Rom 14:12 - Nobonob Baibel

¹² Amunu ig oh anen anen geha kobol oh hettem elenu diig amu Kayak amegppa akkunig.

Rom 14:12 Referans Kwoze

1 Pita 4:5

Amge dimppa ag akka Kayak amegppa ag kobol hetteb amunu miag atinna akkulag. Nug am epeɗiak danab anuqak, amu Nug danab bau daatteb, amu mauhppig ele oh kobol anen anen heppig amuppa epeɗiadkkunu babaittom daatte.

Matyu 12:36

Amge da ag amelagppa attem. Epeɗiak haenppa Kayak Nug danab ah ag nai diig iitta madippig ele amu, Nug amunu epeɗiadkku.

Matyu 16:27

Danab Bekkalag da, da Mamelnu binag amahlak oppiaawak ele uɗippi, engel ele uɗignig, amu haen amuppa da danab ah dilag hak, amu nob eɗue madakkul.

Galesia 6:5

Aɗinu? Danab oh ag anen anen ahilag uɗat amu maoglagnu dabmekkulag am ena.

Luk 16:2

Anam aeg amu nug uɗat gumak danab nuhig onigppa e uɗie, amegppa aum. ‘Na keeke heme amu, nai amu da doomi amunu, na gona, dahil keeke oh na aɗattem amu uɗug laappa ye! Aɗinu? Na baula uɗat gumak danab daakkutnu am elele iitta,’ awa aum.

Eklisiastis 11:9

O nid bau, na nid bau daattem, haen imuppa na oot gamag ahaɗ! Ao, na ootppa aɗi aɗi hena, gamag ahak dookkutnu anidttem ele amu, na amu hekkut. Na ootppa attem attem hekkutnu doottem, na amenppa attem attem hekkutnu anidttem amu, na amu dim lamidkkut; amge dabme! Kayak Nug na aɗi aɗi hekkut amu, Nug na amunu epeɗidkku.

2 Korint 5:10

Aɗinu? Ig doottem, geha ig oh Kristusnu hettoɗiak abenppa daagnig. Aria haen ig beɗunig imuppa daatta, ig kobol nau hettem ele dayeb amu, geha ig amunu nob nau aognig. O iitta ig daatta, ig kobol ena hettem dayeb amu, geha ig amunu nob ena aognig. Yo, ig geha anen anen kobol hemutnu nob amuib aognig.