Rom 14:18 - Nobonob Baibel

¹⁸ Danab laa nug ib amuppa Kristus waappa daya nuhig uɗat hette ele, geha Kayak Nug nuhignu ena dookku; danab ag ele nuhignu am danab ena dooglag.

Rom 14:18 Referans Kwoze

2 Korint 8:21

Am ig ehanittak kobol imu ib tutukkuppaib Naɗi amegppa hekkunignu dabmettem. Amge ig Nug amegppaib tutukku hekkunignu aakkuib ii hettem. Iitta. Ig danab ag ele ig kobol tutukkuppa hettem anidkkulagnu hettem.

1 Pita 2:20

Amge ag begbeg maɗi nid ag kobol eheɗ laa heppeg, ahilkad gumak danab ag guittak madappeg, ag begbeg maɗi nid ag ahan wagai ii mekkulag amu, ag amunu attemun ag nob ena aoglagnu dabmekkulag? Amge ag begbeg maɗi nid ag kobol ena laa heppeg, ahilkad gumak danab ag amunu ahan guittak madappeg amu, ag begbeg maɗi nid ag bodoettak daanna, eɗun wagai ii meppeg, Kayak Nug kobol amunu oo enaib daakku.

1 Pita 2:5

Nug he, ag ele men bau daatte bia beegeg, Kayak Nug nuhig tamaniak, lag bia, ahilagppa hette. Amuppa ag mana mettak danab oppiaawak ele daanna, ag keeke Kayak oo niitte ele, Jesus Kristus onigppa mana mettak bia Kayak keeke amu mettaglag.

2 Korint 5:11

Amu ig Naɗinu ebehi oh bodoetta le mak doottem amunu, ig danab ag nuhignu oolagppa genab dooglagnu uɗat okkai hettem. Kayak Nug ig dooikka malom; Nug noobppa am ig miag bemut daattem. Amu ag ele ig anam dooikkulagnu ool naɗi daatte.

1 Pita 3:16

amge na oo bodoettak kobol, na laanu ena elele doyak kobol ele dim lamidna, anam he! Danab laa ag na Kristusnu daanna, hak ena hettem anidna, ag baeg qak nai nahipnu maditteb amu, ag amunu uɗalag nekkunu na beɗunppa aab iitta eleppa henan oikkut.

1 Timoti 5:4

Amge ah qab nug bekkodtai o iitta alakkudtai laa daanna amu, ahilag uɗat anuqak am ag anilkad mamelkad alalkad ele ag nob ena eɗun mattaglagnu atognoadkkulagnu daatte. Ao, Kayak Nug kobol amunu ena dootte.

1 Timoti 2:3

Unuqittak amunu amu Kayak, Nug ihinig eɗua awikkaknu diig daatte, Nug danab ah oh eɗua diikkunu, ag doyak diig genabib ele dooglagnu oo daatte ele amu, Nug unuqittak amunu ena dootte.

Kolosi 3:24

Aɗinu? Ag dootteb, butti aɗi Naɗi Nug nob ena, Nug danab ah nuhikkud, ahilagnu matu babaittom daatte ele amu, Nug ag madakku. Ag am Kristusnu maɗi nid, Nug am ahilag Naɗi daatte.

Pilipai 4:18

Ag Epaproditus eppegppa keeke meeg dahilppa uɗiom amu, da awen, da keeke kuɗumnab, elelenab daattem. Keeke ag meɗappig ele, keeke amuam mana mettak muttuɗig ena ele ag Kayak medappig bia daatteb. Kayak Nug mana mettak anam awa amu, Nug oo enanag ele daatte.

2 Korint 6:4

Iitta. Ig am Kayaknu maɗi nid daattem ippunadkkunignu amu, ig uug digdig bak haenppa ig ɠagattag daat, uug amu doot maot oittem, amuppa amu ippunadttem. Ig ihinig kobolppa qagaiettak haenppa, oo doyak haenppa, aolak haenppa, oikkak haenppa, maniguittak inikkak haenppa, lamikkak haenppa, uɗat naɗi ɠagattag hak haenppa, niiak elele iitta haenppa, amu enug iqak haenppa ele amu, ig haen amu oh ig ɠagattag daat, uug maottem amuppa amu ig am Kayaknu maɗi nid ippunadttem.

2 Korint 4:2

Iitta. Ig kobol uɗa nak ele, laa lokkumakppa hetteb amu, ig kobol amu dimettota, hambuppuak kobolppa ele ig ii oittem. Am ig Kayak nainu ele amu ig baolita ii hettem. Iitta. Ig Nai Ena tutukku miag mehuqttem, amu amuppa ig danab oh ig am aun ippuanadttem. Ig amu heut, ag ig Kayaknu neekkakppa attem daattem oolagppa dooglagnu elele.

Rom 16:18

Danab amu ag ihinig Naɗi Kristus waappa daan nuhig uɗat ii hetteb. Iitta. Ag am beɗulagnu dabmak nau amuib dim lamidtteb. Amu oo eeɗaknu nai ittag ele, ag amuppa danab ag kobol atten am ena, kobol atten am nau ii dootteb ele amu, ag buppualadtteb.

Rom 14:4

Na am danab aun amunu na danab laanu maɗi nidnu nai eheɗ nuhignu attem? Am nahip keeke iitta, nug am Kayaknu maɗi nid. Nug uɗat nuhigppa ɠagattag hippaidkkutai o iitta nuhig uɗatppa na qekkutai, amu oh am nuhig gumak danabnuib keeke daatte, amge nug geha ɠagattag hippaidkku. Aɗinu? Naɗi Nug nukka ɠagattag qetteb, nug ɠagattag daakku.

Rom 12:11

Amu ag aib bahilag yom. Iitta! Ag Kayak Ouɗinu ehanittakppa yagbak doon, Naɗinu uɗat pehettak hekkulagnu ag oolag metteg!

Rom 6:22

Amge Kayak Nug ag hipuninnu kobolppanu uhuqatta, Nug ag nuhig begbeg maɗi nid maattom amunu, ag nuhig keeke ena aonna, oppiaawak danab betteb. Ag anam bettebnu gogtak amu ag bauklel hanhannu aoglag.

Aposel 10:35

Iitta. Kayak Nug danab buɗub ohppanu laa ag nuhignu ebehilag oh bodoetta le mette, ag kobol genab tutukku ele hetteb amu, Kayak Nug ag diiadtte.

Jon 12:26

Amu laa nug da waalppa dayaya da oɗel dim lamidkku dayeb amu, nug da dim lamiɗkkuoitte. Am da adeppa daattem amu, dahil maɗi nid nug ele appa daakku. Am laa nug da waalppa dayaya da oɗel dim lamidkku amu, Mame Nug nug binag humakku,” awa aum.

Mak 13:34

Haen amu inam bia bekku. Danab laa nug atu laih gokkunu aha, nug laugppanu uɗat oh otia, nuhikkud maɗi nid eppelagppa mewowa, laa nug od gumom ele, nug nuhig okkai eɗua uɗikkunu dabmaama daakkunu awowa, aha ukkom.

Eklisiastis 9:7

Am gemu amu, Kayak Nug na gamag ahak doon, ee, wain ele nahip lakkutnu oo hette amunu, na gona, oo gamag ahak ele nahip ee, wain ele la!

Genesis 4:7

Na kobol ena heppe, da ool nahipnu ena daakku. Amge na kobol ena ii heppe, hipunin na tonitteb nauhkkut, amge anam am aib. Na hipunin tabappe noaɗ!” awa aum.

2 Korint 5:9

Anam daatte amunu, ig ii mauhmut, haen imuppa, ihinig mauhak dimppa ele amu ig kobol oh, Naɗi Nug oo daatte, amubia hekkunignu dabmak ɠagattag aottem.

Pilipai 4:8

O lailad, da nai laa ele ag amelagppa attem. Ag kobol doyak diig genabibppanu bette, kobol anuqak, kobol tutukku, kobol oppiak ele, kobol neekkak enanag ele, kobol elelenab, kobol enanagnab, kobol binag ele amu, ag kobol amu oh aon dabmenana oinna, oolagppa meig!

1 Pita 2:12

Amu ag danab laa Kayak baekkudppa ii daatteb ele amu, ag ag oolagppa daanna, kobol ena tutukkuib heig! Ag anam hebeppeg, danab amu ag ahilagnu nai nau akkulagtai, ge ag ahilag kobol ena amu anidna, haen Naɗi Nug ig danab ig ehanigkkunu uɗikku amu, ag ele Nug binag mekkulag.