Rom 14:22 - Nobonob Baibel

²² Na Kayak noobppa ee lanaknu aɗi ootppa genab doottem amu, na amu hekkutnu elele, amge danab oh nahip dabmak dim lamidkkulagnu aib heme. Danab laa nug keeke laanu ena dabmette, nuhig dabmak keeke amunu beɗuppa nai ii yaatte ele amu, nug itittak ena awom daatte.

Rom 14:22 Referans Kwoze

1 Jon 3:21

O gamalad, ig ihinig dabmakppa eheɗ laa ii hemut doottem dayeb amu, ig aakku Kayak noobppa baɗak iitta ele daagnignu elele,

Rom 14:5

Aria, danab laa nug deɗ laippunu, amuam deɗ gunnab, deɗ laala eɗattak dootte, amu danab laa nug deɗ oh am iɗu laippu anam dootte. Anam amge danab oh ag anen anen ag kobol atten am tutukku amu, ag ahilag dabmakppa dabmak aon, aɗi kobol am tutukku doon autna aweg!

Jems 3:13

Danab laa nug ag oolagppanu nug doyak dabmak ena ele, amu diignu doyak tutukku ele daattete? Anam dayeb amu, danab laa ag amu anidkkulagnu, nug nuhig oiyak enanag baɗ! Yo, laa ag amu anidkkulagnu amu, nug ele nukka nukka binag mak kobol iittappa, kobol doyak dabmak enappanu bette amu, nug kobol amuppa danab ehanattaɗ!

Galesia 6:1

O lailad, danab laa nug hipunin laa heeb, ag anidna amu ag danab ag Kayak Ouɗi ele, ag danab amu eɗun aoglagnu nai bodoettak eleppa oo babaitteg! Ag aib nuhignu guhuɗittak kobol heppig. Ag oh anen anen ahilagnu dabmeig! Satan nug ag ele eheɗ hekkulagnu oolag eeɗkkunu daatte.

Rom 14:23

Amge danab nug ee laanu, “Kayak Nug da ee imu lakkulnu aib atte doottem,” akku, me nug latte amu, nug aakku he, nuhig ooppan oiyak ippunittaknu ulum nug ooppa guittak medatte. Aɗinu? Nug Kayaknu neekkakppa keeke amu hekkunu am elele ooppa genab ii dootte. Amu aɗitai keeke danab nug Kayak nug amu hekkunu elele dootte ooppa genab ii dootte, nug hekku dayeb amu nug aakku hipunin hette.

2 Korint 1:12

Aria, ig keeke laanu maɗoɗppan gamag ahak doottem. Ihinig ooppan oiyak ippunittaknu ulum am keeke amuam genab ippunigtte. Keeke amuam inam. Ig wanppa oimut, gemu ele oittem amu, ig Kayaknu oppiaawak kobol amu nuhig hambuppuak iitta kobol ele aot oimut. Ig danab dabmakppa ii hemut. Iitta. Ig Kayaknu ehanittak okkai hamu megatte, ig amuppa hetata amu, ig ag Korint daatteb oolagppa huana hemut.

Rom 14:14

Amu da am Naɗi Jesusnu danab, amu Nug da ippuniɗa auta awe, da ee laippu laa nug nukka ii lanaknu epeɗiak ii daatte doottem. Amge danab nug nukka keeke atten laa nug amunu eheɗ dootte, nuhigppa am eheɗ daatte ele doottem.

Rom 14:2

Danab laa nuhig ooppa genab doyak am ɠagattag ele nug ee oh lanan Kayak noobppa ena daatte dootte. Amu danab laa nug ooppa genab doyak nuhig ɠagattag iitta ele, nug Kayak noobppa ena daakkunu nug doɗ teppu ii lamanu dootte amunu nug doɗ teppu ii latte.

Aposel 24:16

Amunu da hanhan deɗ oh da oolppa keeke eheɗ laa Kayak noobppa, danab ah amelagppa ele ii daamanu, da wagai mettem.

Rom 7:24

Gadonnab! Da qagaiettaknab daattem! Da dakka dabmak dahilppa Kayaknu ɗo waappa daattem, amge ool alagppa amu, da hipuninnu ɗo waappa daattem. Aun nug da ehaniɗeb, da baula hipuninnu ɗo, nug he da mauhttem ele amu, da nug waappa ii daapa? Amu da Kayak amegppa, “Ena heme,” awe attem. Aɗinu? Jesus Kristus, ihinig Naɗi, nuhigppa da uhuqak ena aomi daattem.

Rom 7:15

Amu kobol da hettem ele, diig amuam da ii doottem. Kobol da amunu ool hette ele amu, da ii hettem. Amge kobol da amunu oolppa nau ninig ele doottem amu, da amu hettem.

Rom 2:1

Amunu, na danab aun, na laipad epeɗiadna, eheɗ heppignu nob nau aoglagnu attem ele amu, na am attemun? Na ele eheɗ amu hettem amunu, na Kayak noobppa, “Da hemi amuam da beɗulppa iitta,” akkutnu elele iittanab. Na laipad epeɗiadna, ag eheɗ hena, nob nau aoglagnu attem, haen amuppa na ele eheɗ nahipnu nob nau aokkutnu, na nakka nai beɗunppa iite yaattem?

1 Korint 8:7

Keeke amu anam daatte, amge danab laala ag doyak amu ii aoppig. Ag am anukka kayak hambuppuak dottolkad binalag hanhan madappig, amuppa ag gemu doɗ teppu amu lanaknu amu, ag, “Ig kayak hambuppuak binag mematanu, ig doɗ teppu imu, ag main kayak hambuppuak dottog medappig ele amu, ig ii lamata,” aon atteb. Laa anam dabmetteb, ag oolagppan oiyak ippunittaknu ulum am gai-iitta, aɗi am ena, aɗi am nau elelenab ii ippunadtte amunu, ag lalob amu, ag, “Ig eheɗ hettem,” doolob.