Rom 14:10 - Nobonob Baibel

¹⁰ Ig oh geha Kayaknu hettoɗiak abenppa daagnig amunu, na layap, nug Jesusnu ooppa genab dotte amu, na aɗinu nug epeɗittem? Aɗinu na layapnu keeke hamu bia doottem?

Rom 14:10 Referans Kwoze

2 Korint 5:10

Aɗinu? Ig doottem, geha ig oh Kristusnu hettoɗiak abenppa daagnig. Aria haen ig beɗunig imuppa daatta, ig kobol nau hettem ele dayeb amu, geha ig amunu nob nau aognig. O iitta ig daatta, ig kobol ena hettem dayeb amu, geha ig amunu nob ena aognig. Yo, ig geha anen anen kobol hemutnu nob amuib aognig.

1 Korint 4:5

Epeɗiak uɗat amu ig gemu ii gumattem amunu, haen gamag imuppa ig anam ii hemata. Ag Naɗi uɗikkunu haen ameg meig! Nug uɗia, keeke oh gatatuppa lokkumak daatteb amu heeb, amahlakppa miag atippeg, aria Nug ele heeb, danab ag diig aɗinu keeke laala heppig amu, danab oh dilag dabmak amu miag bekku. Haen amuppa geha Kayak Nug ig danab oh laib laib ihinig haknu nob tutukku megakku.

Eklisiastis 12:14

Diig laa na anam hekkutnu am, Kayak Nug keeke oh ig danab, ig hettem ele epeɗiadkku. Nug keeke ig miag atiak hemut epeɗiadkku, amge amu aakkuib iitta. Iitta. Nug keeke ig lokkumakppa hemut ele epeɗiadkku. Nug ig keeke ena hemut epeɗiadkku, amu Nug keeke eheɗ ig hemut ele epeɗiadkku,” awa atte.

Rom 2:16

Amunu epeɗiak deɗ ana uɗieb, Kayak Nug geha danab oh dilag kobol lokkumak daatte, ahilag dabmak lokkumak daatte ele Jesus Kristus nuhigppa, da Nai Ena mehuqttem bia, epeɗiadkku.

Jon 5:22

Mama Nug danab laa ii epeɗitte. Iitta. Nug danab ah oh ag Nug binag metteb, amubia da binal mekkulagnu epeɗiak uɗat amu oh Nug Bekka da, da eppelppaib meum. Am danab nug Kayak Bekka da, da binal ii mette amu Mama, Nug da meiɗe uɗimi ele amu, Nug binag ele ii mette.

Aposel 10:42

Amu Nug ig nai ena mehuqkkunignu ana, ig danab ah amelagppa Kayak Nug Jesus dimppa mauhak aɗi, bau dayak aɗi ele epeɗiadkkunu tituanittom, Nug ig nai amu ele mehuqkkunignu haknunab nai ig mekkom.

Aposel 4:11

Kristus Nug am ‘men laa, ag lag hak danab ag uuppig, amge Nug men anuqak beum daatte.’

Aposel 17:31

Aɗinu? Nug wanppan danab ah oh epeɗiadkkunu deɗ aakku otiom daatte. Geha, epeɗiak amuppa amu, Nug nai doya mala hettoɗia epeɗia elele mettak kobol tutukku dim lamittatta, Nug danab ah oh epeɗiadkku. Amu Nug danab laa epeɗiak amu gumakkunu otiom. Danab amu Nug mauhe, Kayak Nug he, Nug eɗua hibaittom amunu, danab oh ag keeke amu genab bekku amu, ag oolagppa genab dooglagnu elele,” awa aum.

Luk 23:11

Herot nug nuhikkud daup ele ag Nug hippeg qakkan, aon aon qettan, dimettan, lamen elab enanag laa aon takkidna meeg, eɗua Pailat toppa ukkom.

Eklisiastis 11:9

O nid bau, na nid bau daattem, haen imuppa na oot gamag ahaɗ! Ao, na ootppa aɗi aɗi hena, gamag ahak dookkutnu anidttem ele amu, na amu hekkut. Na ootppa attem attem hekkutnu doottem, na amenppa attem attem hekkutnu anidttem amu, na amu dim lamidkkut; amge dabme! Kayak Nug na aɗi aɗi hekkut amu, Nug na amunu epeɗidkku.

Matyu 7:1

Ag laa dilag ⌊oo ɠagattagppa⌋ aib epeɗiadppig. Ag anam epeɗiadkkulag dayeb amu, ag ele epeɗiak amubia aoglag.

Luk 18:9

Am Jesus Nug danab laala ag akka ahilagnuib, “Igib genab tutukku hak danab,” anana, ag danab laa dilagnu, “Ag nau, hipunin ele,” aon appig ele amu, Jesus Nug ag amelagppa keeke danab ag dootteb ii dootteb ele ouaqata ippuanatta nai imu mattiom.