lamata,” aon atteb. Laa anam dabmetteb, ag oolagppan oiyak ippunittaknu ulum am gai-iitta, aɗi am ena, aɗi am nau elelenab ii ippunadtte amunu, ag lalob amu, ag, “Ig eheɗ hettem,” doolob.

Rom 14:5

Aria, danab laa nug deɗ laippunu, amuam deɗ gunnab, deɗ laala eɗattak dootte, amu danab laa nug deɗ oh am iɗu laippu anam dootte. Anam amge danab oh ag anen anen ag kobol atten am tutukku amu, ag ahilag dabmakppa dabmak aon, aɗi kobol am tutukku doon autna aweg!

Rom 13:2

amunu, danab nug danab gumaknu ehah ele waappa ii daya tappe nak kobol hette, nug keeke Kayak qappom waappa ii daya tappe nak kobol hette. Amu danab ag kobol anam hetteb amu, ag geha ahilag hak nau amunu nob nau aoglag.